Ekonomia

Governu Halo Poupansa Billaun $1,5 bá Levantamentu Osan hosi Fundu Mina-rai

Published

1 month ago

28/04/2023

Hatutan.com, (28 Abríl 2023), Díli– Entre tinan 2020 to’o iha fulan-Abríl 2023, Oitavu Governu Konstitusionál konsege halo poupansa osan billaun $1,5 bá levantamentu osan husi Fundu mina-rai hosi totál montante billaun $5,2 ne’ebé mak Parlamentu Nasionál aprova ona durante tinan-4 ikus ne’e.

Lee Mós : Banku Mundiál: Timor-Leste Nia Kreximentu PIB Atrazu iha Nivel Rejionál

Foto/Ministériu Finansas

Sita hosi konta ofisial Facebook Gabinete do Ministro das Finanças, Rui Augusto Gomes, haktuir katak iha tinan 2020, Parlamentu Nasionál aprova levantamentu osan hosi Fundu Mina-rai ho montante millaun $964 no Governu halo de’it levantamentu millaun $886 ka 92%.

Iha 2021, Parlamentu Nasionál aprova levantamentu osan husi Fundu Mina-rai ho montante billaun $1,378 no Governu foti de’it billaun $1,148 ka 83%.

Tinan kotuk, Parlamentu Nasionál aprova levantamentu osan husi Fundu Mina-rai ho montante billaun $1,553 no Governu foti de’it billaun $1,404 ka 90%.

Iha tinan ida-ne’e, Parlamentu Nasionál aprova levantamentu osan hosi Fundu Mina-rai ho montante billaun $1,346 no to’o iha fulan-Abríl 2023, Governu foin mak foti de’it millaun $300 ka 22%. Nune’e, husi tinan 2020 to’o Abríl 2023, Oitavu Governu Konstitusionál liuhusi Ministériu Finansas, halo ona levantamentu osan husi Fundu Mina-rai ho montante totál billaun $3,7 husi montante billaun $5,2 ne’ebé mak Parlamentu Nasionál aprova ona – iha poupansa kuaze billaun $1,5 entre levantamentu aprovadu hosi Parlamentu Nasional (billaun $5,2) no levantamentu atuál (billaun $3,7).

Poupansa ida-ne’e akontese tambá Ministériu Finansas aplika jestaun fluxu kaixa (cash flow) ne’ebé bainhira iha nesesidade atu halo reforsu ba kaixa Estadu mak Governu foin hato’o pedidu levantamentu osan ba Banku Sentrál Timor-Leste. Se laiha nesesidade, Governu sei la-halo levantamentu.

Tuir relatóriu ikus husi Banku Sentrál Timor-Leste, to’o iha 31 Dezembru 2022, balansu Fundu Mina-rai hamutuk billaun $17,4.

Jornalista : Vito Salvadór

Tuir Mai

Soal Waskita Digugat Pailit, Pemerintah RI Layangkan Surat Jaminan Kepada Pemerintah TL

Le'e Mos

Banku Mundiál: Timor-Leste Nia Kreximentu PIB Atrazu iha Nivel Rejionál

Kontinua Le'e

Hakarak Hato'o Komentariu?

Ekonomia

Ezekusaun Reál OJE 2023 Atinji Millaun $438,2

Published

3 days ago

02/06/2023

Francisco Belo Simoes

Hatutan.com, (02 Juñu 2023), Díli–Ezekusaun reál Orsamentu Jerál Estadu (OJE) 2023 bá “Todo Governo” – esklui kompromisu no obrigasaun sira, to’o iha loron 31 fulan-Maiu, em termos nominál atinji ona millaun $438,2 husi orsamentu aprovadu biliaun $2,16.

(more…)

Kontinua Le'e

Ekonomia

Waskita Garap Proyek Bandara Udara Timor Leste Senilai 72 Juta Dolar AS

Published

7 days ago

29/05/2023

Francisco Belo Simoes

Hatutan.com, (29 Mei 2023), Dili–Pemerintah Timor Leste melalui Kementrian Perhubungan dan Telekomunikasi, Senin (29/05/2023), resmi menandatangani kontrak kerja dengan PT Waskita Karya (Persero) Tbk (WSKT) untuk pengerjaan proyek perluasan bandara udara internasional presiden Nicolau dos Reis Lobato, Dili, dengan nilai 72 juta dolar As atau setara dengan Rp 1,071,648,000,000 (US$ 1.00=Rp 14,884).

(more…)

Kontinua Le'e

Ekonomia

Konstrusaun Edifísiu Tribunál Dili Atrazu

Published

1 week ago

26/05/2023

Francisco Belo Simoes

Hatutan.com, (26 Maiu 2023), Díli-Projetu konstrusaun edifísiu foun Tribunál Judisiál Primeira Instánsia Díli (TJPID) nian, oras ne’e, foin atinje porsentu 62, tanba ne’e, Prezidente Tribunál Rekursu (PTR), Deolindo dos Santos, fiar katak, Governu foun bele kontínua hodi finaliza obra ne’e.

(more…)

Kontinua Le'e