Hatutan.com, (13 Juñu 2023), Díli-Policia Ciêntífica e de Investigaçăo Criminál (PCIC) detein sidadaun estranjeiru ida ho nasionalidade Xina  iha sela detensaun PCIC tanba deskonfia envolve iha kazu kríme burla agravadu no dano agravadu.

Lee Mós : Família Matebian José Bernardo Ezije PCIC Fó-Sai Rezultadu Investigasaun

PCIC detein sidaduan estranjeiru ida ho nasionalidade Xina. Foto/Rogério Pereira Cárceres

Detensaun ne’e baze bá mandadu no detensaun hosi Tribunál Judisiál Primeira Instánsia Díli (TJPID), NUC 0136/23.PDDIL, ne’ebé husu bá PCIC atu ezekuta mandadu ne’e hasoru sidadaun Xinés ho identidade inisial JXH.

Iha Tersa, 13 Juñu 2023, haleu tuku 10:30 dadeer Otl, PCIC ezekuta mandadu detensaun hosi Tribunál Judisiál Primeira Instánsia Díli (TJPID) bá sidadaun Xinés ho identidade inisial JXH iha ninia rezidénsia balu iha área kapitál Díli.

Rezultadu hosi ezekusaun ne’e,  PCIC konsege kaer no transporte JXH bá iha PCIC nia fatin iha Caicoli. Maibé, uainhira iha tuku 11:30 Otl, ekipa sira lori mós ho autór to’o iha PCIC, atu detein.

Maibé, suspeitu JXH ‘sente trauma ka ta’uk’ ho madadu Tribunál nian ne’ebé membru PCIC sira ezekuta, nune’e,  nia ‘dezmaia’ derependete iha PCIC nia servisu fatin. Ho nune’e, membru PCIC sira komunika kedan ambulánsia hodi transporta suspeitu bá hala’o tratamentu saúde (check up) iha Hospitál Nacional Guido Valadáres (HNGV), Bidau, Díli.

Tuir mandadu detensaun hosi Tribunál, PCIC sei detein suspeitu JXH iha sela PCIC durante oras 72. Hafoin ida ne’e, sei aprezenta bá nia autus sira bá Tribunál hodi tuir prosesu primeiru interrogatóriu judisial, hodi hatán bá ninia aktu sira.

Jornalista: Rogério Pereira Cárceres