Connect with us
Pakote Ahi

Justisa & Krime

Tribunál Liberta Arguidu JC Ne’ebé Deskonfia Halo Abuzu Seksuál bá Minoridade

Published

on

Hatutan.com, (28 Jullu 2023), Díli-Tribunál Rekursu (TR) liuhosi Mandadu Libertasaun nian, liberta ona arguidu ho inisial JC ne’ebé deskonfia halo abuzu seksuál bá minoridade iha Díli.

Lee Mós : JC Kumpre Prizaun Preventiva Tanba Provas Abuzu Seksuál bá Minoridade Sufisiente

Polísia Nasionál Timor Leste (PNTL) akompaña arguidu JC (uza faru detidu) partisipa audiénsia primeira interrogatóriu iha TDD, Kinta, 16 Fevereiru 2023. Foto/Elio dos Santos da Costa

Diretór Perizonial Becora, João da Silva, ne’ebé Hatutan.com konfirma liuhosi telefónika,  Sesta (28/07/2023),  hateten arguidu JC livre ona pena prizaun. Maibé, nia labele fó lai informasaun kle’an tanba oras ne’e nia sei ho situasaun lisensa espesial.

“Sim, nia lívre kedas kleur ona. Nia lívre, nia lívre. Mais ha’u la lembra nia livre iha sá fulan  tanba ha’u iha lisensa hela. Mais, dadauk ne’e, nia lívre. Liberdade hosi Tribunál Rekursu. Ne’e tuir ha’u nia hatene,” Diretór Prizionál Prizaun Becora, João da Silva haktuir.

Advertisement

Hatán kona-bá tanba sá arguidu ne’e bele liberta, Diretór  Perizonial Becora ne’e lia tun dehan, prosesu liberta ne’e kompeténsia Tribunál Rekursu nian, parte Prizionál ezekuta de’it desizaun sira hosi parte ne’ebé kompetente.

“Tanba sá mak lívre ne’e, ne’e Tribunál nia servisu. Ami servisu prizaun kuandu halo selebrasaun fó liberdade, ne’e bazeia bá mandadu libertasaun hosi Tribunál. Ne’ebé, tanba saida ne’e hosi Tribunál mak hatene,” João da Silva hatene.

Kona-bá iha tempu ne’ebá, arguidu JC hahú kumpre pena prizaun preventiva iha Prizaun Becora  iha Sela ka Blok hira, João da Silva dehan, asuntu ida seguransa, sira labele fó hatene bá públiku. Maibé, konserteza katak, arguidu JC tama duni iha kadeia ka kumpre prizaun preventiba iha Prizaun Becora.

“Mais iha laran ne’e, ita labele fó. Ne’e asuntu seguransa, ami labele fó bá públiku,” tenik João da Silva.

To’o notísia ne’e Hatutan.com publika seidauk iha konfirmasaun direta ho parte kompetente sira iha Tribunál Rekursu kona-bá razaun ka baze legal ne’ebé Tribunál Rekursu aplika hodi liberta arguidu JC  hosi prizaun preventiva bá kazu abuzu seksuál hasoru minoridade.

Advertisement

Molok ne’e, iha Tersa, 14 fulan-Fevereiru 2023, haleu tuku 18:00, rai-nakaras Otl, Polísia Nasionál Timor-Leste (PNTL) ezekuta mandadu kapturasaun hosi Tribunál Judisial Primeira Instánsia Díli (TJPID) hasoru arguidu JC bá kazu ho númeru Úniku Kriminál  (NUK) 0016/23, tanba deskonfia arguidu komete krime abuzu seksuál hasoru minoridade, previstu iha artigu 177, Lei Kódigu Prosesu Penál Timor-Leste.

Ho kapturasaun ne’e, PNTL ninia Investigadór sira iha Departamentu Investigasaun Kriminál Nasional (DIKN) halo kedan prosesu identifikasaun rekolla informasaun sira, no konsege halo detensaun bá suspeitu JC iha Sela Detensaun Komandu Munisípiu Díli durante oras 72 nia laran.

Iha tempu ne’ebá, Investigadór sira remete kedan autus sira bá Ministériu Públiku (MP). Nune’e, iha Sesta, 17 fulan-Fevereiru 2023, suspeitu JC bá tuir Prosesu Primeiru Interrogatóriu Judisial iha Tribunál Díli.   

Rezultadu hosi prosesu primeiru interrogatóriu ne’e, Tribunál liuhosi Juiz Titulár Ivan Suritai, deside aplika medida koasaun prizaun preventiva bá Arguidu JC, tanba deklrasaun ho prova sira ne’ebé sufisiente bá kazu abuzu seksuál hasoru minoridade.

Advogadu privádu Miguel Faria, iha tempu ne’ebá hateten, Tribunál aplika medida koasaun prizaun preventiva, tanba haree hosi arguidu ninia deklarasaun sira, iha indísiu forte, no prova sira sufisiente.

Advertisement

“Aplikasaun medida ne’e tanba iha indísiu forte ba deklarasaun arguidu ho prova ne’ebé iha sufisiente hodi prienxe rekezitu krime abuzu seksuál bá minoridade,” Advogadu Miguel Faria hateten iha TDD, hafoin rona desizaun.

Advogadu ne’e mós reforsa katak, desizaun ne’e foti tanba ho prova ne’ebé iha sufisiente hodi priénxe kríme abuzu seksuál menoridade no previstu iha artigu 177, númeru 2 iha kódigu penál Timor-Leste nian.

Advogadu ne’e sei konsulta ho parte família arguidu atu hato’o rekursu bá Tribunál  Rekursu liga bá desizaun ne’ebé iha dentru loron 15 nia laran no iha alegasaun ne’e mós defeza rasik husu ona atu Tribunál aplika medida adekuadu bá JC.

Jornalista: Rogério Pereira Cárceres

Advertisement

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e
Advertisement

Trending