Connect with us
Pakote Ahi

Polítika

Militante FRETILIN 2.500 Husu CCF Konvoka Kongresu Nasionál Estraordináriu

Published

on

Hatutan.com, (31 Janeiru 2024), Díli- Militante partidu FRETILIN hamutuk na’in-2.500, Kuarta (31/01/2024), submete karta petisaun bá Komité Sentral FRETILIN (CCF) hodi husu konvoka Kongresu Nasionál Estraordináriu (KNE) no halo Eleisaun direita bá Prezidente no Sekretáriu Jerál partidu istóriku ne’e.

Agustinho Sequeira “Somotxo” reprezenta militante FRETILIN 2.500 entrega petisaun bá Sekretáriu CCF, Kuarta (31/01/2024). Foto/Elio dos Santos da Costa

Petisionáriu nu’udár militanten FRETILIN na’in-2.500 ne’ebé hatama petisaun bá CCF, e mai husi Munisípiu Baucau, Lautem, Viqueque,  Manatuto, Manufahi, Ainaro,  Covalima, Aileu,  Ermera,  Bobonaro,  Liquiça, Díli  ho Rejiaun Administrativu Espesial Oe-Cusse Ambeno.

Iha petisaun ne’e petisionáriu sira maioria husu atu halo kongresu nasional estraordináriu tamba konsidera estrutura atuál liu-liu Prezidente FRETILIN, Francisco Guterres “Lú Olo” no Sekretáriu Jerál Mari Alkatiri, la hatudu dezempeñu eleitorál di’ak no lori insusesu bá partidu tamba iha estrutura atuál nia lideransa sempre lori derrota ba partidu iha eleisaun prezidensiál 2021 no eleisaun parlamentár 2023.

Porta vós Petisionáriu militante FRETILIN nian, José Agustinho Sequeira “Somotxo” hateten, militante no kuadru partidu FRETILIN, ne’ebé asina dokumentu ida ne’e, ho bazé bá direitu atu “livremente esprime ninia opiniaun no aprezenta bá respetivu órgaun sira, kritika, opiniaun no proposta kona-bá organizasaun no atividade FRETILIN nian’ (alínea d, artigo 139, Estatutos da FRETILIN).

Advertisement

Hakarak hato’o petisaun bá Prezidente Francisco Guterres “Lú Olo”, ho Mari Alkatiri no membru CCF sira, ho konteúdu hanesan tuir mai;

Ho néon nakraik no laran susar, ami lamenta tebes rezultadu eleisaun parlamentár 21 fulan-Maiu 2023, ne’ebé hatudu katak FRETILIN lakon, ka ho lia fuan seluk, hetan derrota Eleitorál ida a’at-liu, iha istória pós-restaurasaun independénsia, ne’ebé halo militante no kuadru barak ninia fuan-moras, no lakon liu-tan esperansa ba lideransa atuál ninia kapasidade, atu lori Partidu Istóriku iha ne’e bá vitória eleitorál iha eleisaun sira tuir mai.

Petisionasriu sira militante FRETILIN nota katak, husi votu ho  57,37% (55 kadeira iha Asembleia Konstituinte) ne’ebé FRETILIN hetan, iha eleisaun tinan 2001, tanbá méritu Istóriku husi prosesu Libertasaun Pátria, iha sorin ida, maski númeru eleitór iha Timor-Leste aumenta 99,2% husi tinan 2001 ba tinan 2023, ho lideransa Prezidente Lu 0lo, no Sekretáriu Jerál Mari Alkatiri, FRETILIN ninia votu tu’un hela de’it iha tinan 20 nia laran, nunka rekupera bá fali rezultadu ne’ebé hetan iha eleisaun tinan 2001.

Halo konférensia imprensa hafoin entregra petisaun bá sekretáriu CCF. Foto/Elio dos Santos da Costa

Sira dehan, aat-liu tan, tu’un to’o 25,75%, ka ekivalente de’it ho kadeira 19 iha eleisaun  21 fulan-Maiu 2023 (bele haree dadus kona-ba rezultadu eleisaun parlamentár husi 2001 to’o 2023, iha Anexo 1 no Anexo 3).

“Iha sorin seluk, ho lideransa Prezidente kamarada Francisco Guterres Lu Olo, no Sekretáriu Jerál, kamarada Mari Alkatiri, bainhira FRETILIN manan mós, la ukun ka ukun tiha mós adversáriu polítiku sira hamonu hikas (hanesan iha eleisaun 2007, no eleisaun 2017), uainhira lakon, halo insidénsia parlamentár, no viabiliza (hanesan iha eleisaun 2012, no Eleisaun 2018), hafoin, maski viabiliza tiha bá mos, bainhira bá eleisaun, lakon aat liu tan, hanesan iha eleisaun parlamentár 2023,” Agustinho Sequeira “Somotxo” haktuir.

Somotxo argumenta iha rezultadu eleisaun sira ne’ebé iha, a’at-liu tan, Munisípiu Baucau, Lautem ho Viqueque ne’ebé tradidionalmente FRETILIN sempre manan ho mínimu 50%, iha eleisaun 21 fulan-Maiu 2023, hetan redusaun votu entre 8% to’o 16% kompara ho rezultadu eleisaun antesipada 2018 (bele haree dadus ne’ebé kompara rezultadu iha munisípiu 3)

Advertisement

Maski dezempeñu eleitorál la satisfatóriu hanesan temi iha leten, Lideransa Partidu argumenta katak dezempeñu eleitorál ne’e responsabilidade koletiva Partido nian, no labele fó sala ba de’it lideransa partidu.

Loos duni, Partidu FRETILIN partidu de massa, hamriik duni nu’udar koletivu ida, rekoñese katak, iha Partidu nia laran, desizaun koletiva akontese de’it, maibé ita hotu presiza no akontese iha órgaun koletivu, sira henesan CCF ba assunto balun, polítika estratéjia sira no alokasaun ka sentral.

Bainhira ko’alia kona-bá matéria ba estrutura baze distribuisaun rekursu finanseiru no Partidu nian, hodi implementa opsaun estratéjika sira ne’e, tuir Somotxo katak, lideransa Partidu maka halo desizaun, (dala barak sira kontextu seluk) sem tau iha konsiderasaun realidade konjuntura polítika Timor-Leste nian, ka kontextu munisípiu no postu administrativu ida-idak. Tamba ne’e, vitória ka derrota partidu nian la’ós depende de’it husi aspetu tátiku, operasionál, iha nivel estrutura baze no militante sira, maibé fatór determinante liu mak opsaun Estratéjiku no distribuisaun rekursu ne’ebé lideransa partidu determina.

“Uainhira opsaun estratéjiku sala no alokasaun rekursu la adekuadu, implementasaun iha nível táktika ka operasionál sei la efisiente no sei lori bá rezultadu final ne’ebé la di’ak. Ho baze bá realidade ida ne’e, Se maka tenke assume responsabilidade? Koletividade Partidu. Ka Lideransa Partidu?. Iha ne’e, klaru loos katak, lideransa partidu maka tenke asume responsabilidade bá desizaun kona-ba opsaun estratejika no alokasaun rekursu ne’ebé laloos,”  Somotxo afirma.

Ho baze ba pontu hirak ne’ebé temi ona iha leten, maka pestisionariu milintante FRETILIN sira-ne’e  ejize bá Francisco Guterres “Lu-Olo” no Mari Bin Amude Alkatiri, atu asume responsabilidade bá derrota hirak ne’ebé temi iha leten, hodi Renúnsia sira nia mandatu, respetivamente nu’udar Presidente no Sekretáriu-Jerál FRETILIN.

Advertisement

“Exjize bá  CCF atu konvockaa kongresu Nasionál Estraordináriuu, no Eleisaun direta bá Presidente no Sekretáriu Jerál FRETILIN, tuir Partidu nia Estatu haruka, iha tinan 2024 nia laran,”  Somotcho ne’ebé akompaña ho Rui de Araújo no Osorio Florindo afirma tan.

Dalan loos-liu, tuir sira, atu evita FRETILIN ninia derrota definitiva iha eleisaun sira tuir-mai, maka halo Renovasaun ba lideransa FRETILIN, hodi prepara vitória ba eleisaun iha futuru, inclui eleisaun  munisipál ne’ebé, tuir Governu atuál ninia programa, sei hala’o iha tinan 2025-2026, eleisaun Prezidensiál tinan 2027, no eleisaun parlamentár tinan 2028.

José Agustinho Sequeira “Somotxo” subliña katak prazu bá petisaun ne’e laiha, maibé bainhira kuandu estrutura no kuadru Superior sira CCF la hola asaun konkreta iha tempu sira tuir mai maka sira sei organiza asaun pasífiku hasoru estrutura aktual relasiona ho ezijénsia ne’ebé tau iha karta petisaun ne’e.

Hatutan.com tenta halo kedas konfirmasaun ho Sekretariadu CCF kona-bá petisaun ne’e maibé la fó komentáriu ho razaun petisaun ne’e tenke entrega bá estrutura Superior no kuadru partidu FRETILIN sira mak sei iha kompeténsia atu hatán.

Iha sorin seluk, Hatutan.com koko halo konfirmasaun direita ho Sekretáriu Jerál FRETELIN Mari Bin Amude Alkatiri, maibé laiha fatin.

Advertisement

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

FRETILIN Preokupa ho Kresimentu Ekonómiku TL iha 2023 La To’o 2%

Published

on

Hatutan.com, (23 Abríl 2024), DíliBankada FRETILIN iha Parlamentu Nasionál (PN) preokupa tebes ho rezultadu relatóriu hosi Asian Development Bank (ADB) kona-bá kresimentu ekonómiku Timor-Leste (TL) nian iha tinan 2023 ne’ebé fraku loos no la to’o 2%.

(more…)

Kontinua Le'e

Polítika

Membru PN Levanta iha Plenária Kona-bá Gafañotu Atake Hare no Batar iha Raimea

Published

on

Hatutan.com, (23 Abríl 2024), Díli– Membru Parlamentu Nasionál hosi  Bankada CNRT, Saul Salvador, liuhosi sesaun plenaria PN, Tersa (23/04/2024),  aprezenta preokupasaun agrikultór sira   Suku Raimea, Postu Administrativu Zumalai, Munisípiu Covalima, kona-bá fenómenu peste gafañotu atake hare ho batar sira.

(more…)

Kontinua Le'e

Polítika

Bankada FRETILIN Solidariza Komunidade Ne’ebé Hetan Eviksaun

Published

on

Hatutan.com, (22 Abríl 2024), DíliBankada FRETILIN iha Parlamentu Nasionál (PN) liu hosi deklarasaun politika hato’o solidariedade bá vitima eviksaun ne’ebé okupa espasu públiku iha Ai-mutin, Merkadu Comoro, Bidau Sengol, Bidau Santa Ana no Ai-tarak laran, ne’ebé halo hosi Sekretáriu Estadu Assuntu Toponímia Organisazaun Urbana (SEATEOU).

(more…)

Kontinua Le'e

Trending