Nasionál
Projetu Dekretu Lei Estrutura Orgánika Autoridade Protesaun Sivíl Aprovadu
Hatutan.com, (03 Abríl 2024), Díli—Konsellu Ministru (KM) iha Kuarta (03/04/2024) aprova projetu Dekretu-Lei kona-bá Estrutura orgánika Autoridade Protesaun Sivíl, ne’ebé aprezenta hosi Ministru Interiór (MI), Francisco da Costa Guterres.
Reuniaun Konsellu Ministru. Foto/Tome da Silva.
Objetivu hosi projetu Dekretu-Lei ne’e, tuir Lei Protesaun Sivíl no Orgánika IX Governu Konstitusionál, hakarak atu define fila-fali estrutura orgánika Autoridade Protesaun Sivíl (APC, sigla portugés), hodi halo prevensaun, mitigasaun no resposta bá situasaun emerjénsia no katástrofe oioin.
Lee Mós: APC Fahe Tarrefa Serbisu Tuir Lei Protesaun Sivíl
APC hanesan servisu públiku ne’ebé responsável bá atribuisaun Estadu kona-bá protesaun sivíl, ne’ebé inklui territóriu nasionál hotu.
“Entre ninia atribuisaun prinsipál sira foka liu ba planeamentu, koordenasaun no ezekusaun polítika protesaun sivíl nian, sensibiliza populasaun ba kestaun seguransa no koordenasaun asaun protesaun no sokorru iha situasaun emerjénsia no katástrofe,” Hatutan.com sita komunikadu.
Órgaun sira APC nian inklui Prezidente APC, Diretór Ezekutivu no Komandante Nasionál ba Operasaun Protesaun Sivíl. Prezidente APC hetan nomeasaun tuir kritériu kompeténsia téknika no esperiénsia profisionál ne’ebé relevante, no responsavel ba diresaun servisu, sujeitu ba podér membru Governu nian hodi responsabiliza iha área seguransa interna no protesaun sivíl.
Atu garante resposta ida ne’ebé efisiente no koordenada iha situasaun emerjénsia, Autoridade Protesaun Sivíl harii hanesan servisu ho ninia diresaun nasionál neen – Diresaun Nasionál Bombeirus, Diresaun Nasionál Prevensaun no Mitigasaun, Diresaun Nasionál Emerjénsia no Resposta; Diresaun Nasionál Rekuperasaun, Diresaun Nasionál Jestaun Risku ba Dezastre no Diresaun Nasionál Jestaun Rekursus.
Entidade sira ne’ebé responsavel ba ida-idak nia área Protesaun Sivíl no sei hala’o deskonsentrasaun servisu iha territóriu nasionál, no materializa sistema rejionál no sistema munisipál Protesaun Sivíl nian.
Ho promulgasaun Dekretu-Lei ida-ne’e, sei revoga Dekretu-Lei n.11/2022, loron 9 fulan-marsu, kona-ba estrutura orgánika APC nian.
Jornalista: Leopoldina de Carvalho
Tribunál Rekursu Deside Estadu Selu Kompensasaun bá Gil da Costa “Puto Naldo Rei”, Antigu Prezidente RTTL,E.P
Ofisiál Mídia SEKOMS Impede Jornalista Hatutan.com Halo Kobertura iha RTTL,E.P
Komisaun A Preokupa Servisu Asesór iha Ministériu Sira
Asidente Tráfiku iha Área Eskola UNAMET, Joven Na’in-rua Lakon Vida
Prezidente Ramos-Horta Dehan Imposivél Evita Kazu Moras Dengue iha Timor-Leste
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Justisa & Krime1 week agoMinistru Nelio Isaac Sarmento Hetan Prosesu iha Tribunál Tanba Alegadamente Abandona Nia Oan Biolójiku husi Relasaun ho DS
-
Dili1 week agoRai Makmor La Kumpri Promesa Devolve Vitíma Sira-Nia Osan
-
Dili9 hours agoOfisiál Mídia SEKOMS Impede Jornalista Hatutan.com Halo Kobertura iha RTTL,E.P
-
Nasionál1 week agoKonsellu Ministru Ezonera Prezidente Konsellu Administrasaun RTTL,E.P Elizeu Isaac Fernandes
-
Nasionál6 days agoKonferénsia Imprensa Konjunta Albanese-Xanana, SEKOMS “Limita” Liberdade Imprensa
-
Nasionál6 days agoPM Anthony Albanese Husu Governu Timor-Leste Aumenta Traballadór Timoroan Ba Na’in-10.000
-
Nasionál5 days agoPM Xanana Aprésia Hatutan.com Kestiona Liberdade Imprensa iha SEKOMS Nia Oin
-
Justisa & Krime7 days agoKazu Fornesimentu Kombustível no Manutensaun Karreta RTTL,E.P iha Ona Tribunál