Edukasaun
CI Servisu Hamutuk ho Embaixada Japaun no UNDP Fasilita Formasaun Média Debate ba Jornalista Na’in-30
Hatutan.com, (17 Fevereiru 2025), Díli– Konsellu Imprensa Timor-Leste (CI, portugés) serbisu hamutuk ho Governu Japaun no Ajénsia Internasional bá Programa Nasoins Unidas bá Dezenvolvimentu (PNUD/UNDP), realiza formasaun “Media Dabate on Democracy” bá Jornalista na’in-30.
Lee Mós: Jornalista Timoroan Sira Partisipa Formasaun Jornalizmu bá Pás
Jornalista na’in-30 tuir formasaun debate televuzivi iha demokrasia. Foto/CI
Jornalista sira ne’e mai husi média Etatál (RTTL, E.P no Tatoli. I.P), no mós média nasional sira hanesan Independente, Hatutan.com, Gardamor TV, Online Lafaek News, Online Media Mudansa, Radiu Komunidade Difisiénsia Timor-Leste, Online Neon Metin, Online SapNews, Radiu Liberdade, Suara Timor Lorosa’e (STL) no média sira seluk.
Formasaun ne’e atu eleva koñesimentu téknika jornalista sira nian kona-bá oinsá bele organiza di’ak liu tan debate televizivu no debate iha rádiu hodi bele akumula ideia oin-oin husi fontes sira kona-bá asuntu espesifiku hodi hametin liutan demokrasia iha Timor-Leste.
Atividade Média Debate Training on Democracy ne’e realiza durante loron tolu; hahú husi loron 17 to’o loron 19 fulan-Fevereiru 2025 iha Salaun João Paulo II, Comoro, Dili.
Prezidente Konsellu Imprensa (KI), Ote Ote, hateten, tinan ida ne’e, hahú halo exersisiu ida kona-ba mundu jornalizmu, hanesan iha tinan kotuk, Konsellu Imprensa selebra ona formasaun iha Liquiça kona-ba “meu ambiente ba Jornalista nain-60.
“Ita espera katak ho formasaun ida ne’e, loke tan ita-boot sira-nia koñesimentu no ita-boot sira-nia vizaun atu halo planu di’ak, planu programa debate kona-bá televuzivu ka radiu sira ho di’ak,” Otelio Ote hateten.
Terseiru Sekretáriu Embaixada Japaun iha Timor-Leste, Minako TΑΤΕΝΟ, ho haksolok boot bele tuir serimónia abertura bá formasaun jornalista grupu daruak nian ne’ebé organiza hosi Konsellu Imprensa. Iha sesaun treinamentu loron tolu ne’e sei foka liubá debate mídia, ne’ebé sai nu’udar fundasaun ba jornalizmu.
Lori Embaixada Japaun nia naran, Minako TΑΤΕΝΟ espera sira-nia kontente tebes bele suporta finanseiramente programa formasaun ida ne’e, nune’e mós konstrusaun RTTL foun, edifisiu, ho subvensaun millaun $6.
Governu Japaun durante tempu naruk sai apoiante ba dezenvolvimentu jornalizmu iha Timor-Leste , fó apoiu ba Timor-Leste durante tinan 25 resin ona, no iha tinan hirak nia laran, Japaun oferese ona programa formasaun jornalista oioin, liuliu iha ámbitu inisiativa apoiu ba eleisaun, no mós haruka ona voluntáriu Japonés ida atu ajuda kria no hadi’a programa RTTL nian.Aleinde ida-ne’e, Japaun, liu husi ninia embaixada, JICA, no ONG Japaun sira, servisu nafatin hodi fornese konteúdu oioin no iha valór ne’ebé serbí povu Timor-Leste.
“Ba jornalista sira ne’ebé ohin halibur hamutuk iha ne’e, ha’u hein katak imi sei aproveita didi’ak oportunidade ida-ne’e hodi habelar imi-nia koñesimentu, habelar imi-nia rede profisionál sira, no dezenvolve abilidade ne’ebé presiza atu fornese jornalizmu ho kualidade, tanba imi mak arkitetu diskursu públiku no demokrasia nian,” nia hateten.
Jornalista: Elio dos Santos da Costa.
Hatutan.com (15 Outubru 2026), Díli– Universidade Nasionál Timor-Lorosa’e (UNTL), liuhusi Komisaun Instrusaun, hala’o hela investigasaun ba dosente na’in rua iha Fakuldade Edukasaun no Humanidade, ne’ebé hetan alegasaun kona-ba kobransa ilegál ba estudante sira.
Pró-Reitor Asuntu Jurídiku, José Tomás Alves, ne’ebé nu’udar membru Komisaun Instrusaun, hatete katak kazu ne’e hahú bainhira estudante sira hato’o keixa ba estrutura kompetente iha UNTL. Depois, kazu ne’e refere ba Konsellu Disiplinár, ne’ebé kria Komisaun Instrusaun atu hala’o investigasaun.
José Tomás esplika katak Komisaun Instrusaun nomeia ona iha loron 17 Jullu 2026 no hahú servisu kedas. Tuir nia, suspensaun temporária ba dosente na’in rua ne’e importante atu evita interferénsia durante prosesu investigasaun no fó oportunidade ba estudante sira atu hato’o sira-nia deklarasaun ho liberdade.
“Nomeasaun husi Komisaun Instrusaun ne’e tun kedas iha loron 17 Jullu. Ami halo kedas servisu, tanba bainhira investigasaun la’o, profesór sira ne’e kontinua hala’o sira-nia atividade letiva, hanesan orientasaun no hanorin, ida-ne’e bele afeta estudante sira, tanba ne’e, Komisaun Instrusaun propoin ba Konsellu Disiplinár atu emite suspensaun ba dosente na’in rua,” José Tomás hatete iha Kampus Liceu, kuarta-feira, 14 Outubru 2026.
Nia hatutan, Konsellu Disiplinár emite karta suspensaun iha loron 8 Setembru 2026, ho prazu fulan ida, suspensaun ne’e atu para temporariamente atividade dosente sira ne’ebé hetan alegasaun viola sira-nia dever profisionál, no atu fasilita prosesu rona deklarasaun husi estudante sira.
“Karta suspensaun ne’e nia objetivu atu suspende temporariamente atividade profesór sira ne’ebé hetan alegasaun viola sira-nia dever, atu nune’e estudante sira bele ko’alia ho livre no fó oportunidade ba Komisaun Instrusaun atu rona sira-nia deklarasaun,” nia esplika.
Maski prazu suspensaun ne’e remata ona iha loron 8 Outubru 2026, ida-ne’e la signifika katak kazu ne’e rezolve ona. Tuir nia, prazu investigasaun bele estende se Komisaun Instrusaun konsidera katak kazu ne’e kompleksu no presiza tempu tan atu halibur evidénsia.
Nia hatete, komisaun sei kontinua rona testemuña no suspeitu sira, no halibur prova relevante sira atu bele konklui investigasaun ho kuidadu.
“Investigasaun ne’e sei kontinua, tanba ami presiza rona testemuña no suspeitu sira, no halibur prova sira. Hare’e ba komplesidade kazu ne’e, ami presiza tempu atu asegura katak prosesu investigasaun la’o ho di’ak,” nia afirma.
José Tomás hatete, depois Komisaun Instrusaun konklui relatóriu investigasaun, relatóriu ne’e sei submete ba autoridade kompetente iha UNTL, se hetan katak dosente sira viola duni sira-nia dever profisionál, Reitór sei foti desizaun tuir kompeténsia ne’ebé mak iha.
To’o agora, prosesu investigasaun sei kontinua, no alegasaun kona-ba kobransa ilegál ne’e sei presiza hetan konfirmasaun liuhusi rezultadu investigasaun.
Jornalista: Felix Fernandes
CAC prepara autos submete ba MP hodi prosesa diretór ida husi TR ho konselleiru ida husi CFP ne’ebé utiliza karreta Estadu ba interese privadu
Timor-Leste Komemora Masakre Santa Krus Ba Dala-35
Xanana: Mina La Maran, Kontratu Esplorasaun Bayu Undan Mak Remata
Governu Lansa Detailed Marine Survey Atu Garante Seguransa Pipeline Greater Sunrise Mai Timor-Leste
Parlamentu Nasionál Aprova OJE 2027 iha Jeneralidade
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál1 week agoXanana: Pesoalmente ha’u sei apoia feto kandidata ba Prezidente Repúblika períodu 2027–2032
-
Opiniaun5 days agoPILAR AZUL NE’EBÉ ITA HALUHA TIHA IHA TASI OE-CUSSE: VIZAUN OSEANOGRÁFIKA NO EKOLÓJIKA
-
Nasionál6 days agoGovernu ho PN Hahú Diskute OJE 2027 ho Total Montante Billiaun US$2.57
-
Nasionál4 days agoXanana: Mina La Maran, Kontratu Esplorasaun Bayu Undan Mak Remata
-
Nasionál1 week agoEleitór Timor-Oan Liu 11.600 Halo Resensiamentu iha Diaspora Iha Ámbitu Preparasaun Eleisaun Prezidénsial 2027
-
Nasionál3 days agoTimor-Leste Komemora Masakre Santa Krus Ba Dala-35
-
Nasionál1 week agoAustrália fó oportunidade bolsa estudu ba jornalista joven Timor-oan na’in-rua
-
Polítika5 days agoOpozisaun kestiona prioridade orsamentu sira kontinua konsentra de’it ba setór petroliferu