Hatutan.com, (12 Juñu 2025), Díli– Primeiru-Ministru Kay Rala Xanana Gusmão, hateten  iha fulan-Outubru 2025, atoni-oan ka Oé-Cusse oan sira  mak sei kaer rasik sira-nia administrasaun no  governu lokál iha Rejiaun Administrativu Espesiál  Oe-Cusse Ambeno (RAEOA).

Lee Mós: Xanana Deklara Atoni-oan Lidera RAEOA-ZEESM

PM Kay Rala Xanana Gusmão. Foto/Zita Menezes

PM  Kay Rala Xanana Gusmão, Kinta (12/06/2025), iha Palásiu Prezidensiál,  informa mós desizaun ne’ebé hasai iha Konsellu Ministru no informa mós bá Prezidente Repúblika katák aban komesa iha reuniaun atu prepara orsamentu jerál estadu (OJE) 2026.

Xanana hateten, tanba hahú desentralizasaun Governu lokál iha munisípiu hotu-hotu haree ona iha munisípiu hotu iha Prezidente Autoridade ema munisipiu nia oan feto no mane. Ne’ebé agora foku bá rekursu umanu ne’ebé servisu hodi prepara aan bá Governu lokál iha administrasaun no finansa.

“Ho ida-ne’e mak Atoni-oan sira lamenta bei-beik katak nusa mak iha Timor tomak imi prepara ona munisípiu oan sira atu kaer mesak ninian, maibé iha Oé-Cusse ami laiha fali direitu, ne’ebé ha’u informa bá Prezidente Repúblika katák  horisehik iha Konsellu Ministru ami deside atuál ne’e to’o iha fulan Setembru,” PM Xanana Gusmão haktuir Jornalista sira iha hafoin halo enkontru ho Prezidente Repúblika  José Ramos-Horta.

Bá Atoni-oan sira, Xanana husu atu haree planu ida atu dezenvolve Oé-Cusse no mós zona ekonomiku espesiál.

Jornalista : Zita Menezes