Hatutan.com, (09 Outubru 2025), Díli–Sekretária Estadu Igualdade (SEI), Elvina Sousa de Carvalho, enkoraja   vitíma  sira kazu asédiu sexuál iha Universidade Nasionál Timor Lorosa’e (UNTL) atu  halo partisipasaun bá Ministériu Públiku hodi loke  investigasaun.

Lee Mós: Kazu Asédiu Sexuál iha UNTL, MESSC Husu Hakle’an Investigasaun

Sekretária Estadu bá Igualidade (SEI), Elvina Sousa Carvalho. Foto/Dok

SEI Elvina Sousa de Carvalho kondena aktu asédiu sexuál ne’ebé maka  kometete husi  se de’it  hasoru  feto no labarik feto sira.

Ba jornalista sira iha Dili, Kinta (09/10/2025), SEI  Elvina Sousa de Carvalho hateten SEI ho Ministériu Ensinu Superiór,  Siénsia no Kultura (MESSC) hamutuk ho  Universidade sira iha Timor laran tomak  servisu  hamutuk ho UN Women asina ona omoliu kona-bá oinsá atu asegura  kampus sira  tenke livre husi kualker tipu violénsia  hasoru  feto no labarik feto sira, liu-liu asédiu sexuál iha kampus.

“Ita enkoraja ba alin feto estudante sira no labarik feto sira atu ko’alia sai kona-bá  asédiu sexuál ne’ebé maka akontese bá sira, tanba ne’e atu hetan  justisa tenke liuhosi dalan legál, katak presiza halo partisipasaun bá Ministériu Públiku atu bele hetan justisa,” SEI Elvina Sousa de Carvalho hateten.

SEI  kondena  aktu asédiu sexuál ne’ebé deskonfia pratika husi dosente inisiál MFB  tanba ne’e UNTL   tenke halo partisipasaun bá Ministériu Públiku, submete bá prosesu investigasaun hodi hein  prosesu justisa.

Jornalista: Marcelino Tomae