Connect with us
Pakote Ahi

Justisa & Krime

PDHJ Aprezenta bá PGR Preokupasaun Kazu Mate iha Sela Detensaun PNTL ho Agresaun Fíziku bá Joven Ida iha Maliana

Published

on

Hatutan.com, (02 Marsu 2023), Díli-Provedór bá Provedoria dos Direitos Humanos e Justiça (PDHJ), Virgílio da Silva Guterres, Kinta (02/03/2023), hasoru-malu ho Prokuradoria Jerál Repúblika (PGR-sigla Português),  Alfonso López, hosi aprezenta PDHJ nia preokupasaun kona-bá prosesu investigasaun kazu José Bernardo nia mate iha sela detensaun Komandu PNTL Munisípiu Díli ho mós kazu agresaun fíziku hosi Komandu PNTL Munisípiu Bobonaro hasoru joven ida iha Maliana, fulan-Dezembru 2022.

Lee Mós : Komisaun B Hein Relatóriu Investigasaun Kazu José Bernardo Mate iha Sela PNTL

Durante audiénsia ne’e, Provedór Virgílio Guterres aprezenta kazu ka asuntu hamutuk 10 resin ne’ebé mak provedoria hatama, hanesan notísia de krime bá iha PGR   no mós iha Ministériu Públiku sira iha Suai, Bobonaro, Baucau.

Advertisement

Matebian José Bernardo. Foto/Ilustrasaun

“Kazu importante ne’ebé mak ohin ami aprezenta mós kazu rua. Ida mak, kona-bá sidadaun ne’ebé mak mate iha sela detensaun PNTL Munisípiu Díli, no mós kazu atake fíziku hasoru joven ida iha Maliana, iha fulan-Dezembru 2022. Hosi Ministériu Públiku hatete katak, prosesu la’o, iha Maliana mós la’o tiha ona, iha ne’e mós kontinua la’o, ami hosi parte Provedór nian, sente pelumenus, aliviada uitoan, tanba prosesu ne’e la’o. Purtantu, maizumenus asuntu sira ne’e mak ohin ami koa’lia,” Provedór PDHJ, Virgílio da Silva Guterres, informa  bá jornalista hafoin audiénsia iha PGR Alfonso López.

Hatán kona-bá, ho prosesu ne’ebé oras ne’e sei la’o kleur ne’e, karik PDHJ husu mós atu MP bele aselera prosesu kazu joven mate iha sela detensaun, Provedór Virgílio dehan, kazu ida-ne’e mak ohin sira aprezenta bá Prokuradór Jerál Repúblika.

“Informasaun hosi parte prokuradór jerál ninian katak, prosesu la’o, iha investigasaun la’o ona, no hein tempu, kuandu to’o iha julgamentu sei la’o,” Virgílio Guterres hateten.

Preokupasaun ne’ebé mak ohin parte PDHJ hato’o mós tanba informasaun ne’ebé sira rona katak, ajente PNTL sira ne’ebé mak tama hanesan respondente bá kazu ne’e, rona katak, ativu fali ona serbisu.

“Ami hato’o mós preokupasaun bá Prokuradór Jerál Repúblika, katak, ida ne’e, hein katak, informasaun ne’e laloos. Mas sé informasaun ne’e loos, provedoria sei buka atu ko’alia ho parte polisia ninian, atu hatene. Tanba sé kazu ne’e, sei iha justisa nia okos, entaun, hanoin atu ativa fali ema sira ne’ebé mak tama iha investigasaun, ne’e la’ós sinál di’ak bá públiku, atu garante públiku ninia, liu-liu bá família sira. Entaun, ida ne’e, ohin ami hato’o hotu iha ne’ebá,” Provedór Virgílio kestiona.

Insidente iha sela detensaun PNTL Munisípiu Díli ne’e rezulta vítima José Bernardo, mate ho kondisaun tali kesi-metin iha kakorok no tara nia (atu hanesan ema tara-aan) iha  Segunda kalan, 01 Setembru 2022, hale’u tuku 21:00 Otl.

Advertisement

Matebian José Bernardo nu’udár suspeitu bá kazu konfrontu ida, tanba halo agresaun hasoru vítima balun iha serimónia festa graduasaun ida iha área Audian, Postu Administrativu Na’in-Feto, Munisípiu Díli.

Ho kazu ne’e, ikus mai PNTL simu keixa, no tun bá lokál krime, hodi kaptura suspeitu José Bernardo lori bá detein iha sela detensaun Komandu Munisípiu Dili to’o nia hakotu iis liuhosi meius atu hanesan hatalik-aan ka tara-aan.

Lee Mós : Deskonfia Membru PNTL Na’in-tolu “Keroyok” Labarik Kiik Ida Iha Bobonaro To’o Grave

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

PGR La Tama To’o Desizaun Atu Estradita Fujitivu Arnolfo Tevez Jr

Published

on

Hatutan.com, (30 Abríl 2024), Díli – Prokuradoria Jerál Repúblika (PGR, sigla portugés) sei la tama to’o prosesu administrativu no desizaun polítika kona-bá kestaun estradita ka la estradita fujitivu Arnolfo Teves Jr.

(more…)

Kontinua Le'e

Justisa & Krime

Absolve “Kalohan” Hosi Pena Efetivu Tinan-Lima La’ós A-favór bá Korrupasaun

Published

on

Hatutan.com, (24 Abríl 2024), Díli—Prezidente Tribunál Rekursu (PTR), Deolindo dos Santos konsidera desizaun Tribunál Rekursu (TR) nian hodi absolve Sekretáriu Jerál Partidu Demokrtátiku (PD), António da Conceição “Kalohan” hosi pena prizaun efetivu tinan-lima, la’ós a-favór bá korrupsaun maibé ne’e fundamentasaun hosi Lei.

(more…)

Kontinua Le'e

Justisa & Krime

Fujitivu Arnolfo Teves Jr Submete Rekursu bá TR

Published

on

Hatutan.com, (24 Abríl 2024), Díli-Fujitivu Arnolfo “Arnie” Alimpit Teves Jr submete ona rekursu bá Tribunál Rekursu (TR) kona-bá prosesu sira liga ho estradisaun ne’ebé Ministériu Públiku sei halo hamutuk ho Tribunál Estadu Filipina.

(more…)

Kontinua Le'e
Advertisement

Trending