Connect with us
Pakote Ahi

Kultura

Dansa “Taka-Biti” iha Expo Dubai Trosa Kultura Timor

Published

on

Hatutan.com, (21 Outubru 2021), Díli-Dansa falun an ho biti ka “taka-biti” ne’ebé aprezenta hosi grupu kulturál  Santo António  iha Espozisaun Dubai 2020 sai hanesan trosa boot ba povu Timor nia orijen kultura.  

Joven balun trosa dansa taka-biti iha Expo Dubai hodi públika iha Facebook. Foto/Repro

Ho “trosa” ida-ne’e,  jerasaun sira millennial Timor nian  halo viral tiha iha rede sosiál Facebook. Sira balun uza biti falun an metin halo video hodi publika iha sira nia kronolojia Facebook rasik, balun fali halo trosa liu-hosi  taka-lensól boot  haksoit atu hanesan dansa “taka-biti” hodi publika mós iha sira-nia Facebook no seluk fali halo komentáriu hodi hasai kritika kro’at hasoru Autoridade Expo Dubai-Timor Leste nian.

Forum Organizasaun Naun Governmental Timor-Leste (FONGTIL) husu komisaun ne’ebé organiza grupu kulturál ba iha Expo Dubai 2020 halo klarifikasaun ba públiku relasiona ho vestiáriu no atributu tradisionál dansa “Taka-Biti” ne’ebé la refleta identidade no kostume Timor ninian rasik.

Diretór Ezekutivu FONGTIL, Daniel Santos do Carmo, afirma dansa “taka-biti” ne’ebé lori ba aprezenta iha Expo Dubai hamosu injustisa ba iha setór kulturál no la reflete identidade kulturál Timor oan nian, tamba tenke iha responsabilidade moral, étika no responsabilidade sosiál.

Advertisement

 “Ami FONGTIL hamutuk ho povu ida-ne’e sei husi sira-nia responsabilidade ba públiku relasiona ho sira nia aprezentasaun dansa “taka-biti” iha Expo Dubai lori Timor nia naran,” Daniel do Carmo afirma.

FONGTIL frankamente kontra injustisa ne’ebé hamonu kredibilidade Estadu no rai ida-ne’e nia identidade orijen.

FONGTIL preokupa matéria sira ne’ebé grupu kulturál sira aprezenta tamba iha sasán balun ne’ebé nia kondisaun la favoravel no naklees inklui vestiáriu ne’ebé sai mós preokupasaun públiku nian.

Joven balun trosa dansa “taka-biti” iha Expo Dubai hodi taka fali lensol. Foto/Repro

FONGTIL mós husu atu Governu liuhusi Sekretáriu Estadu Arte no Kultura  (SEAC)  tenke halo esklaresimentu ba públiku relasiona ho aprezentasaun dansa iha Expo Dubai tanba dansa “taka-biti” la refleta Timor nia lisan loloos.

Hatán ba preokupasaun públiku nian kona-bá dansa  “taka-biti” ne’e, Ministru Koordenadór Asuntu Ekonómiku, Joaquim Amaral, nu’udar mós hanesan Xefe Delegasaun Timor-Leste ba Expo Dubai, esplika dansa “taka-biti” kultura ne’ebé delegasaun ba aprezenta iha Expo Dubai reprezenta kultura Timor-Leste nian tamba liuhusi selesaun ne’ebé hala’o.

“Biti ne’e iha ona nia instrumentu ida, Timor-oan sira maka halo, nia utilizasaun ne’e mós la’ós  uza hodi toba de’it, maibé uza hodi han, hodi sama hare no hodi halo buat hotu. Ne’ebé Timor oan hotu ne’ebé hanoin katak biti ne’e uza hodi toba de’it, ha’u hanoin ema ne’e foin mai Timor karik,” hateten

Advertisement

Hanesan Xefe Delegasaun, Ministru Joaquim Amaral apresia ba dansa sira-ne’e tanba sira halo ona aprezentasaun ho kriatividade ne’ebé iha no eventu ne’e barak sei mai tan.

Jornalista : Vito Salvador

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Kultura

Timor Furak Deside La Partisipa iha Expo Dubai

Published

on

Hatutan.com, (20 Outubru 2021), Díli-Asosiasaun Arte no Kultura Timor Furak deside retira no la partisipa iha Expo Dubai 2020 tanba deskonfia mosu irregularidade iha Komisaun Expo Dubai, Timor-Leste nian.

(more…)

Kontinua Le'e

Trending