Connect with us
Pakote Ahi

Ekonomia

Expo Dubai 2020, Kontribuisaun Josep Issa ho Kalbuadi Importante

Published

on

Hatutan.com, (22 Outubru 2021), Díli-Sekuénsia hotu kona-bá partisipasaun Timor-Leste nian iha Expo Dubai 2020, hosi inísiu preparasaun 2017 to’o 2019 hetan kontribuisaun ida progresivu tebes ho Prezidente Autoridade Anteriór, Francisco Kalbuadi Lay ho  Konsul Jerál Timor-Leste nian ba Lebanon nu’udar mós Komisáriu Jerál Expo Dubai TL nian, Josep Issa.

Notísia iha Relasaun : Delegasaun Expo Dubai Prontu Koopera ho CAC kona-bá Keixa FONGTIL

Delegasaun Timor-Leste ho Uniaun Emiradu Árabe iha foto hamutuk pavillaun Expo Dubai 2020 iha selebrasaun loron nasionál Timor-Leste nian iha loron 18 Outubru 2021. Foto/Espesiál

Vise-Komisáriu Jerál Expo Dubai Timor-Leste, Arif Abdullah Sagran, ho Eis-Koordenador Jerál Expo Dubai Timor Leste, José Quintas, fó sasin katak, inísiu sekuénsia Expo Dubai dezde 2017 (seidauk tempu pandemia Covid-19) ho nia preparasaun hotu ne’ebé hetan kontribuisaun pozitivu hosi Governu ho mós parte interesante sira, hanesan Francisco Kalbuadi Lay ho mós kontribuisaun hosi Josep Issa, sidadaun-ida hosi Lebanon.

“Ha’u bele dehan katak preparasaun ba Expo Dubai ida-ne’e hahú husi tinan 2017 to’o 2018 no iha tinan 2020 ita hatene iha mudansa Governu ne’e mak buat ne’e kontinua fali ho Governu ida-ne’e, no ita la nega katak husi preparasaun iha tinan 2017 kontribuisaun husi Sr. Francisco Kalbuadi Lay importante loos  tanba ita hatene momentu ne’ebá Kalbuadi nu’udar Prezidente Autoridade Expo Dubai (2017-2018) no ha’u hamutuk ho nia hodi mai partisipa iha international partisipante meeting iha 2019 hodi halo preparasaun no  infelizmente iha mudansa ba Governu entaun troka nia,” Arif Sagran hateten ba Hatutan.com via telefone hosi Díli ba Dubai, Sesta (22/10/2021).

Advertisement

Arif Sagran hateten, serbisu ba nasaun ne’e serbisu koletiva, tanba ne’e, tenke konsidera kontribuisaun ema hotu nian, hahú hosi inísiu, hatutan to’o ikus nian enserramentu Expo Dubai 2020 iha fulan-Marsu 2022.

“Francisco Kalbuadi Lay nia kontribuisaun signifikante tebes  no ita hatene katak nia mós peritu iha área ligasaun no lobby  hamutuk ho Komisáriu Jerál Josep Issa,” nia tenik.

Nia fó sasin katak, mezmu tinan sira ne’ebá  Francisco Kalbuadi Lay asume nu’udar Prezidente autoridade Expo Dubai Timor-Leste nian, maibé nia la simu remunerasaun  hosi Governu. Nia serbisu voluntáriu no nia mós ajuda osan privadu  ba programa balun iha  faze preparasaun  nian.  

Ho Francisco Kalbuadi no Josep Issa nia ligasaun, no kontribuisaun ekipa tomak Expo Dubai nian tempu ne’ebá hetan apresiasaun boot hosi Dubai, nune’e Dubai oferese pavillaun ba Timor-Leste gratuita ka la selu , inklui Dubai  oferese tiketi aviaun nian hitu mai delegasaun Timor-Leste nian ba partisipa iha Expo Dubai.

Liuhosi telefónika  ba Hatutan.com, José  Quintas nu’udar eis Koordenadór Jerál Expo Dubai Timor-Leste hateten,  Francisco Kalbuadi Lay ho Arief Sagran  no kargu xefia ho sira ho timor-oan lubun nia kontribuisaun importante tebes ba prosesu hotu Timor-Leste nia partisipasaun iha Expo Dubai 2020.

Advertisement

“Altura ne’ebé ita-nia osan limitasaun no ami funsionáriu públiku no iha pesoál sira kontribui serbisu ba ita nia nasaun. Ami nonook no simu kritika oioin hodi hadia ami nia serbisu,” José Quintas hateten.   

José Quintas hanesan koordenadór jerál Expo Dubai Timor-Leste halo koordenasaun ho ministériu relevante sira, hanesan Ministériu Agrikultura no Peska (MAP), Ministériu Negósiu Estranjeiru no Kooperasaun (MNEK), Ministériu Komérsiu no Indústria no seluk tan hodi tau hanoin hamutuk oinsá Timor-Leste nia partisipasaun.   

“Ami hotu no ita hotu nia intensaun ida de’it, maka oinsá atu kontínua promove Timor-Leste hanesan nasaun joven hakarak mós partisipa iha prosesu esterna nian,” José Quintas tenik.

Dezde 2007 Timor-Leste mós sai ona membru Espozisaun Mundiál (International Bureau of Expositions), nune’e, hakarak ka lakohi Timor-Leste nia partisipasaun ne’e obrigatóriu. 

“Expo Dubai ne’e ita hetan priviléjiu ida boot tebetebes tanba ema oferese ita-nia esportasaun ba Dubai ho nesesidade Expo Dubai nian gratuitu, espasu pavillaun Timor-Leste nian iha Expo Dubai gratuitu (nasaun hotu-hotu selu), ita mós oferese tiketi aviaun gratuitu ba membru Governu Timor-Leste nian nain hitu (7).  Ne’e hotu tanba ita-nia Konsul Jerál Timor-Leste nian ba Lebanon nu’udar mós Komisáriu Jerál Expo Dubai TL nian, Josep Issa no Francisco Kalbuadi Lay ho Timoroan hotu nia esforsu,” José Quintas informa.

Advertisement

Estrutura foun mai ne’e, tuir José Quintas,  kontinua de’it. Tanba Expo Dubai ne’e nia baze maka sustentabilidade no kontinuasaun. Entaun hotu-hotu serbisu hamutuk ba ida-ne’e no Timor-oan hotu kontribui oituan-oituan ba Timor nia di’ak.  

“Iha Timor ne’e ita labele nega malu, mas importante  liu maka hirak ne’ebé hahú tenke konsidera no hirak ne’ebé  kontinua mós tenke konsidera nafatin. Lalika fó sala  ba malu tanba ne’e desizaun Governu no hotu-hotu servisu maka’as ba objetivu Governu nian ne’e tanba barak mós kritika iha tempu ne’ebá maibé ita la bele alerjia ho kritika sira-ne’e no hanesan sidadaun baibain fó kritika ne’e atu fó hanoin di’ak atu labele gasta osan Estadu nian saugati de’it,” Sergio Quintas hateten.

José Quintas hateten, pro-kontra ne’e buat normal, importante maka la bele dehan sira uluk ne’e la halo buat ida no sira agora maka halo liu. Hotu-hotu kontribui no oituan-oituan tau hamutuk maka agora Timor nia prezensa iha Expo Dubai. 

“Ita mós fó Agradese ba Prezidente Autoridade ida uluk, Francisco Kalbuadi Lay  tanba sira-nia esforsu maka ohin loron partisipasaun  iha Expo Dubai 2020.”

Eis-koordenadór Expo Dubai Timor-Leste nian, José Quintas,  informa katak Josep Issa ne’e maka agora sai hanesan membru steering committee reprezenta Timor. Nasaun hotu-hotu iha Ázia nia reprezentasaun laiha, úniku Josep Issa ne’e maka reprezenta TL nia serbisu  maka hala’o evaluasaun ba iha Expo Dubai nia susesu.

Advertisement

 “Nu’udar Timor-oan ida ha’u haree pro no kontra ne’e sempre iha, maibé ha’u  altura asume kargu hanesan koordenadór jerál fó hanoin katak ita presiza halo Expo Dubai ne’e diferente ho Expo Milaun  no Expo Shanghai, tanba ema kritika  beibeik. Nune’e  ita presiza haree Expo Dubai nia outcome ka nia rezultadu, signifika ita la’ós haree  de’it ema vizitante iha Timor nia pavillaun, mezmu hanesan indikadór ida, maibé fatór importante  tebetebes maka ita haree ba investor.

Katak se Expo Dubai ne’e hotu iha Marsu 2022, investor hira maka mai  no saida maka iha atu sira bele mai,” José Quintas esplika.

Tempu ne’ebá hanesan koordenadór jerál Expo Dubai Timor-Leste fó hanoin kuandu Expo Dubai hotu tenke halo evaluasaun no tenke iha nia sustentabilidade.  Nune’e, altura ne’ebá forma ona ekipa ida ho intensaun atu Expo ne’e hotu tenke halo avaliasaun no kontínua halo kontaktu ho ema sira ne’ebé kontaktu ho Timor-Leste iha Expo Dubai.

Iha Expo Dubai  iha ema investor lubuk ida hakarak  mai TL ka sira-nia laran monu  ba Timor nia indústria turizmu, agrikultura, pekuária no mina-rai, ka ikan nian. Tanba ne’e, presiza  dada sira no fasilita informasaun. Ida-nee maka importante. Labele hanesan Expo sira liubá, bainhira  fila informasaun sira-ne’e kotu no hotu. Ne’e ladi’ak. Tenke iha nia sustentabilidade.  

Karik investor sira presiza informasaun kona-ba lejizlasaun no regulamentu sira kona-bá area investimentu sira-ne’e,  tuir Sergio Quintas, tenke fasilita. Tanba Timor nia prezensa iha  Expo Dubai  atu dada turista no dada investor para bele kria kampu serbisu ba Timoroan iha Timor laran.

Advertisement

Jornalista : Carmelita Isaac

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Folin Foos Kontinua Sa’e, Bankada FRETILIN Kestiona Kapasidade Governu

Published

on

Hatutan.com, (21 Maiu 2024), Díli-Folin foos iha territóriu nasionál seidauk hatudu sinal atu tuun, maske Governu ne’ebé lidera hosi Kay Rala Xanana Gusmão kontrata ona empreza nasionál  lima (5) atu bele ajuda Governu halo intervensaun bá folin foos iha merkadu.

(more…)

Kontinua Le'e

Ekonomia

Indonesia Salurkan Rp 4,4 Miliar Dukung Program Reformasi Manajemen Keuangan Timor-Leste

Published

on

Hatutan.com, (16 Mei 2024), Dili– Pemerintah Republik Indonesia melalui Lembaga Dana Kerja Sama Pembangunan Internasional (LDKPI) atau Indonesian AID menyalurkan bantuan dengan nilai Rp 4,4 miliar untuk pelaksanaan program reformasi manajemen keuangan Timor-Leste (Financial Management Reform Program): Development of Public and Private Accounting Standards dan Executive Development Program: Indonesian Government Financial Management System Training for Timor-Leste.

(more…)

Kontinua Le'e

Ekonomia

18 Maiu 2024, Aero Dili Lansa Vou Dahuluk Díli-Oecusse

Published

on

Hatutan.com, (14 Maiu 2024), Díli—Aviaun komersiál Timoroan nian, Aero Dili, Sábadu 18 fulan-Maiu 2024, halo inaugural flight ka lansa vou dahuluk bá Rejiaun Administrativu Espesiál Oe-Cusse Ambeno (RAEOA).

(more…)

Kontinua Le'e
Advertisement

Trending