Connect with us
Pakote Ahi

Desportu

Atleta Ski TL Yohan Gonçalves Kualifikadu ba Jogu Olímpico  

Published

on

Hatutan.com, (23 Novembru 2021), Díli—Atleta ski Timor-Leste (TL) Yohan Gonçalves, pasa ba jogu Winter Olímpico iha Fevereiru tinan 2022 iha Beijing, kapitál Xina.

Atleta Ski Timoroan, Yohan Gonçalves, iha Dubai. Foto/Federasaun ski TL.

Billete ba winter Olímpico ne’e atleta ski TL hetan, hafoin partisipa iha kompetisaun kurrida internasionál ski ne’ebé hala’o durante loron rua hahú hosi loron 17–18 Novembru iha Ski Dubai, Mall Emirates.

Notísia iha Relasaun:Atleta Ski Timor-Leste Partisipa Kurida Ski Internasionál iha Dubai

Iha kompetisaun kurrida internasionál ne’e Yohan konsege hetan pontus ne’ebé nia presija atu bele kualifikadu iha jogu Olímpico.

Advertisement

“Ita orgullu tanba ita nia atleta ski Yohan Gonçalves bele pasa ba jogu Olímpico iha Xina tinan 2022. Hodi federasaun nia naran agradese ba esforsu ne’ebé atleta iha, hodi reprezenta Timor Leste iha jogu internasionál,” Sekretariu Jerál Federasaun ski TL, Luis de Sousa Sequeira, hateten via WhatsApp, Tersa (23/11/2021).

Durante kompetisaun, Yohan hetan rezultadu ne’ebé di’ak tebes. Maski kualifikadu ona iha loron kompetisaun dahuluk, Yohan kontinua hakas an atu bele hadi’a nia pontus hodi partisipa iha kompetisaun seluk ne’ebá organiza hosi Federasaun Ski Emiradu Árabe Unidu iha fatin hanesan iha loron 19-20 Novembru. 

Yohan orgullu bele partisipa iha kurrida internasionál iha Dubai, hodi hadi’a nia pontus no ikus mai kualifikadu ba jogu Olimpico iha Beijing, Xina.

“Ha’u kontente tebes tanba dala ida tán ha’u bele reprezenta ha’u nia inan nia rain iha jogu internasionál ida hanesan jogu Olimpico. Hau mós sente orgullu maski ha’u tenke serbisu makás hodi bele hetan osan oitoan no ho suporta hosi bolsu estudu hosi Komité Olimpico Internasionál liu hosi Komite Olimpico Timor-Leste hodi bele treina no partisipa iha kompentisaun balun,” Yohan espresa, liu hosi komunikadu ne’ebé publika hosi Federasaun Ski TL.

Iha momentu balun ne’ebé nia triste, kuandu partisipa iha eventu boot sira hanesan kompetisaun ski mundiál no haree atleta seluk mai ho sira nia ekipamentu foun ho ekipa lojístika ne’ebé kompletu.

Advertisement

Nia mós mehi atu bele iha buat ne’ebé sira iha, maibé limitasaun ne’ebé Yohan iha, la minimiza espíritu atu luta no hamorin Timor-Leste nia naran.

Semana ida-ne’e iha Dubai, dala ida tán Yohan hatudu katak, maski ho limitasaun ne’ebé iha, hamutuk ho ekipa, servisu fo liman no valór ba malu hodi bele luta no hetan rezultadu ne’ebé furak tebes. 

Emiradu Árabe Unidu hato’o sira nia agradesimentu ba Federasaun Ski Timor-Leste ne’ebé bele organiza ona eventu ne’e iha Dubai no mós ajuda sira hala’o sira nia kompetisaun rasik.

Durante ne’e ema barak hatene de’it katak Dubai  hanesan sidade boot ida ho prédios as hanesan Burj Khalifa. Maibé ho eventu ne’e, agora ema bele hatene katak, iha Dubai mós iha jelu no ski maski iha salaun laran. 

“Ski Dubai orgullu tebes tanba bele parseria ho Dubai Sports Council and UAE Winter Sports Federation, atu bele hala’o kompetisaun ski internasionál ba dala uluk,” Mohammad El Etri, Vise Prezidente, Global Snow, Majid Al Futtaim Leisure, Entertainment & Cinemas dehan iha komunikadu.

Advertisement

Ida-ne’e hanesan rezultadu boot ida ba Global Snow  tanba durante tinan lima (5) nia laran halo kampaña atu bele sai membru iha Federasaun Ski Internasionál.

Eventu ida ne’e importante tebes ba Global Snow  atu bele atinji ambisaun hodi bele sai fatin desportu jelu globál ida iha dezertu no fó dalan ba Global Snow nia atletas sira atu bele reprezenta nasaun Dubai iha mundu internasionál.

Kompetisaun internasionál ski ne’ebé la’o durante semana ida nia laran, remata iha loron 20 Novembru ho susesu no hetan partisipasaun hosi nai ulun balun hosi uma na’in, Jordánia, Arabe Saudita inklui Honorário Counsul Geral Timor-Leste nian iha Beirut Yoseph Issa.

Kompetisaun internasionál ski ne’e rasik organiza hosi Federasaun Ski Timor-Leste ne’ebé partisipa hosi atleta hosi nasaun 20 hanesan, Itália, Portugál, Románia, Holánda, Bósnia, Albánia, Slovákia no seluk tan.

Durante kompetisaun ne’e, atleta sira esforsu hodi bele kualifika no reprezenta sira nia nasaun iha jogu Olimpico iha Beijing.

Advertisement

Maioria atleta sira ne’ebé partisipa iha kompetisaun ne’e mai hosi nasaun ne’ebé klasifika hanesan nasaun ki’ik tanba la iha jelu ou maski iha maibé kuantidade oitoan hanesan Timor-Leste, Xina Taip’e, India, Morócco, Ghana, Kyrgystan, Arábia Saudita, Jordánia no uma na’in Emiradu Árabe Unidu.

Dezáfiu ne’ebé rai ki’ik sira ne’e hetan mak oinsa atu harii federasaun ski ida, rekursu umanu, no mós fundu.

Maibé rai hirak ne’e estabelese rede ida no fahe koñesimentu ba malun hodi bele ajuda dezenvolve sira nia federasaun no atletas.

Atleta hosi rai ki’ik hirak ne’e, tenki hasai sira nia osan hodi bele treina iha nasaun sira ne’ebé iha jelu hanesan iha Europa hodi bele atinji sira nia mehi atu bele lori bandeira sira nia rai iha jogu Olimpico.

Jornalista: Vito Salvadór

Advertisement

Kontinua Le'e
Advertisement
2 Komentariu

2 Comments

  1. Luis de Sousa Sequeir

    24/11/2021 at 2:59 PM

    Mano, né hau Luís de Sousa Sequeira
    Atu halo koresaun konaba notícia atleta ski Yohan nebe kualifika ba winter olympic.
    Hau nia posição lá’os Presidente maibe Secretário Geral.

    Obrigado
    Luis

    • hatutan

      24/11/2021 at 3:11 PM

      Obrigado wain hato’o ona koreksaun. Ami sei hatutan ba editor sira hodi bele hadia. Dala idatan deskulpa ba inconveniência ne’e.

Husik Hela Komentariu

Cancel reply

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending