Justisa & Krime
CAC Investiga Arguidu 38 no Identifika Poténsia Prezuiju ba Estadu $1.964.963,81
Hatutan.com, (13 Dezembru 2021), Díli—Comissão Anti Corrupção (CAC) liu hosi Diresaun Investigasaun Kriminál, públika relatóriu investigasaun kriminál hahú hosi fulan Janeiru to’o Novembru 2021, konsege investiga sasin hamutuk na’in 250 no arguidu na’in 38.
Plaka CAC. Foto/Média CAC.
Hosi rezultadu investigasaun kriminál ba kazu indikasaun korrupsaun ne’e, CAC identifika mós osan ho montante $1.964.963,81 ne’ebé ho ninia previzun poténsia ba prezuiju Estadu.
Notísia iha Relasaun:CAC Kontinua Buka-Tuir Irregularidade Hosi Kazu Ró Tranship II
Totál keixa komunidade nian ka públiku hamutuk 68. Husi totál keixa hirak-ne’e hafoin investigadór CAC nian klasifika, kazu hamutuk 22 tama ba kompeténsia CAC nian.
“Nune’e, CAC halo auto-partisipasaun ba iha Ministériu Públiku (MP), hodi hetan delegasaun kompeténsia molok hahú prosesu investigasaun kriminál iha territóriu Timor laran tomak,” Diretór Jerál Diresaun Investigasaun Kriminal CAC, José Verdiál, relata liu hosi komunikadu.
Kazu 46 seluk hosi komunidade keixadáor-sira ne’ebé la tama iha kompeténsia CAC nian, Komisaun haruka fali ba iha instituisaun kompetente tuir atribuisaun lejislasaun hodi kontinua prosesa.
Iha fulan Janeiru–Novembru tinan 2021, investigadór CAC nian rekolla rasik kazu hamutuk 11 iha ne’ebé kazu hirak ne’e iha indísiu krime korrupsaun hamutuk ne’en (6) no kazu lima (5) seluk la iha indisiu krime korrupsaun.
Komisaun mós atende totál kazu husi keixadór, averigua no buka tuir hamutuk 28. Kazu hamutuk 16 Komisaun submete ka remesa ona ba iha MP hodi analiza no haree ninia indisiu krime sira molok kontinua prosesu.
Daudaun ne’e, Komisaun hala’o hela akompañamentu no buka informasaun ho ninia indisiu sira hamutuk kazu 12.
Janeiru–Novembru tinan ne’e, CAC simu delegasaun kompeténsia hamutuk 70 hosi Ministériu Públiku iha ne’ebé CAC finaliza ona ninia prosesu investigasaun, hodi submete hikas ba MP hamutuk kazu 25 molok lori ba tribunál hodi halo julgamentu.
Komisaun liu hosi investigadór nu’udár Espesialista Anti-Korrupsaun (EAK) oras-ne’e sei iha faze prosesu investigasaun ba kazu hamutuk 45.
Hosi totál kazu ne’ebé Komisaun investiga, EAK bolu testemuña hamutuk na’in 250 no arguidu hamutuk 38.
Jornalista: Vito Salvadór
Programa Integradu Saúde To’o Ona Lautém
Banku Mundiál Prontu Apoia Dezenvolvimentu Ekonomia TL
Membru PNTL 1.000-resin Involve GAM-GAR, 07 Dezembru Jura Iha Palásiu Governu
Primeiru Ministru Estabelese Komisaun Tranzisaun bá RAEOA
Konfrontu iha Fatuquero, Membru PNTL Ida Kanek no Kaptura Na’in-10
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoKompetisaun Tiru Iha Darwin, Militár Timoroan Na’in-Tolu Sai Vensedór
-
Nasionál3 days agoEmpreza Haat Sai Vensedora bá Esplorasaun Minerál
-
Nasionál1 week agoProjetu Konstrusaun Ponte Kasnafar-Kunsing Sei Gasta Millaun $3-resin
-
Internasionál1 week agoEmpreza Internasionál 10 Konkorda Atu Investe Iha TL
-
Defeza & Seguransa7 hours agoKonfrontu iha Fatuquero, Membru PNTL Ida Kanek no Kaptura Na’in-10
-
Polítika5 days agoPrezidente Repúblika Sei Veta Subsídiu Transporte-Saúde bá Deputadu Sira
-
Nasionál5 days agoDiresaun Rekursu Umanu Sei La Estende Kontratu Funsionáriu Kazuál 300-resin Tuir Notifikasaun Ministru Kalbuadi
-
Ermera4 days agoAutoridade Lokál Letefoho Apoia Xefe Estadu Veta Subsídiu Transporte-Saúde bá Deputadu Sira