Connect with us
Pakote Ahi

Justisa & Krime

Investigasaun RAEOA, Suspeitu iha Indísiu Krime Brankamentu Kapitál ho Korrupsaun Ativa  

Published

on

Hatutan.com, (19 Janeiru 2022), Díli— Suspeitu no familia Jerente Senior Rejiaun Administrativa Espesiál Oecusse Ambeno (RAEOA) MN, kolabora di’ak halo fásil ekipa investigadór Comissåo Anti-Corrupcão (CAC) nian, konklui operasaun buska no apreensaun iha oras 12 nian laran.

Ekipa Investigadór CAC hala’o investigasaun iha rezidénsia MN iha Sikluli, RAEOA.Foto/CAC.

“Operasaun loron ohin ne’e, ekipa investigadór CAC nian hala’o iha Zonas Espesiais de Economia Social de Mercado de Timor-Leste tanba iha indisus forte arguidu sira komete kazu krimi brakamentu kapitais (art 313 Kódigu Penál Timor-Leste KPTL), kazu krimi korrupsaun pasiva no krimi korrupsaun ativa akontese iha área juridisaun RAEOA nian,” Hatutan.com sita komunikadu.

Notisia iha Relasaun:CAC Halo Buska Apreensaun ba Emprezáriu no Adjuntu Prezidente Autoridade RAEOA

Mandadu ho numeru NUC 0057/21.PDOEC data loron 17/12/2021 ne’e fó órden ba CAC hala’o operasaun durante oras 12 nian laran iha fatin tolu (3) diferente; rezidénsia no garajen kareta Jerente Senior ZEESM iha Sikluli no edifísiu kompañia nian iha Padimau, Pante Makassar.

Advertisement

Ekipa investigadór ne’ebé lidera hosi Diretór Investigasaun Kriminál (UIK) Emilio Quintas akompaña ho Polísia Nasionál Servisu Investigasaun Kriminál (PNSIK) Nasionál ne’e, hahú iha tuku 8:00 OTL no termina iha tuku 20:00 OTL tuir lei.

Alende operasaun ne’e, hetan kolaborasaun di’ak hosi suspeitu na’in-rua ho ninia família, hetan mós akompañamentu prokuradór titulár no Juiz Dr. Yudi Pamungkas hosi inisiu to’o hodi kalan.

Operasaun buska no apreensaun ida ne’e nu’udár operasaun dahuluk liu CAC hala’o iha munisipiu sai hosi kapitál Díli iha istória CAC nian hafoin estabelese no hahú operasaun iha tinan 2010 liu ba bazeia ba mandatu Lei Númeru 8/2009 15 Jullu.

Iha operasaun buska domisiliária no apreensaun horisehik, investigadór CAC sira halibur no prende objetu krimi hanesan dokumentus komprovativus manan projetu cleaning service iha RAEOA Oecusse, konta bankária, karreta rua (2), telephone, laptop, osan me’an, osan cash ho montante boot, dokumentu kompañia nian, telefone no dokumentus sobre projetus eletrifikasaun no projetu balun iha RAEOA/ZEESM ne’ebé suspeitu ho ninia espouza nian kompañia manan nu’udár evidénsia no objetivu krimi.

Hafoin investigadór sira termina operasaun buska domisiliaria no apreensaun, sei kontinua halo investigasaun maratona ba suspeitu jerente senior RAEOA Oecusse ho ninian espouza no diretór kompañia cleaning service iha edifísiu Prokuradór Distrit’al Oecusse.

Advertisement

Investigadór CAC simu mandadu hosi tribunál iha loron 5 Janeiru 2022 hodi hala’o operasaun buska no apreensaun.

Mandadu Tribunál Distritál Oecusse nian ne’e fó podér mai investigadór CAC hodi halo operasaun buska no apreensaun ba suspeitu diretór emprezáriu na’in-ida (1) hanesan mós subriñu hosi suspeitu seluk nu’udár Jerente Seniór RAEOA/ZEESM ho ninian espoza (co-autor ne’ebé posibilidade bele sai suspeitu) tanba diskonfia envolve iha kazu krimi korrupsaun.

Mandadu ba buska iha domisiliáriu no prende sasan ne’e juiz haruka no fó órden atu halo buska iha domisiliáriu ho posibilidade ba prende sasan ne’ebé mak iha ligasaun ho faktus hirak ne’ebé investiga ona, tuir dispozisaun iha art 37 no nu 2, hosi KRTL, iha artigu 226 no 1, al. c) artigu 108 no 1 artigu 170, hotu-hotu hosi KPP ba suspeitu ninian hela fatin.

Orden ba halo buska ne’e konsede iha autu inkeritu nian NUC S(ic.NUCNo), hosi ne’ebé investiga dadaun hela suspeitu kona-ba auto krime, p.p hosi artigu kódegu penál nian.

Ba kumprimentu efetivu ba mandadu ida ne’e IHA AUTORIZASAUN ba asesu iha dependensia hotu-hotu, inklui kofre, fatin hirak rai sasan nian, veiklu hirak ne’ebé uza hosi suspeitu, bele fera odamatan, hakat sae hosi moru no neutraliza animal sira, se presija duni, ho observansia ba dispozisaun iha artigu 169 no 170 hosi KPPTL.

Advertisement

Jornalista: Carmelita Isaac

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Fujitivu Kalumban Mali Aseguradu no Prosesu La’o Ona iha MP

Published

on

Hatutan.com, (23 Jullu 2024), Díli- Ministru Justisa (MJ), Sérgio de Jesus Fernandes da Costa Hornai, informa kazu Fujitivu Kalumban Mali iha ona Ministériu Públiku nia liman no Prokuradoria-Jerál Repúblika (PGR) sei uza kompeténsia tomak atu haree no lori prosesu ne’e ba oin.

(more…)

Kontinua Le'e

Justisa & Krime

Governu iha Seriedade Harii Sentru Juveníl Hodi Eduka Labarik Sira Halo Krime

Published

on

Hatutan.com (23 Jullu 2024), Díli- Governu iha  seriedade  harii sentru juveníl hodi akumula no eduka labarik “kriminozu” sira ne’ebé komete krime iha sosiedade.

(more…)

Kontinua Le'e

Justisa & Krime

Ministériu Justisa Hakle’an Averiguasaun no Buka Verdade Fó Solusaun Bá PCIC

Published

on

Hatutan.com, (23 Jullu 2024), Díli- Ministru Justisa (MJ), Sérgio de Jesus Fernandes da Costa Hornai,  hateten Ministériu Justisa sei halo tuir prosesu no mekanizmu sira ne’ebé iha hodi hakle’an averiguasaun no buka verdade lolos hodi fó solusaun ba Instituisaun Polísia Sientífiku Investigasaun Kriminál (PCIC, sigla portugés).

(more…)

Kontinua Le'e
Advertisement

Trending