Connect with us
Pakote Ahi

Polítika

CNRT Lautém Kompromete Fó Votu 8,200 Ba Ramos Horta

Published

on

Hatutan.com, (02 Marsu 2022), Lautém-Militante no kuadru partidu CNRT iha Munisípiu Lautém kompromete ba sira-nia partidu no sira-nia kandidatu Prezidente Repúblika 2022-2027, José Ramos Horta, atu fó votu hamutuk 8,200 ba Ramos Horta iha eleisaun prezidensiál, 19 Marsu mai ne’e.

Notísia iha Relasaun: Kampanye Pilpres 2022 dimulai, Gereja Katolik Doakan dan Serukan Kampanye Damai

Kampaña dahuluk Kandidatu PR 2022-2027, José Ramos Horta nian iha Munisípiu Lautem, 02 Marsu 2022. Foto/Hatutan.com

Liuhusi kampaña abertura kandidatu PR José Ramos Horta nian ne’ebé  konsentra iha kampu 28 Novembru (antigu kampu futeból 745), Munisípiu Lautém, Kuarta (02/03/2022),  koordenadór partidu CNRT Munisípiu Lautém, Albino da Silva, konfirma katak, atualmente kuadru no militante CNRT iha Lautém hamutuk na’in-820 no husi númeru ne’e, kada kuadru no militante sei lori tan ema ka eleitór na’in-10 hodi vota ba Laureadu Nobel ba Pás 1996, José Ramos Horta iha eleisaun prezidensiál ne’e.

“Iha ne’e, ha’u relata katak, partidu CNRT Munisípiu Lautém, tenke kontribui votu hamutuk 8,200 ba Premiadu Nobel ba Pás, José Ramos Horta iha eleisaun prezidensiál ne’e. Ami kuadru partidu CNRT na’in-820 kompromete atu ema ida lori tan ema na’in-10 vota ba Ramos Horta iha Munisípiu Lautém,” koordenadór partidu CNRT Munisípiu Lautém, Albino da Silva, hateten.

Advertisement

Nia afirma  tan, sira na’in-820 ne’e, ida-idak tenke mai ho votu 10. Tanba ne’e, votu 8,200 iha Munisípiu Lautém ba Ramos Horta ne’e tuir nia garantidu ona.

Nia fiar katak povu Lautém la duvida fó votu ba Ramos Horta atu hamutuk ho Lider Karizmátiku Kay Rala Xanana Gusmão, hodi hatuur ka restaura fali orden Konstituisaun RDTL ne’ebé tuir CNRT katak durante ne’e partidu seluk viola ona hodi hamosu krize polítika no krize institusionál iha orgaun soberanu RDTL.

Koordenadór CNRT ne’e dehan tán, kuadru no militante sira iha munisipiu Lautém, ho esperansa mós katak, iha eleisaun prezidensiál, 19 marsu mai, sei hetan apoiu barak liután hosi partidu polítika sira seluk tán ne’ebé iha asentu parlamentár, no mós hosi movimentu oioin, inklui veteranu sira rasik.

Liuhosi deklarasaun iha palku polítika, koordenadór Movimentu Rezisténsia Apoiu Komandante Ein-Xefe Xanana (MORAKX) iha Lautém, Valente Santos deklara katak movimentu hotu-hotu sei apoiu José Ramos Horta atu manan iha eleisaun prezidensiál 2022 no  sai Prezidente Repúblika 2022-2027 atu restaura fali integridade  Timor-Leste nian iha mundu internasionál nia futar-matan.

Koordenadór MORAKX ne’e, husu mós ba militante no simpatizante tomak partidu CNRT nian iha Munisípiu Lautém, atu servisu maka’as hodi fó vitória ba José Ramos Horta, atu manán de’it primeira ronde.

Advertisement

Iha biban ne’e, prezidente Partidu Timor Forte (PATIFOR), Gregório Saldanha afirma, hahú iha 30 agostu 2021 kedan, PATIFOR, deside apoiu ba desizaun ne’ebé maka maun-boot Xanana Gusmão hakarak, ka indika ona kandidatu PR ida mak Ramos Horta.

“PATIFOR mai, atu fó nia apoiu ba eskolla ida-ne’e, atu reforsa, halo esforsu tomak, servisu hamutuk ho maluk sira hotu, atu nune’e, ita nia kandidatu PR, José Ramos Horta bele manán iha eleisaun besik mai,” Gregório Saldanha, hateten.

Prezidente PATIFOR ne’e mós husu ba kuadru, militante no simpatizante tomak PATIFOR nian iha munisipiu hotu-hotu atu servisu maka’as hodi fó vitória ba kandidatu PR, José Ramos Horta nian ba periodu 2022 to’o 2027.

Militante no simpatizante sira ne’ebé partisipa iha komísiu polítiku ida-ne’e, mai hosi Postu administrativu lima mak hanesan, Iliomar, Lautém, Luro, Tutuala, no Lospalos, hanesan uma-na’in.

José Ramos Horta nia kandidatura ba PR 2022-2027 hamutuk ho Kay Rala Xanana Gusmão, aposta ba ajenda prioridade tolu, mak hanesan hakarak hatuur fali orden Konstitusionál (repozisaun orden demokrátiku), hadi’a imajen Timor nian iha mundu nia matan no lori dezenvolvimentu besik liután ba povu.

Advertisement

Jornalista: Rogério Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Restaurasaun Independénsia bá Dala-22, PN Husu Timoroan Tomak Halo Reflesaun

Published

on

Hatutan.com, (17 Maiu 2024), Díli—Parlamentu Nasionál (PN) liuhosi deputada bankada FRETILIN, Nurima Ribeiro Alkatiri husu timor oan tomak atu halo reflesaun bá situasaun hotu-hotu ne’ebé Timor-Leste konsege ultrapassa iha nasaun soberanu ida-ne’e.

(more…)

Kontinua Le'e

Polítika

Lider Bankada PN Deside Bolu Ministra Saúde Élia Amaral

Published

on

Hatutan.com, (16 Maiu 2024), Díli– Parlamentu Nasionál (PN) liuhusi Sekretária Meza Parlamentár, Deputada Virgina Ana Belo, informa rezultadu reuniaun bankada, deside sei halo plenária estraordinária iha  Kuarta,  22 fulan-Maiu 2024, hodi bolu Ministra Saúde (MS), Élia A.A dos Reis Amaral, atu buka solusaun bá problema saúde ne’ebé daudaun ne’e akontese iha Timor-Leste.

(more…)

Kontinua Le'e

Polítika

Governu Seidauk Aprezenta Lista Kandidatu Komisáriu CAC

Published

on

Hatutan.com, (16 Maiu 2024), Díli– Parlamentu Nasionál liuhusi Sekretária Meza Parlamentár, Deputada Virgina Ana Belo hateten, Governu seidauk submete lista kandidatu komisáriu foun bá Comissão Anti-Corrupção (CAC) hodi hakat bá eleisaun. 

(more…)

Kontinua Le'e
Advertisement

Trending