Hatutan.com, (04 Marsu 2022), Díli—Ministériu Finansas liuhusi Gabinete Apoiu Jurídiku no Diresaun Jerál Planeamentu no Orsamentu, organiza sesaun diseminasaun informasaun ba Membru Oitavu Governu Konstitusionál kona-bá Lei Enkuadramentu Orsamentál no mekanizmu elaborasaun ezbosu Lei das Grandes Opções do Plano.

Sesaun diseminasaun informasaun ba Membru Oitavu Governu Konstitusionál kona-bá Lei Enkuadramentu Orsamentál no mekanizmu elaborasaun ezbosu Lei das Grandes Opções do Plano, iha MF, Sesta (04/03/2022). Foto/MF.

“Durante sesaun diseminasaun informasaun ne’e, Koordenadór Gabinete Apoiu Jurídiku, Isaac Menezes halo aprezentasaun kona-bá komponente importante rua mak hanesan: prosesu Orsamentu Jerál Estadu no Jestaun Finanseira Públikas,” Hatutan.com sita komunikadu.

Enkuantu Diretór Jerál Planeamentu no Orsamentu, José Alexandre de Carvalho halo aprezentasaun kona-bá estratéjia no mekanizmu ba elaborasaun Lei das Grandes Opções do Plano ne’ebé tuir kalendáriu aprovadu hosi Konsellu Ministru, Governu sei aprezenta ezbosu Lei refere ba Parlamentu Nasionál (PN) iha loron 10 fulan-Maiu 2022.

Sesaun diseminasaun informasaun ne’e, hetan partisipasaun hosi Primeiru-Ministru, Jenerál Taur Matan Ruak, Vise-Primeiru-Ministru, José Maria dos Reis hamutuk ho Membru Oitavu Governu Konstitusionál.

𝐊𝐚𝐥𝐞𝐧𝐝𝐚́𝐫𝐢𝐮 𝐄𝐥𝐚𝐛𝐨𝐫𝐚𝐬𝐚𝐮𝐧 𝐎𝐉𝐄 𝟐𝟎𝟐𝟑 𝐛𝐚𝐳𝐞𝐢𝐚 𝐛𝐚 𝐋𝐞𝐢 𝐅𝐨𝐮𝐧 𝐄𝐧𝐤𝐮𝐚𝐝𝐫𝐚𝐦𝐞𝐧𝐭𝐮 𝐎𝐫𝐬𝐚𝐦𝐞𝐧𝐭𝐚́𝐥

23 Fevereiru: Konsellu Ministrus aprova ona Kalendáriu OJE 2023

04 Maiu: Konselu Ministrus aprova Proposta Projetu Lei das Grandes Opções do Plano

10 Maiu: Governu aprezenta Lei das Grandes Opções do Plano ba PN

30 Maiu: PN aprova Lei das Grandes Opções do Plano

10 Juñu: Enkontru TLDPM

30 Juñu: Jornada Orsamentál

15 Jullu: Konsellu Ministrus aprova Tetu Desagregasaun Orsamentu

20 Jullu: Ministériu Finansas fó sai Sirkulár preparasaun OJE 2023 no Distribuisaun Tetu Desagregadu

17 Agostu: Konsellu Ministrus aprova orsamentu tuir Programa

15 Setembru: Konsellu Ministrus aprova Proposta Lei OJE 2023

01 Outubru: Governu aprezenta Proposta Lei OJE 2023 ba PN

Novembru: Diskusaun Proposta OJE 2023 iha PN

15 Novembru: Votasaun Proposta OJE 2023 iha PN

Dezembru: Promulgasaun Lei OJE 2023 husi Prezidente Repúblika

Dezembru: Publikasaun Lei OJE 2023 iha Jornal da Republika.

Jornalista: Carmelita Isaac