Connect with us
Pakote Ahi

Opiniaun

CARTA PASTORAL CONFERÊNCIA EPISCOPAL TIMORENSE (CET) BA ELEIÇÃO PRESIDENCIAL 2022

Published

on

Introdução

Tinan ida ne’e, iha loron 20 Maio 2022, ita celebra Timor-Leste nia restauração Independência ba dala ruanulu. Celebração iha tinan ida ne’e ho imagem oin seluk uitoan, tan antes atu hakat ba to’o iha celebração ida ne’e ita sei celebra festa democracia, katak Eleição Presidencial, atu hili ita nia Chefe do Estado período 2022-2027.

Atu hasoru evento importante ida ne’e, ita precisa considera mos situação rua: Ida, situação mundo global. Katak Timor Leste, hanesan mos nação sira seluk iha mundo, sei hasoru hela problema Covid- 19, ikus-ikus ne’ e mundo tomak preocupa ho invasão Russia nian ba Ucraina nebé hamosu ansiedade no angústia global. Tanba ne’e, Santo Padre Francisco rasik, husu ba uma kreda tomak atu dedica jejum, abstinência no oração quaresmal ba paz iha Ucraina Rua, situação politíca rai laran nebé hasoru namanas história moruk iha nia democracia. Estado democrático ida quaze atu lakon nia ilas iha mundo tan de’ it hanoin Ia hanesan atu realiza mehi bo’ot hodi lori povo ba progresso no prosperiedade. Hanoin Ia hanesan, tuir 1010s sai caracter fundamental democracia nian. Maibe, realidade nebé acontece iha Timor-Leste tinan hirak ne’e, paraliza moris no halo Estado de Direito Demócratico ida ne’e lao ain kudeik hodi lori desespero, desgraça Oioin, no incerteza ba loron aban bairua.

Advertisement

República Democrática Timor-Leste mak naran oficial nebé hatur iha Constituição da República. Liafuan rua ne’e nakonu ho sentido ba ita nu’udar nação no estado ida. Republica mai husi liafuan res publica nebé ho sentido katak espirito povo nian, no democracia mai husi lian grego: demos, katak povo no cratos/cratein, katak poder/governação. Nune’e, democrasia significa forma ou sistema governação ida iha nebé povo sira hotu participa hodi governa liu husi representante sira (governação povo nian); visão moris nebé tau iha fatin aas igualdade iha direito no dever no mos direito nebé hanesan ba povo hotu. Tan ne’e, nu’udar Estado República Democratica, Timor-Leste precisa tau iha fatin aas interese povo hotu nian.

Nu’ udar panorama ida atu ita hatene katak conceito republica no democracia nu’ Lidar forma no sistema governação ida nebéjusto no diak, tan povo hotu iha posibilidade no direito hanesan atu partecipa iha cada aspeto moris nian, liuliu iha mundo politico ne’e rasik. Politicamente, democracia mak nu’udar forma ou sistema governação ne’ebe ideal liu iha mundo tomak, maibe iha ninia prática, democracia ne’e mos iha complexidade nebé dificil atu ita resolve mos. Claro katak estado “mai husi povo, liu husi povo no ba povu”. Ida ne’e mak permite timoroan hotu, ho liberdade no consciência rasik hato’o sira nia aspiração no esperança ba Estado no Governo liu husi eleição.

Racionalidade vs sentimentalidade

Ema barak hanoin katak, laiha alternativa seluk iha sistema política iha nação moderna se Ia’os sistema democrático. Democracia mak nu’udar mehi bo’ot ida husi modernismo nebé promove dignidade direito humano ou emancipação liu husi exercício liberdade hodi expressa nia hanoin iha espaço público. Ho liafuan seluk, democracia mak idealismo ba estado moderno Ohin loron. Nune’e, ita nia Estado no nação doben ne’e ho naran Republica Democrática Timor-Leste ho fundamento mak Constituição da República. Democracia nebé ita adopta iha rai ida ne’e mak democracía constitucional. Basá, Constituição mak sai matadalan mesak nebé lori ita ba moris nakonu ho prosperidade. Ita tenki reconhece katak ita seidauk moris tuir didiak Constituição. Tan dala barak, ita ida-idak interpreta Constituição ne’e tuir interesse no hakarak rasik. Ida ne’e fo hanoin fali mai ita katak precisa moris tuir Constituição ho coerência.

Nudar bibi atan, ami observa katak iha indicação ba protagonismo real democracia nian. Maibe, iha mos antagonismo ba democracia ida nebe nakonu ho sentimentalismo hodi moraliza ita nia hahalok no lala ‘ok hakerek história foun Timor nian. Sentimento no raciocinio parte importante iha ema nia moris, nebe precisa uza didiak iha vida política. Basá, iha exercicio demócratico mak uza deit sentimentalismo desafia tebes esportividade política. Katak identidade colectiva hanesan historia, cultura, etnia, raça, grupo, lian, inclui categoria colectiva sira seluk, bele sai fukun nebé hakanek no hamihis neutralidade lala’ok democrático nian, se usa hodi serbi deit interesse atu buka poder. lha sentido ida ne’e, “sentimentalismo corrompe raciocinio no nakfilak ba perigo nebe hamosu brutalidade”

Advertisement

Nudar ita hotu hatene katak ita iha problema boot ida iha ita nia democracia, nebé hamosu crize institucional ida séria tebes iha nação ida ne’e. Ita bele husu: tamba sa mak crize institucional ne’e mosu? Hatan ba pergunta fundamental ida ne’e, ita bele dehan katak tendência boot husi partido político sira atu corrompe democracia ba sira nia interesse partidário hodi hamate povo nia confiança iha líder politico sira

Wainhira ita observa política mundo Ohin loron nian, hanesan ita hasoru dadaun iha ita rain, ita bele sente kedas buat ruma nebe lao sala dalan. Estado de Direito Democrático sira Ia hasoru desafio external, hanesan uluk mosu ba nação sira nebé hari iha diferença idelógica sira. Maibe, hare didiak, afinal, problema internal mak sai factor determinante. lha lala’ok política balun nebé halis ba status quo regime autoritário. lha mos lala’ok política nebé halis ba democracia hodi hili movimento social política nebé progressivo. Ema wain tebes mak ko’alia no hakilar atu democracia sai dalan diak liu hodi resolve questão sira política nian. Democracia sai ona hanesan nessecidade prioritária política estado civilizado sira nian. Ema wain mak mehi no hakarak moris iha ambiente democrático, maibe do’ok husi ideal sociedade civil democrata sira nian, sira nia hahalok no lalaok hetok sobu rahun democracia ne’e rasik. Dala barak democracia sai hanesan transporte ida nebe lori democrata sira ba hasoru deit sira nia mehi. Ho ida ne’e sira hakat liu tiha fronteira estado racional nian.

Democracia 1010s tenki supera no ultrapassa sentimentalismo. Democracia moderna nebé tubun husi racionalidade ocidente nian, ninia alvo principal, Ia seluk Ia Ie’et, mak racionalização poder nian: poder ne’e hetan controlo husi público. Nune’e, liberdade, igualdade, justiça, no solidariedade bele realiza no concretiza duni iha palco político moris hamutuk nian: “Sucesso ida husi democratização mak raciocinio público sai buras no hatun hahalok sira sentimentalismo nian hanesan kaer metin ba suco, etnia, raça, cultura no história, iha processo democratização”

Democracia representa racionalidade nebé buka, decide no promulga lia 10s hodi evita lalaok sentimentalismo nebé teri netik dalan ba democracia nebé diak no 10s. Basá, sentimentalismo ne’e kbiit ida nebé bele hakleuk conteúdo comunicação no perceção konaba mundo, nune’e, halo ema Iakon capacidade racional atu hasoru mundo real. Hanesan consequência, mosu sentimento sira nebé lori ema ba hahalok laran moras, intimidação, descriminação, destruição, difamação tan nia halo tuir deit nia sentimento hodi minimiza tiha ninia capacidade raciocínio nian. Nudar bibi atan nebé sai mahein ba ema hot-hotu, ami observa katak condição hirak nebé temi ona iha leten ne’e, buras mos iha ita nia sociedade no lori consequência nebé todan tebes. Se ita Ia converte ita nia hahalok no lalaok sala hirak ne’e, ita bele Iakon ita nia espirito unidade, fraternidade, familiariade no amizade iha ita interação social.

Relaciona ho assunto iha leten, mosu ba ita movimento populista direta iha nação barak, nebé usa sentimento, maibé Ia sentimental, tan usa argumento oi-oin hodi contra razão diak hotuhotu, atu nune’e, bele hamonu discurso racional dominante (hanoin diak ema hotu nian). Mosu mos iha ita nia sociedade demonização (tendência atu hafoer) imagem adversário político ho hoax, liu husi midia social ho cálculo político nebé organizado hodi gasta mos osan nebé boot. Ami, bispo sira, husu ho neon no laran atu ita hotu, ho consciência, tau iha consideração, liu-liu wainhira ita hala’o campanha ba candidato ida-idak. Buat hotu tenki halo ho domin, tan buat nebé ita halo ne’e, halo ba diak ema hotu nian.

Advertisement

Papa Francisco iha ninia hanorin, dehan: “halo política mos iha espaço atu hadomi ho ternura”. Ida ne’e bele realiza liu husi “caridade social-política”, iha “domin nebé klean” hodi hamosu instituição sira nebé forte, ordinamento sira nebé justo no estrutura sira nebé sólida. Tan ne’e, sira nebé halo política ho domin, sei entende política nu’udar dalan ida ba ema hotu nia diak, Ia’ os deít buka poder no naran boot. Papa Francisco mos convida ita atu sai autor político nebé iha fuan no laran no desafia ita atu assume responsabilidade ba bem-estar ema hotu nian, hodi hari’i familia humana ida mesak.

Consenso ba Unidade Nacional

Timor-Leste nu’udar Estado de Direito Democrático ida, tenki hatudu sai iha hahalok no lala’ ok política sira hotu, coerência moris atu defende Estado ida neé nia dignidade iha mundo. Atu defende princípio base ida neé, ho haraik an bibi atan sira nian, ami husu entidade hot-hotu, iha rai laran no rai liur, atu buka resolve conflito ho fuan bo’ot no ulun malirin. Ba ida ne’e, ita precisa plataforma ida nebé bele acolhe diversidade hodi hari’i consenso ba unidade nacional. Basá, dalan ida ne’e mak ato político ida nebé urgente tebes atu hatan ba crize Institucional Estado nian, no conflito hotu nebé buras iha ita nia le’et, tan de’it interesse partidário, conceito político no ideologia nebé diferente. Ita precisa traduz situação emergente ida ne’e liu husifo liman ba malu hodi buka solução ida diak no justa.

Experiência kona ba falhanço iha regime representação democrática, hatudu momós katak Ia fácil atu to’o ba consenso básico ida. Ita tenki haka’as an atu ukun no domina ita nia egoísmo no arrogância pessoal eh coletiva hodi manan espaço ba interesse moris ema hot-hotu nian, liu-liu sira nebé kiik no kiak. Democracia iha Timor-Leste, precisa tempo atu bele amadurece-an. Nune’e, timoroan hotu tenki halo exercício bo’ot iha consenso básico ida hodi hatoman an atu moris iha democracia nia laran.

Política nu’udar “sacramento” ida

Padre da Igreja, Tertulliano, teólogo no apologético fiar sarani nian iha sécolo II, hakerek doutrina konaba interação entre mundo secular ho cristianismo, katak interação entre democracia no fiar, liu husi ilas Atena no Jerusalem. Hanorin ida ne’e, nia formula iha pergunta ida: Quid ergo Athenis et Hierosolymis? (Sa 10s mak Atenas iha ho Jerusalém?) Quid academiae et ecclesiae? (Sa 10s mak ciência iha ho fiar?). Adágio ida ne’e hamoris iha ita interesse especial ida kona ba importância encontro entre Atenas no Jerusalem. lha parte ida, Atenas mak representa razão científica, matenek na’ in sira nia kadunan, filósofo sira nia manorin fatin no berço democracia nian. Jerusalém, iha parte seluk, sai kadunan Maromak moris nian, simbolo sorumutuk oriente no ocidente nian, wé-matan fiar ba Judeo-Cristã. Nune’e, pergunta reflexiva nebé Tertulliano hato’o ne’e importante atu tulun ita reflete moris iha biban ida ne’e.

Advertisement

Lição importante kona ba Atenas no Jerusalém ne’e, sai fundamento ba reciprocidade relacional entre fiar ho democracia. Tamba ne’e, ita labele hakloot no hamamuk tiha conceito democracia nian tuir ita nia hakarak hodi minimiza condição determinativa sira: interação fiar ho democracia nebé carateriza moris povo ida nian. Envolvimento iha democracia Ia limita de’it ba momento eleição geral (hanesan: tuir campanha política, tuir votação, aceita resultado no hatene simu manan ka Iakon), maibé, participação consciente, ativa, criativa no contínua iha consolidação ba sentido Nação no construção Estado de Direito Democrático.

Exigência hirak ne’e lori ema sarani sira nebé envolve an iha vida política atu hamoris consciência ba etos política tuir doutrina social Uma Kreda nian. Nune’e, ba timoroan sira, fiar iha Maromak tenki sai sasukat ba política no etos atu hala’o política. lha história humanidade nian, Maromak halo-an ba ema iha Jesus Cristo, configura-An iha ação concreta, hodi opta ba ema nebé fraco no sala na’in. Opção ida ne’e, relaciona ho política ba ema barak nia moris diak. Nune’e, ita bele afirma ho convicção katak Maromak nia política no ninia democracia mak saran an rasik ba ema tomak nia moris (Cfr. Jo 15, 13). Ho ida ne’e, ita bele dehan, politica ne’e atitude no “sacramento” ida, katak sinal no instrumento visível nebé lori ema hotu ba to’o iha libertação Iolós.

Libertação laos utopia maibé hahalok concreto no atual, histórico no contextual, iha tempo no espaço hodi moris tuir ukun fuan: “hadomi Na’i Maromak liu sasan hothotu no hadomi ema seluk hanesan an rasik” (Mt 22, 37). Maromak nia participação no envolvimento iha história salvação, hatur iha compaixão. Nia Ia neutro, Ia indiferente no Ia apático, maibé hatudu Ninia empatia ba ema hotu, ho ema hotu no iha ema hotu. Katak, hatama Nia-an no hamriik hamutuk ho ema hotu, liu-liu ho ema kiik no ema kiak sim Ne’e duni, wainhira ema sarani ida, hakoak liman no Ia preocupa ho injustiça, violência, discriminação, no hahalok sira be halo ema sai kiak no mukit hodi sobu no estraga sociedade, ita bele dehan katak ne’e Ia’os hahalok ema sarani nian (Cfr. Tg 2, 17).

lha contexto ida ne’e, Igreja iha obrigação atu sai profeta no hala’o ninia knaar profética iha palco política, hodi carateriza sarani sira nia identidade. Política consciência mak identidade ema sarani nian, política fuan niam política solidariedade nian no política nebé hala’o iha espaço entre jardim Oliveira nofoho Calvário. Ho identidade ida ne’e, Igreja hamriik hanesan inan no mestra nebé hanorin ho consciência profética, hodi hametin fiar, esperança no caridade. Dimensão profética ida ne’e mak sai nu’ udar elemento constitutivo ba envolvimento hotu Uma Kreda nian iha vida social, política, económica no cultural sociedade ida nian

Tan ne’e, ami, bispo husu atu sarani católico sira hala’o sira nia dever no obrigação hanesan sarani diak no político diak, ho participação ativa no consciente iha vida Nação nian no política Estado RDTL nian. Labele sai hanesan Judas hodi trai vocação nu’udar sarani, eh sai hanesan Pilatos nebé fase liman hodi halai husi responsabilidade. Ida ne’e, exige compromisso no fidelidade ba Evangelho.

Advertisement

Liafuan taka

Nu’udar ema fiar na’in, ita hotu hetan convite no iha tempo hanesan nu’udar missão ida nebé obriga (sentido positivo) ita atu moris nu’udar sarani diak no cidadão diak. Nune’e ema fiar na’in sira iha vocação no missão bo’ot ida atu fo sasin kona ba lialos, justiça, paz, respeito no hadomi malu, unidade, fraternidade no solidariedade

Nu’udar ema sarani católica, ba ne’ebe de’it, iha tempo sa de’it, ita iha obrigação atu hamoris ita nia fiar no lori: PAZ, UNIDADE no FRATERNIDADE.

Ikus liu, ami convida Timor oan ida-idak no povo Timor-Leste tomak atu halo buat hotu nebé depende ba ita nia capacidade nu’udar ema; kona ba buat sira nebé ita Ia iha kbiit atu halo, ita husik iha Nai Maromak nia liman Husu ba sarani sira hotu harohan ba Nai Maromak atu Nia tau matan ba ita nia rai iha tempo eleição ida ne’e.

Ho esperança no consideração tomak ami hato’o votos de pleno sucesso ba exercício democrático liu husi eleições Presidenciais nebé ita hotu sei participa

Advertisement

São José sei tulun ita hotu ho ninia harohan da’et

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Opiniaun

Líder Alternativu; Entre Hein Tranzisaun Jerasional ou Buka Konkista Rasik?

Published

on

Hakerek nain; Quintiliano A. Belo 

(more…)

Kontinua Le'e

Opiniaun

TIMOR-LESTE HAKDASAK TAMBA ESTRATEJIA POLÍTIKA ÓDIU-VINGANSA

Published

on

Hosi :  Nelion Ornai Monteiro

Alumnu Universitas Sanata Dharma, Yogyakarta hosi Fakuldade Filozofia no Teolojia Kentungan Wedha Bakthi 2019/2020.

(more…)

Advertisement
Kontinua Le'e

Opiniaun

SEKOMS no Nia Misunderstanding Kona-ba Plájiu

Published

on

Armindo Moniz Amaral

(Sidadaun baibain, hela ladún dook hosi fatin sampah Tibar)

(more…)

Advertisement
Kontinua Le'e
Advertisement

Trending