Connect with us

Polítika

PM Taur Demite Oan Soru Tanba Lakon Konfiansa

Published

on

Hatutan.com, (14 Marsu 2022), Díli—Primeiru Ministru (PM) Taur Matan Ruak, ofisialmente halo demisaun ba Sekretáriu  Estadu ba Asuntu Antigus Kombatente ba Libertasaun Nasionál, Gil da Costa Monteiro “Oan Soru” hosi VIII governu konstituisionál tanba lakon konfiansa.

Primeiru Ministru  agradese ba dedikasaun no prestasaun servisu ne’ebé durante ne’e Oan Soru halo durante mandatu.

Karta demisaun ne’ebé Hatutan.com haktuir, konforme notísia ne’ebé iha ho deklarasaun públiku ne’ebé halo hodi altera substánsia ba realidade ne’ebé minimiza kapasidade governu nian, hodi enfrenta difikuldade ne’ebé povu no nasaun hasoru.

“Deklarasaun públiku ne’ebé hatudu dúvida ba ita nia solidariedade no lealdade instituisionál ne’ebé unifika membru Governu hotu-hotu, iha atitude haraik an no komitmentu ne’ebé demokrátiku, hodi buka solusaun konstrutivas atu bele ultrapasa dezafiu sira ba dezenvolvimentu ba futuru, momentu importante iha ne’ebé ita hasoru hela impaktu ekonómiku no sosiál kauza hosi Covid-19 no agravadu ho dezastre naturais,” Hatutan.com sita komunikadu.

Advertisement

Maski nune’e, Xefe  Governu rekoñese no agradese ba kontribuisaun inklui dezenvolvimentu ba programa Governu nian iha asuntu kombatentes no libertasaun nasionál, la haluha manifesta profundu dezilusaun no tristeza ba opsaun ne’ebé iha, hodi kebra konfiansa ne’ebé fó no responsabilidade ne’ebé depozita hanesan membru VIII Governu konstituisionál.

Kaer ba saida mak iha leten no liu hosi reflesaun ne’ebé kle’an ha’u foti konkluzaun katak eselénsia la iha ona kondisaun nesesáriu atu kontinua ezerse funsaun nu’udár Sekretáriu Estadu Asuntu Antigus Kombatentes ba Libertasaun Nasionál no sei hato’o ba Prezidente Repúblika.

“Aproveita oportunidade ne’e hodi espressa ha’u nia agradesimentu ba servisu sira ne’ebé raliza no votu susesu ba etapa foun ne’ebé ita hili,” subliña.

Antes ne’e iha Kinta 10 Marsu 2022, liu hosi deklarasaun aberta iha ámbitu kampaña Prezidensiál kandidatu númeru sorteiru 14 José Manuel Ramos Horta, ba apoiante sira iha munisípiu Bobonaro, Gil da Costa Monteiro Oan Soru deklara katak, nia prontu atu hetan ezonerasaun hosi Primeiru Ministru (PM) Taur Matan Ruak, maibé nia mós konsidera ema ne’ebé mai troka sei hamanas de’it kadeira tanba ohin tuur no aban sai hikas.

“Ema ne’ebé mai troka ha’u ohin nia tuur aban hamriik fali ona,” Gil da Costa Monteiro Oan Soru, hateten.

Advertisement

Jornalista: Vito Salvadór

Continue Reading
Advertisement
Click to comment

Leave a Reply

Your email address will not be published. Required fields are marked *

Polítika

Konsellu Ministru Aprová Projetu Rezolusaun Kona-Bá Konta Satélite Tasi Nian

Published

on

By

Hatutan.com, (20 Fevereiru 2026), Díli– Konsellu Ministru, Sesta (20/02/2026), aprová projetu rezolusaun Governu ne’ebé aprezenta hosi Primeiru-Ministru Kay Rala Xanana Gusmão  kona-bá Konta Satélite Tasi nian.

(more…)

Continue Reading

Polítika

PM Xanana Sei Vizita Munisípiu Avalia Desentralizasaun Governu Lokál

Published

on

By

Hatutan.com, (19 Fevereiru 2026), Díli – Primeiru Ministru (PM), Kay Rala Xanana Gusmão, iha loron 24 Fevereiru to’o 18 Marsu 2026,  hala’o vizita bá munisípiu sira hodi avalia implementasaun planu desentralizasaun governu lokál.

(more…)

Continue Reading

Polítika

Prezidente Komisaun B Konsidera Média Mak Inventa Iregularidade iha Rekrutamentu PNTL

Published

on

By

Hatutan.com, (13 Fevereiru 2026), Díli-Prezidente Komisaun B Parlamentu Nasionál (PN) ne’ebé trata Asuntu Negósiu Estranjeiru, Seguransa no Defeza, Domingos Augusto “Deker”, konsidera iregularidade iha rekrutamentu Polísia Nasionál Timor-Leste (PNTL) ne’e média mak inventa sasán tun-sa’e tanba la bazeia ba faktu ka realidade.

(more…)

Continue Reading

Trending