Hatutan.com, (26 Maiu 2022), Dili—Primeiru Ministru (PM), Taur Matan Ruak, lamenta tebes no la konkorda ho membru VIII Governu Konstitusionál, Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, ne’ebé halo keixa “Denúncia Caluniosa” ba Ministériu Públiku (MP) hasoru jornalista no Xefe Redasaun Hatutan.com Francisco Belo Simões da Costa.

Primeiru Ministru (PM), Taur Matan Ruak.

“Primeiru, ha’u seidauk hatene. Segundu, ha’u lakohi tama asuntu ne’ebé buat justisa nian. Maibé, sé ida ne’e akontese, ha’u lamenta. Ha’u lahetene tanba saida, razoins saida, mais, ha’u nia hakarak ita-boot sira livre para halo kobertura. Ida-ne’e mak ha’u nia hakarak,” Primeiru Ministru (PM), Taur Matan Ruak, hateten ba jornalista sira hafoin enkontru semanál ho Prezidente Repúblika (PR), José Manuel Ramos-Horta iha Palásiu Prezidente Bairru-Pité, Díli, Kinta (26/05/2022).

Lee Mós: Projetu Set-top Box RTTL,E.P, PM Taur Enkoraja Sidadaun Sira Lori ba CAC

PM Taur mós haree katak informasaun ka notisia hirak ne’ebé jornalista sira fó-sai, reflete duni ba realidade no reflete ba situasaun ne’ebé Timor-Leste iha.

Advertisement

“Tanba ne’e, ezatamente ida-ne’e mak ita boot sira baibain halo. Tanba ne’e, hanesan kazu ida ne’ebé mak ha’u saida oitoan, mais ha’u buka hatene, depois ha’u saida,” Xefe Governu hateten.

Hatán kona-bá ho komportamentu ne’ebé hatudu hosi ninia membru Governu ne’e, karik iha sinál atu limita liberdade média sira nian iha TL, Taur dehan la limita liberdade média, tanba ida ne’e kompromísiu Estadu nian ne’ebé hakerek tiha ona iha Lei inan Konstituisaun RDTL artigu 40 kona-bá Liberadade Imprensa no artigu 41 kona-bá Liberdade Espresaun ninian. 

“Laiha, la’e. Ita-boot hatene liberdade imprénsa ne’e komprometidu hosi Estadu, la’ós de’it membru governu nian. Ne’e Estadu nian tomak, purtantu ne’e iha ita nia Konstituisaun.Ema hotu-hotu tenke kontribui ba ida-ne’e. Tanba ne’e mak ita boot sira sé haree, ita sé calhar um dos paises iha Azia, mellor iha ne’e. Press Freedom, ka liberdade de imprénsa ne’e. Ha’u parabeniza ita-boot sira, ne’e signifika katak, ita intende malu di’ak, ne’e kapás no parabéns,” PM Taur Matan Ruak, fó parabens.

Iha Segunda  23 Maiu 2022, Jornalista nu’udár mós Xefe Redasaun Hatutan.com, Francisco Belo Simões da Costa, presta ona deklarasaun iha Ministériu Públiku (MP)  ka Prokuradoria Distritál Díli, kona-bá keixa balun ne’ebé hatama husi Francisco Martins da Costa Pereira Jerónimo, atuál Ministru Asuntu Parlamentár no Komunikasaun Sosiál (MAPKOMS).

Lee Mós: Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL

Advertisement

Lee Mós: MAPKOMS Halo Keixa “Denúncia caluniosa” Hasoru Xefe Redasaun Hatutan.com

Lee Mós: “Denúncia Caluniosa” Hasoru Jornalista Hatutan.com Hanesan Notísia Triste ba Liberdade Imprensa TL

Jornalista: Rogério Pereira Cárceres

Advertisement