Connect with us
Pakote Ahi

Polítika

Lú Olo Kongratula Ramos-Horta, Espera Sei Koopera ho Órgaun Soberania Tolu

Published

on

Hatutan.com, (22 Abríl 2022), Díli—Kandidatu Prezidente Repúblika (PR) ho númeru sorteiu 2, Francisco Guterres Lú Olo, rekoñese lakon iha eleisaun Prezidensiál segunda volta iha 19 Abríl, tanba rezultadu hatudu kandidatu ho númeru sorteiu 1, José Manuel Ramos Horta mak hetan votus barak liu.

Ekipa Susesu hosi Kandidatu Francisco Guterres Lú Olo hala’o konferénsia imprénsa iha Sede Nasionál kandidatura PR, Otél Lúz Clarita, Suku Grisenfor, Sesta (22/04/2022).

“Rezultadu provizóriu hosi eleisaun Prezidensiál segunda volta hatudu ona katak, Doutór José Manuel Ramos-Horta mak sei sai Prezidente Repúblika ba períudu 2022 to’o 2027, Parabéns,” Kandidatu Francisco Guterres Lú Olo hateten liu hosi konferénsia imprénsa iha Sede Nasionál kandidatura PR, Otél Lúz Clarita, Suku Grisenfor, Sesta (22/04/2022).

Lee mós: PM Taur Informa ba Lú Olo Kona-bá Preparasaun Posse ba Ramos-Horta

Lú Olo konsidera katak, ida-ne’e mak vontade povu nian, espressa liuhosi buletim de votu, direitu polítiku no demokrátiku ida ne’ebé garante hosi Konstituisaun Repúblika Demokratika Timor Leste nian.

Advertisement

“Ha’u simu rezultadu eleisoins segunda ronda ho laran hakmatek no haksolok, tanba povu rasik mak hili nia Prezidente Repúblika, iha tinan lima tuir mai. Ha’u fiar katak, ita boot sei koopera ho Parlamentu Nasionál, Oitavu Governu Konstitusionál no Tribunál Rekursu, atu hatutan konkista sira ne’ebé ita hetan ona iha tinan lima liubá,” Lú Olo hateten.

Kandidatu hosi partidu FRETILIN ne’e, hato’o mós nia kongratulasaun ba povu Timor-Leste tomak, dala ita tán, kompatriota sira, feto no mane, hatudu maturidade politika, tanba hatene hametin ambiente pás, trankilidade, no estabilidade, iha tempu kampaña no eleisaun.

“Povu doben timor-leste, ba kampaña primeira ronda no segunda ronda, ha’u simu apoiu tomak no inkondisionál hosi Partidu FRETILIN. Ha’u aproveita loron ohin, hodi hato’o agradesimentu públiku ba sekretáriu jerál FRETILIN, Marí Alkatiri no estrutura tomak iha nível nasionál to’o baze, ne’ebé servisu ho esforsu no dedikasaun tomak, atu garante ha’u-nia vitória ba mandatu daruak nu’udár Prezidente Repúblika,” Lú Olo agradese.

Iha kampaña segunda ronda eleisaun Prezidensial ne’e, Lú Olo sente haksolok tebes ho partisipasaun direta hosi Prezidente Partidu Libertasaun Populár (PLP), Jenerál Reformadu Taur Matan Rauk no Konselleiru Partidu KHUNTO, José dos Santos Naimori Bucar, lider sira hosi parte rua nian, ne’ebé halo parte maioria parlamentár ida ne’ebé sustenta Oitavu Governu Konstitusionál.

“Ba lideres no kuadrus hotu-hotu hosi partidu rua ne’ebé partisipa iha kampaña daruak, ka hahú kedan iha kampaña dahuluk, ha’u hato’o agradesimentu boot tebtebes. Ha’u agrdese mós apoiu hosi partidu Os Verdes de Timor, ne’ebé deklara apoiu ba ha’u nia kandidatura iha kedan primeira ronde. Agradese mós kuadrus partidu PUDD, Frente Mudansa, organizasoins hotu-hotu rezisténsia nian, artes marsiais no rituais, no sidadă no sidadaun idaidak ne’ebé apoiu ha’u nia kandidatura hodi hala’o kampaña iha fatifatin, iha rai laran nomós liur,” nai agradese.

Advertisement

Sekretáriu Jerál Partidu FRETILIN Marí Bim Amude Alkatiri.

Iha fatin hanesan, Sekretáriu Jerál Partidu FRETILIN Marí Bim Amude Alkatiri ho admirasaun boot katak, maske lakon iha eleisaun ne’e, maibé Lú Olo sempre ho korazen ne’ebé boot, hodi simu rezultadu eleisaun ne’e.

“Ha’u la espera atu ko’alia ohin iha ne’e, tanba ha’u sei marka loron ida ha’u atu ko’alia ha’u nia opiniaun. Sé agora, ha’u reafirma de’it ha’u nia admirasaun boot ba kamarada Lú Olo, tanba nia kuaze ho dignidade atu aseita rezultadu ida ne’e. Hanesan Sekretáriu Jerál FRETILIN, ha’u só bele dehan, kamarada Lú Olo, FRETILIN hein hela ita boot. Obrigadu,” Mari Alkatiri hateten.

Prezidente Partidu Libertasaun Populár (PLP), Taur Matan Ruak, lori estrutura tomak partidu nian, ho prazer boot tanba bele servisu hamutuk ho kandidatu PR Lú Olo, partilla ona hanoin politika ba malu durante kampaña eleisuaun prezidensiál, hodi haburas liu tán demokrasia iha Timor-Leste.

“Em primeiru lugár ha’u nia prazer boot, ha’u ho estrutura partidu tomak servisu ho maun Lú Olo, ho partidu sira seluk ne’ebé apoiu kandidatu. Parabens ba povu Timor Leste, ba konkista ida ne’e, parabens mós kandidatu mais votadu, kandidatu eleitu no agradese dala-ida tán ba maun Lú Olo, tanba previléjiu ne’ebé fó ba ami, hodi servisu hamutuk no ami kontente loos bele partilla momentu sira hanesan ne’e, hodi haburas ita nia demokrásia no hametin ita nia estabilidade ho pás iha ita nia rain,” prezidente PLP, Taur Matan Ruak hateten.

Reprezentante hosi konselleiru másimu partidu Kmanek Haburas Unidade Nasional Timoroan (KHUNTO), Nicolau Lino Freitas Belo, lori lulik tomak nia naran, agradese ba kmanek tomak ne’ebé mak fó ona ba sira ninia kandidatu PR Lú Olo, ema ida ne’ebé mak ho pasiénsia tomak hodi rona no simu realidade ne’ebé mak hatudu iha rezultadu eleisaun.

“Ho ida ne’e, partidu KHUNTO, nafatin fó parabéns ba ita boot (Lú Olo), no nafatin suporta ita boot, oinsá lori rai ida ne’e ba oin. Demokrasia hosi povu, ba povu no fila-fali ba povu. Laiha ida manán, laiha ida mak lakon. Lakon ka manán, rai ida ne’e ita hotu ninian,” Nicolau Lino Freitas Belo, hateten.

Advertisement

Prezidente Partidu Os Verdes de Timor, António Lela-Huno Cruz hateten, hahú kedan iha eleisaun primeira volta, deside fó sira nia apoiu tomak ba Lú Olo ninia kandidatura, ba Prezidente Repúblika (PR) 2022 to’o 2027.

“Ha’u lori estrutura tomak, fó hakuak boot ida ba ita nia aman Lú Olo, ami fiar katak, ho kapasidade ida ne’ebé mak ita boot iha sei kontinua nafatin, kontribui ba konsolidasaun Estadu direitu ida ne’ebé mak ita hotu hotu mehi bá,” António Lela-Huno Cruz hateten.

Kuadru Partidu Frente Mudansa, Egídio de Jesus hateten, iha eleisaun prezidensiál segunda volta, FM hahú hosi nasionál to’o baze fó apoiu tomak, laiha rezerva.

“Maibé, ita hotu aseita, tuir Lú Olo rasik esklarese ona ba ita hotu, iha momentu oportunu ida ne’e, tanba vox populi vox Dei. Demokrasia ninia ilás mak ne’e duni. Ne’e duni, dala-ida tán ho hamnasa de’it, Lú Olo fó ninia mensajen aseitasaun. Hodi partidu Frente Mudansa nia naran, fó obrigadu wain katak o reprocesso de hojé, é a vitória para o futuro,” Egídio de Jesus hateten.

Tuir rezultadu apuramentu nasionál hosi Sekretariadu Tékniku ba Administrasaun Eleitorál (STAE), kandidatu PR ho númeru sorteiu 1, José Manuel Ramos-Horta, iha votu hamutuk 397,145 (62,09%), no kandidatu PR ho númeru sorteiu 2, Francisco Guterres Lú Olo ho  votu 242,440 (37,91%).

Advertisement

Partisipa iha konferénsia imprensa ne’e, Prezidente Partidu Libertasaun Populár (PLP), Taur Matan Rauk, Partidu KHUNTO reprezenta hosi Nicolau Lino Freitas Belo, Prezidente Partidu Os Verdes de Timor, António Lela Huno Cruz, Frente Mudansa reprezenta hosi Egídio de Jesus.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Presiza Konstrui Fatin Própriu Atu Fasilita Fornesimentu Kombustível iha Sentrál Elétrika Hera-Betano

Published

on

Hatutan.com, (26 Marsu 24), Díli—Deklarasaun politíka bankada KHUNTO iha Parlamentu Nasionál (PN),  rekomenda bá Governu katak, presiza duni atu investe hodi konstrui fatin própriu bá fornesimentu kombustível iha Sentrál Elétrika Hera no Betano.

(more…)

Kontinua Le'e

Polítika

Deklarasaun Polítika Bankada FRETILIN: Tanbasá TL Seidauk Bele Manan Greater Sunrise

Published

on

Hatutan.com, (25 Marsu 2024), Díli– Bankada Parlamentár FRETILIN, Segunda (25/03/2024), halo deklarasaun polítika iha plenária Parlamentu Nasionál hodi aprezenta sira-nia duvida no kestiona projetu Greater Sunrise ne’ebé to’o ohin loron seidauk iha finalidade.

(more…)

Kontinua Le'e

Polítika

20-21 Abríl, Kongresu Nasionál Partidu KHUNTO Bá Da-III

Published

on

Hatutan.com, (21 Marsu 2024), Díli- Partidu Kmanek Haburas Unidade Nasionál Timoroan (KHUNTO) iha loron 20 to’o loron 21 fulan-Abríl, tinan ne’e, sei realiza kongresu nasionál bá da-III hodi halo reestruturasaun no prepara estratéjika polítika partidu hodi enfrenta dezafiu sira iha futuru.

(more…)

Kontinua Le'e

Trending