Connect with us
Pakote Ahi

Defeza & Seguransa

PNTL Kontinua Menus Rekursu Umanu

Published

on

Hatutan.com, (02 Maiu 2022), Dili—To’o oras ne’e Instituisaun Polisia Nasionál Timor-Leste (PNTL), kontinua enfrenta problema menus rekursu umanu ne’ebé mak ho númeru limitadu tebes atu asegura estabilidade no pás iha populasaun nia leet.

Vise-Ministru Interiór, António Armindo hamutuk ho Komandante Jerál PNTL, Komisáriu Polísia Faustino da Costa no Segundu Komandante Jerál Komisáriu Mateus Fernandes. Foto/MI.

“Em prinsípiu, balun sai kestaun nasionál ne’e mak limitasaun rekursu umanu. Ida-ne’e problema ida ne’ebé mak prinsipál, komandu sempre hato’o ida ne’e. Maibé, komandu antesipa ona iha planu oinsá bele iha kolokasaun membru ne’ebé sufisiente,” Komandante Jerál PNTL, Komisáriu Polisia Faustino da Costa hateten ba jornalista sira iha Maubara Room, Timor Plaza, Dili, Segunda (02/05/2022).

Lee Mós: Koñese Deviza PNTL no Formasaun atu Lidera Eskuadra to’o Komisáriu

Problema antigu ida seluk ne’ebé PNTL hasoru maka, transporte ho meius komunikasaun. Maibé komandu PNTL tenta halo esforsu atu bele solusiona tiha difikuldade sira balun.

Advertisement

“Ezemplu, komunikasaun ne’e problema nia hun no abut ne’e saida. Ita bele hola rádiu kiik oan ne’e barbarak, rádiu boot tau ba karreta sira hotu kedan, maibé sé ita problema kona-bá torre mós, ita situasaun ida ne’e, ita labele rezolve. Tanba ne’e mak iha tinan ida ne’e, ita tau iha orsamentu atu konstrui torre  lima,” Komisáriu Faustino da Costa hateten.

Iha fatin hanesan, Vise Ministru Interior (VMI), António Armindo rekoñese katak, durante ne’e PNTL hasoru duni problema iha rekursu umanu, tanba númeru membru oras ne’e sei limitadu.

Maibé, atu solusiona difikuldade sira ne’e, Primeiru Ministru (PM), Taur Matan Ruak fó ona orientasaun verbál ba  komandu PNTL atu halo netik aprezentasaun ba dadus ruma, tuir nivel ka klasifikasaun membru sira ne’ebé oras ne’e sei ativu.

“Bazeia ba ofisiais hira, sarjentu hira, ajente hira, sira ne’ebé maka moras, defisiénsia mental, no defisiénsia fiziku, sira ne’e iha ne’ebé atu ita haree took, hira mak ita presija atu halo rekrumentu no hira mak ita presija rekrutamentu kompletu iha tinan tolu, haat, lima oin mai,” António Armindo hateten.

Antes ne’e, Komandu PNTL halo ona aprezentasaun ba dala-uluk, maibé, Parte Ministeriu sei hein tán segundu aprezentasaun, nune’e dadus sira kona-bá difikuldade ne’e, bele kompletu liután.

Advertisement

Kona-bá instalasaun ka atu hari’i torre ba PNTL, hodi fasilita no haforsa rede  komunikasaun ne’ebé di’ak liu entre membru sira PNTL nian, Governu liuhosi Ministériu Interior koloka ona mós orsamentu ba tinan 2023 nian, hodi instala torre hamutuk lima, kompostu husi ida iha Ataúro, Oecusse 1 no torre tolu seluk, sei harii iha munisipiu 12 seluk.

Instituisaun PNTL  to’o oras-ne’e iha membru hamutuk 4.089, komesa hosi deviza Ajente to’o nível superiór, partisipa ona iha fórmasaun oioin atu kapasita an iha área lideransa, atu  lidera ekipa, seksaun, eskuadra, munisípiu to’o sai komisáriu PNTL.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Pemerintah Perketat Keamanan di Wilayah Perbatasan RDTL-RI

Published

on

Hatutan.com, (10 Juli 2024), Dili-Pemerintah Timor-Leste melalui Kementerian Dalam Negeri akan mengerahkan lebih banyak personil Kepolisian Timor Leste  (PNTL) untuk memperketat  keamanan di wilayah perbatasan antara Republik Demoktatik Timor Leste (RDTL) dan Republik Indonesia (RI) untuk mencegah pelintas ilegal.

(more…)

Kontinua Le'e

Defeza & Seguransa

Komisáriu Henrique da Costa Husu ONU Envolve PNTL Barak iha Misaun Pás

Published

on

Hatutan.com, (29 Juñu 2024), Díli-Komandante Jerál Polísia Nasionál Timor-Leste (PNTL), Komisáriu jerál Henrique da Costa, durante loron 26 to’o 27 fulan-Juñu 2024, partisipa iha simeira ka sorumutuk entre Xefe Polísia Nasoins Unidas nian bá da-haat ka United Nation Chief of Police Summit 2024 (UNCOPS) iha Nova Iorke.

(more…)

Kontinua Le'e

Defeza & Seguransa

Pedro Klamar Fuik Hakarak Dezenvolve F-FDTL Sai Forsa Armada Ne’ebé ho Orientasaun bá Pás

Published

on

Hatutan.com, (25 Juñu 2024), Dili—Ministru Defeza (MD), Donaciano do Rosário da Costa Gomes “Pedro Klamar Fuik” hakarak dezenvolve instituisaun FALINTIL Forsa Defeza Timor-Leste (F-FDTL) sai hanesan forsa armada ida ne’ebé mak ninia orientasaun tenke foku ka haree liu-liu bá asuntu pás nian.

(more…)

Kontinua Le'e
Advertisement

Trending