Connect with us
Pakote Ahi

Justisa & Krime

Pertamina Internasionál Sei Kumpre Lei TL ba Arrendamentu no Prontu Selu Dívidas

Published

on

Hatutan.com (15 Juñu 2022), Díli—Desde fulan Maiu tinan ne’e, Ministru Justisa, Tiago Amaral Sarmento orienta ona Diresaun Nasionál Terras e Propriedade no Servisu Kadastrus  (DGTPC-sigla portugués), hodi halo levantamentu ba iha terrenu 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂, 𝑷𝒂𝒏𝒕𝒂𝒊-𝑲𝒆𝒍𝒂𝒑𝒂, Dili  no  iha Juñu  semana ne’e, konklui hotu ona relatóriu levantamentu.

Ministru Justisa, Tiago Amaral Sarmento hala’o vizita ba Pertamina Internasional Timor Sa, ka koñesidu ho Pertamina Indonezia, iha 𝑷𝒓𝒂𝒊𝒂 𝒅𝒐𝒔 𝑪𝒐𝒒𝒖𝒆𝒊𝒓𝒐𝒔, 𝑫𝒊𝒍𝒊, Kuarta (15/06/2022). Foto/Média MJ.

Oras-ne’e Gabinete Ministru Justisa prepara ona 𝐤𝐨𝐧𝐭𝐫𝐚𝐭𝐮 𝐚𝐫𝐫𝐞𝐧𝐝𝐚𝐦𝐞𝐧𝐭𝐮 no lá kleur sei regulariza situasaun 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 nian.

Lee Mós: Ministru Justisa Vizita Pertamina Internasionál Antes Asina Kontratu Arrendamentu Terrenu

“Kontratu ne’ebé Ministériu Justisa  sei selebra ho 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 ne’e, sei inklui mós dívidas hosi tinan hirak ba kotuk, tanba Pertamina aseita no estatutu Pertamina ne’e rasik sai ona ka hamutuk ona ho empressariu Timor oan sira mak na’in mós ka liuhosi 𝑱𝒐𝒊𝒏𝒕 𝒗𝒆𝒏𝒕𝒖𝒓𝒆, ne’ebé saham barak hosi emprezariu Timor oan balun,” Hatutan.com sita komunikadu.

Advertisement
Monta Publisidade

Kona-bá folin 𝐚𝐫𝐫𝐞𝐧𝐝𝐚𝐦𝐞𝐧𝐭𝐮 ne’e sei boot, tanba hare ba atividade negósiu ne’e rasik boot no okupa Raí Estadu kuaze hektares tolu (3).

Nune’e, Ministru Justisa mós senti haksolok tanba 𝑷𝒆𝒓𝒕𝒂𝒎𝒊𝒏𝒂 prontu atu kumpri lei Timor-Leste no selu valor arrenda hamutuk ho dividas tinan hirak ba kotuk.

“Ministru Justisa ba vizita 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 atu haree situasaun jerál 𝑷𝒆𝒓𝒕𝒂𝒎𝒊𝒏𝒂, kona-bá atividade ne’ebé hala’o kleur ona iha área refere, nomós hosi parte Pertamina aseita atu asina kontratu ho kondisaun hirak ne’e, ne’ebé sei inklui mós iha 𝐊𝐨𝐧𝐭𝐫𝐚𝐭𝐮 𝐚𝐫𝐫𝐞𝐧𝐝𝐚𝐦𝐞𝐧𝐭𝐮 bazeia ba lei Timor-Leste,” Hatutan.com sita deklarasaun  Ministru Justisa iha komunikadu.

Iha inísiu fulan Maiu tinan ne’e, Ministru Justisa konvida beibeik 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 no jerente 𝑷𝒆𝒓𝒕𝒂𝒎𝒊𝒏𝒂 mós mai beibeik diskute ho Ministru Justisa oinsa atu kumpri lei RDTL no parte 𝑷𝒆𝒓𝒕𝒂𝒎𝒊𝒏𝒂 iha vontade ne’ebé diak no ida ne’e hatudu sinal diak atu selebra kontratu ho Sira (Pertamina Innternasional Timor Sa).

Iha vizita Ministru Justisa nian, 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 relata katak, “durante ne’e Pertamina selu taxa ka impostu ba Estadu kona-bá atividade negósiu nian kada tinan kuaze 1 to’o 2 millaun dolar Amerikanu ba kofre Estadu, so ‘Rai Ten’ de’it mak sira seidauk selu, nune’e bainhira Pertamina selu tan ‘Rai Ten’ nian ne’e sei hatama reseita Barak”.

Advertisement
Monta Publisidade

Ministru Justisa mós iha ona hánoin no informa ba 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 katak ” iha oin mai bainhira rezolve tiha kestaun selu ‘Rai ten’ no dívidas sira, sei husu 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 atu buka mós fatin fora hosi kapital Díli, tamba atividade negósiu boot, atu nune’e bele hala’o atividade ho di’ak liu tan iha oin mai, ne’e liga ho fatin ne’ebé soin ou merese  duni atu hala’o atividade negosiu ne’e.

Hanoin ida ne’e sei hato’o mós ba kompania bo-boot sira ne’ebé hala’o atividade iha kapital Díli nia laran, tamba em termus seguransa no seluk tan, diak liu kompania boot sira, ita buka fatin dok oituan husi komunidade barak nia leet no liuliu kapital, tamba iha razaun oin-oin no 𝑷𝒆𝒓𝒕𝒂𝒎𝒊𝒏𝒂 𝑰𝒏𝒕𝒆𝒓𝒏𝒂𝒔𝒊𝒐𝒏𝒂́𝒍 𝑻𝒊𝒎𝒐𝒓 𝑺𝒂 mós aseita ho hanoin ida ne’e.

Lee Mós: Pertamina Hetan Tratamentu Espesiál, Ramos-Horta Sei Haruka Nota Bá Governu “Hasai” Husi Pantai Kelapa

Jornalista: Carmelita Isaac

Advertisement
Monta Publisidade
Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Investigasaun Bá Kazu José Bernardo Sei Konklui Iha Marsu Nia Rohan

Published

on

Hatutan.com, (27 Marsu 2023), Díli—Investigasaun ba Kazu sidadaun ne’ebé mate iha sela Polísia Nasionál Timor Leste (PNTL) Caicoli, ho naran José Bernardo sei finaliza iha fulan Marsu nia rohan.

(more…)

Kontinua Le'e

Justisa & Krime

Evidénsia La Forte, Ministériu Públiku Arkiva Parsiál Kazu Amu Abito

Published

on

Hatutan.com, (27 Marsu 2023), Díli—Ministériu Públiku (MP) liu husi Prokuradór titulár ne’ebé halo investigasaun ba kazu Amu Abito Brites nia mate deside arkiva parsiál tanba konsidera vítima mate ho asidente.

(more…)

Kontinua Le'e

Justisa & Krime

Kazu Set-top Box RTTL,E.P, Ministériu Públiku Sei Prosesa Tuir Regra Prosesuál

Published

on

Hatutan.com, (27 Marsu 2023), Díli-Ministériu Públiku (MP) hanesan na’in bá asaun penál iha ona koñesimentu  kona-bá kazu projetu instalasaun Set-top Box Rádiu Televizaun Timor-Leste, Empreza Públiku (RTTL,E.P). Nune’e, Ministériu Públiku sei atua ka prosesa kazu ne’e tuir regra prosesuál.  

(more…)

Kontinua Le'e

Trending