Connect with us
Pakote Ahi

Dili

Deskonfia, Ema Sunu Ofisina Patrimóniu Estadu

Published

on

Hatutan.com, (10 Agostu 2022), Díli— Ofisina Patrióniu Estadu ne’ebé pertense ba Ministériu Finansas (MF) iha aldeia 12 de Outubru, Suku Comoro, Postu Administrativu Dom Aleixo, Díli, ahi-hán motuk, tanba deskonfia sunu hosi ema balun.

Sasan aat sira ne’ebé ahi han iha ofisina Patrimóniu Estadu iha iha aldeia 12 de Outubru, Suku Comoro, Postu Administrativu Dom Aleixo, Díli, Kuarta (10/08/2022). Foto/Hatutan.com.

Ofisina ida-ne’e, durante ne’e ministériu finansas liuhosi Diresaun Jerál Jestaun Patrimóniu Estadu (DJJPE), utiliza hodi rai patrimóniu Estadu nian ne’ebé mak kondisaun aat ona, hanesan karreta sira, komputadór, mákina impríme sira, meza, kadeira no seluk tán.

Pesoál Seguransa ida hosi kompañia “Pax Security Protection, Manuel da Silva, ne’ebé durante ne’e asegura hela patrimóniu sira ne’e, haktuir katak kronolojia akontesimentu insendiu ne’e iha Tersa, (09/08/2022), haleu tuku 23:30, bainhira sira mós hala’o hela seguransa iha arredór kampaun nian.

Infelizmente, insendiu ne’e mosu sira rasik mós la hatene, ahi lakan hosi parte edifisiu sorin loos, tanba ahi lakan ka han dala-ida de’it hosi pozisaun kampaun nia klaran, hodi han to’o parte rohan sira.  

Advertisement

“Ita atu dehan sirkuitu, iha ne’e ahi la tama, listrik laiha. Ne’ebé, atu deskonfia dehan ema sunu, mais ita la haree, entaun ita la hatene sé mak sunu loos. Ahi tun mai mós ki’ik, laiha. Ahi lakan ne’e hanesan dala-ida mak rebenta ne’e. Entaun, ami atu salva sasán mós labele. Ahi han ne’e mós ita la identifika ema ruma,” Manuel da Silva, informa ba jornalista sira iha kampaun MF nian iha Aldeia 12 de Outubru, Kuarta (10/08/2022).

Ho akontesementu ne’e, Seguransa hosi “Pax Security Protection”, na’in-rua, Manuel da Silva ho Nelson Magalhães, informa kedan liuhosi telemóvel ba Bombeirus Comoro, inklui Polisia Nasionál Timor-Leste (PNTL) tun direta iha lokál insendiu hodi halo atuasaun.

Enkuantu, sasán ka material sira ne’ebé hetan estragus durante insendiu ne’e mak hanesan, roda karreta nian aat, komputadór ho mákina impríme aat, AC aat, kama aat, armáriu aat, inklui meza sira. Maibé, la rezulta kareta ruma mak hetan estragus.

Durante ne’e, Kompañia Pax Secuty Protection oferese ninia pesoál sira hamutuk nain 10 mak sempre fó seguransa troka malu iha kampaun DJJEP nian.

Iha fatin hanesan, Diretór Diresaun Jerál Jestaun Patrimóniu Estadu (DJJPE), Januário da Gama dehan, kestaun kona-bá insendiu ne’e prosesu la’o ketak ida.

Advertisement

Kompañia kontaktu ona polisia sira hodi halo ninia prosesuál, sira komesa rekolla dadus, informasaun saida sira hotu.

Kona-bá kondisaun sasán sira ne’ebé mak estasiona iha kampaun ida ne’e, antigamente MF tau karreta Estadu lubun ida ne’ebé liu ona prazu utilizasaun nian no bainhira atu halo leilaun mós, ema laiha ona interese.

Haree ba kondisaun sira karreta ne’e nian, MF liuhosi DJJPE halo ona prosesu negosiasaun direta ba iha modalidade sokata ninian, hodi hamoos ona fatin ka kampaun ida ne’e. Tanba kampaun ida ne’e hanesan governu no estadu nian, maka MF kontinua halo kontratasaun ho kompañia Pax Security Protection, hodi tau matan ba iha kampaun ida ne’e.

Bainhira DJJPE haree katak, valór hosi sasán sira ne’e, liu-liu ba komputadór, roda, valór zero, tanba hosi prosesu leilaun ne’ebé mak halo, ema la interese ona, no sasán ho kondisaun balu ne’ebé maka bele haree, kondisaun la favorável ona, hein de’it ona atu soe.

Entaun bainhira soe ne’e, konsidera hanesan sasán lixu nian ona. Maibé, informasaun detallu kona-bá sasán saida de’it mak estragus durante insendiu ne’e, ekipa sei halo rekapitulasaun ida, no depois DJJPE sei relata, komputadór hira mak hetan impaktu, inklui sasán sira seluk ne’ebé rekolla hosi ministériu sira seluk mai.

Advertisement

“Depois ami sei fó informasaun ba ita boot sira. Mais naturalmente, ita hakarak informa katak, laiha sasán ne’ebé ho kondisaun di’ak ita tau iha kampaun ida ne’e, inklui mós ita boot sira haree, kareta sira ne’ebé mak para iha ne’e, kareta sira ne’ebé nia kondisaun sokata ona, ne’ebé mak ita tau iha ne’e, depois kuandu ninia númeru ne’e barak oitoan, ita sei halo prosesu ida, para ita sumbete para prosesu ida tetu sokata ne’e, entaun, nia prosesu sei mai,” Junuário da Gama, hateten.

Kona-bá prosesu sira ba investigasaun kriminál nia, DJJPE entrega de’it ba parte PNTL sira mak responsábiliza hodi halo investigasaun klean.

Iha sorin seluk, Prezidente Autoridade Protesaun Sívil (APC-Sigla Português), Ismael da Costa Babo, dehan, insendiu boot ida ne’e afeta tebes ba armajen Estadu ninian.

Maibé, felizmente laiha impaktu ba vitima umanu. Maibé, ho akontesementu ida ne’e, sai mós boot ida ba sidadaun hotu, no fó mós impaktu ba iha Orsamentu Jerál Estadu nian.

“Ho nune’e maka, akontesementu horkalan ne’e, ita nia ekipa hosi autoridafe protesaun sívil, liu-liu diresaun nasionál bombeirus, responde imediatu no apoiu mós hosi ita nia populasaun sira, ita konsege kombate no hamate ahi. Ho nune’e maka situasaun kontroladu iha terrenu,” Isamel Babo hateten.

Advertisement

La to’o iha ne’e, parte Autoridade Protesaun Sívil sei haree oinsá mak bele nomeia ekipa ida hodi halo investigasaun, atu bele identifika nia kauza ka afeta hosi ne’ebé mak to’o insendiu ne’e mosu.

Jornalista: Rogério Pereira Cárceresa

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

PN husu Governu Kriá Kondisaun bá Vendedór Roupa Obralan Ai-mutin

Published

on

Hatutan.com, (22 Fevereiru 2024), Díli– Reprezentante povu iha Parlamentu Nasionál liuhosi Bankada n FRETILIN husu Governu kriá uluk kondizaun molok muda  vendedór obralan Ai-mutin.

(more…)

Kontinua Le'e

Dili

Governu Sei Sobu Loja no Konstrusaun sira Ne’ebé Okupa Espasu Públiku

Published

on

Hatutan.com, (19 Fevereiru 2024), Díli- Governu liuhosi Sekretária Estadu Toponímia no Organizasaun Urbana (SEATOU) hamutuk ho ekipa konjuntu Ministériu Obras Públikas (MOP), Sekretáriu Estadu Protesaun Sivíl (SEPS), Sekretáriu Estadu Teras (SET), Autoridade Munisípiu Dili, no Polísia Nasionál Timor-Leste (PNTL) sei sobu obrigatóriu loja sira ne’ebé taka valeta no konstrusaun seluk ne’ebé okupa espasu públiku iha Dili.

(more…)

Kontinua Le'e

Dili

Ramos-Horta Ucapkan Selamat dan Undang Prabowo Kunjungi Timor Leste

Published

on

Hatutan.com, (19 Februari 2024), Dili—Presiden Timor Leste, José Ramos-Horta mengucapkan selamat atas terpilihnya Prabowo Subianto sebagi Presiden Republik Indonesia untuk masa jabatan 2024-2029.

(more…)

Kontinua Le'e
Advertisement

Trending