Connect with us
Pakote Ahi

Manatuto

Kondekorasaun bá Veteranu no Estranjeiru Iha Manatuto, Governadór NTT Konsidera Hanesan Prémiu

Published

on

Hatutan.com, (28 Novembru 2022), Manatuto—Xefe Estadu José Ramos-Horta, kondekora Veteranu na’in-22 inklui sidadaun estranjeiru na’in-haat ho medalla órden Timor-Leste (TL) nian iha ámbitu serimónia komemorasaun loron proklamasaun unilaterál 28 Novembru, Governadór Nusa Tenggara Timur (NTT) orgullu no agradese ba Estadu Timorense tanba konsidera hanesan prémiu.

Xefe Estadu José Ramos-Horta, kondekora Veteranu na’in 22 inklui sidadaun estranjeiru na’in-haat ho medalla órden Timor-Leste (TL) nian iha ámbitu serimónia komemorasaun loron proklamasaun unilaterál 28 Novembru, iha Aiteas Manatuto.

Iha artigu 11 Konstituisaun RDTL rekoñese no apresia povu Maubere nia rezisténsia iha mundu tomak, hasoru dominasaun estranjeira no kontribuisaun hosi ema hotu ne’ebé luta bá independénsia nasionál.

Lee Mós: Governu Agradese bá Partisipasaun Manatuto Oan Iha Feira Nasionál

Lei númeru 3/2006, loron 12, fulan-abril ko’alia kona-bá Esatutu bá ema Kombatente nian iha luta Libertasaun Nasionál, ne’ebé mak altera ho lei númeru 09/2009, loron 29, fulan-jullu no lei númeru 2/2011, loron 23 fulan-marsu, afirma fila-fali kompromísu Estadu TL nian atu rekoñese no valoriza esforsu sira ne’ebé halo ona hosi kombatente sira bá luta libertasaun nasionál, no fó onra bá Martir sira durante luta bá Independénsia Nasionál.

Advertisement

Tanba ne’e, kondekorasaun ida ne’e, nu’udár direitu ida ne’ebé pertense bá Kombatente sira bá libertasaun nasionál nian, ne’ebé mak prevee ona iha lei ida ne’e.

Serimónia kondekorasaun sira hahú no kontinua hala’o pur faze. Imposibilidade atu fó kondekorasaun bá Kombatente hotu-hotu iha tempu hanesan, maibé presiza determina faze sira iha prosesu ida-ne’e.

Kombatente hotuhotu, tuir termus ne’ebé prevee iha lei, sei hetan rekoñesimentu no valór hosi Estadu Timor-Leste, tanba kolaborasaun ne’ebé dedikadu no onrável, ne’ebé kombatente sira fó ona bá luta independénsia nasionál.

Xefe Estadu José Ramos-Horta, kondekora Veteranu na’in 22 inklui sidadaun estranjeiru na’in-haat ho medalla órden Timor-Leste (TL) nian iha ámbitu serimónia komemorasaun loron proklamasaun unilaterál 28 Novembru, iha Aiteas Manatuto.

Haktuir mós bá artigu 85, Alinea (j), Konstituisaun RDTL, konjuga ho artigu 32, iha Estatutu Kombatente Libertasaun Nasionál nian ne’ebé aprova ona iha lei nia laran, iha versaun daruak ne’ebé hatuur iha alterasaun, Prezidente Repúblika, tuir proposta hosi Konsellu sira Kombatente Libertasaun Nasionál nian.

Sidadaun Nasionál ne’ebé simu Kondekorasaun bá ordém Timor-Leste nian hamutuk na’in-22 ne’e, hetan asinadu hosi Prezidente Repúblika, José Ramos-Horta, iha Palásiu Prezidensial, Ai-tarak Laran, Dili, Kinta (24/11/2022).

  1. António Soares ho kódigu (Tata mailau), kargu ka postu Segundu Komandante Rejiaun, ho Grau Kolár.
  2. Alexandre dos Santos (saudozu), kódigu (Makikit Lemorai), kargu Asistente Politiku Rejiaun, ho grau Medalla.
  3. Domingos Pinto Gabriel, kódigu (Berliku Lian Timor), kargu Asistente Politiku Rejiaun Nakroman, Grau Medalla.
  4. Celina Jerónimo, kódigu (Bi-Besi), kargu Asistente Politiku Rejiaun Nakroman, ho Grau Medalla.
  5. Luisa Ximenes, kódigu (Cassa), kargu Vise Responsável Ajitasaun Propaganda, Grau Medalla.
  6. José Vidigal, kódigu (Jaca China Mau), kargu Komandante Pelutaun, ho grau Medalla.
  7. Manuel Soares, kódigu (Funu Lakan), kargu Komandante Pelutaun, ho grau Medalla.
  8. Manuel de Jesus, kódigu (Funu Sia), kargu Komandante Pelutaun, ho grau Medalla.
  9. Domingos Augosto, kódigu (Deker), kargu Komandante Unidade, ho grau Medalla.
  10. Pedro Braga, kódigu (Piter), kargu Komandante Destakamentu, ho grau Medalla.
  11. Alberto Loi-Olok dos Reis (Saudozu), kódigu (Hadulas), kargu Soldadu, grau Medalla.
  12. Carlos Soares, kódigu (Lalika), pozisaun Soldadu, ho grau Medalla.
  13. António Amaral Soares, kódigu (Ordalin), kargu Soldadu, grau kondekorasaun Medalla.
  14. Albino da Costa, kódigu (Kmanek), postu Soldadu, grau kondekorasaun Medalla.
  15. Pedro de Brito Bere-deu, kódigu (Tane-Liman Lanu), grau kondekorasaun Medalla.
  16. António de Jesus, kódigu (Terus Tahan), grau kondekorasaun Medalla.
  17. Armando Marçal Gomes, kódigu (Loriku Rai-Na’in), postu Soldadu, grau kondekorasaun Medalla.
  18. Jacob Fernandes, kódigu (Seu), postu Soldadu, grau Medalla.
  19. Domingos Borges Soares, kódigu (Halibur), postu Soldadu, grau Medalla.
  20. Floriano Soares Borges, kódigu (Hakat Sai), postu Soldadu, grau Medalla.
  21. Maria Madeira Jong, kódigu (Ferik), pozisaun Membru OPMT, grau Medalla.
  22. Petronila de Brito, kódigu (Bui Tane Lamu), pozisaun Membru OPMT, grau Medalla.

Prezidente Repúblika, Ramos-Horta haree mós bá alinea (j) hosi artigu 85 Konstituisaun RDTL, konjuga ho lei númeru 5 hosi artigu 2 Dekretu-Lei númeru 15/2009 loron 18 fulan-marsu, dekreta mós kondekorasaun bá sidadaun estranjeiru na’in-haat (4) ho grau Medalla Méritu nian, mak hanesan;

  1. Martyn John Dunne
  2. Noel Bay Ley
  3. Gusti I Made Agung Sudjana
  4. Viktor Bungtilu Laiskodat

Laiskodat Konsidera Hanesan Prémiu

Governadór Provínsia Nusa Tenggara Timur (NTT), Viktor Buntilu Laiskodat sente kontente tanba bele hetan kondekorasaun ho grau Medalla Méritu hosi Estadu Timor-Leste.

Advertisement

Xefe Estadu José Ramos-Horta, kondekora entrega sertifikau na’in ba rai ba komunidade no kondekora Governadór NTT, Viktor Buntilu Laiskodat medalla órden Timor-Leste (TL) nian iha ámbitu serimónia komemorasaun loron proklamasaun unilaterál 28 Novembru, iha Aiteas Manatuto.

“Bá da-uluk ha’u kontente tebtebes tanba bele simu medalla hosi Estadu Timor-Leste. Prémiu boot ida ne’ebé Xefe Estadu rasik maka oferese mai Ha’u,” Laiskodat hatete hafoin serimónia hasa’e Bandeira RDTL bá komemorasaun loron Proklamasaun Independénsia, iha área Kampung Baru, Suku Ai-teas, Manatuto Vila, Segunda (28/11/2022).

Hanesan governadór bá NTT nia parte orgullu tanba illa ida ne’e bele iha nasaun ida ne’ebé besik mós provínsia nomós estadu Indonézia. Tuir nia, ida ne’e, seidauk hakerek iha istória mapa mundiál nian.

“Illa ki’ik ida hanesan ne’e fahe ba nasaun rua. Ida-ne’e foin primeiravéz no modelu ida-ne’e mós diferente tebes. Espera relasaun di’ak ne’e sei halo Timor-Leste no Timor Osidentál bele dezenvolve di’ak liután. Tanba parte rua sei apoia malu iha programa zona lívre komérsiu nian iha tempu tuir mai,” Laiskodat afirma.

Programa zona lívre komérsiu sei fó fatin ba Timor-Leste no Timor Osidentál no ohin loron Indonézia hanesan ekonomia ida ne’ebé forte liu iha mundu no ida ne’e sei sai nu’udár mudansa boot ida bá dezenvolvimentu Timor-Leste no Timor Osidentál.

“Espera programa ida ne’e bele sai nu’udár susesu ida eztraordináriu no dala-ida tán ha’u hato’o parabéns espesiál bá povu Timor ne’ebé ohin selebra loron Independénsia bá dala-47,” Governadór NTT ne’e hateten tán.

Kondekorasaun hirak ne’e atribui direta hosi Prezidente Repúblika (PR), José Ramos-Horta, Prezidente Parlamentu Nasionál (PPN), Aniceto Guterres, ho Prezidente Tribunál Rekursu (PTR), Deolindo dos Santos, iha seremónia komemorasaun Aniversáriu Proklamasaun Independénsia Unilateral RDTL, dala-47, iha Suku Aiteas, Postu Administrativu Manatuto Villa, Munisipiu Manatuto.

Advertisement

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Manatuto

Komunidade Natarbora Prontu Oferese Rai Harii Sentru Dezenvolvimentu Integradu bá Petróleu

Published

on

Hatutan.com, (13 Favereiru 2024), Manatuto-Komunidade sira iha Suku Aubeon, Postu Administrativu Barique/Natarbora, Munisípiu Manatuto, prontu oferese sira-nia rai bá Governu liuhosi Ministériu Petróleu no Rekursus Minerais (MPRM) atu harii sentru dezenvolvimentu integradu bá petrólu nian.

(more…)

Kontinua Le'e

Manatuto

Governu Sei Harii Uma Dignu 50 bá Komunidade Aubeon ho Orsamentu kada Uma $40,000.00

Published

on

Hatutan, (12 Fevereiru 2024), Manatuto – Vise-Primeiru Ministru no Ministru Koordenadór Asuntu Sosiál ho Ministru Dezenvolvimentu Rural no Abitasaun Komunitáriu, Mariano Assanami Sabino, kompromete harii uma dignu unidade 50 bá komunidade Suku Aubeon, Postu Administrativu Barieque, Munisípiu Manatuto.

(more…)

Kontinua Le'e

Manatuto

Filomeno Cárceres Manán Maioria Absoluta Iha Suku Lakumesak

Published

on

Hatutan.com, (29 Outubru 2023), Lacló—Kandidatu númeru sorteiu 03, iha eleisaun órgaun suku tinan ne’e nian, Filomeno Rodriguês Pereira Cárceres, manán ho votu maioria absoluta iha Suku Lakumesak, Postu Administrativu Lacló, Munisipiu Manatuto.

(more…)

Kontinua Le'e
Advertisement

Trending