Hatutan.com, (02 Fevereiru 2023), Díli—Índise Presepsaun Korrupsaun tinan 2022, Timor-Leste (TL) okupa pozisaun 77 hosi nasaun hamutuk 180 iha mundu.

Rezultadu índise presepsaun Korrupsaun ba tinan 2022 ne’e públika hosi Transparansia Internasional (TI) iha loron 31 fulan Janeiru 2023.

Lee Mós: Kazu Projetu Instalasaun Set-top Box RTTL,E.P, Ministru MAPKOMS Konstitui Bá Arguido

Hospi pozisaun ne’e hatudu katak, Timor-Leste nia luta sira ba prevene no kombate korrupsaun iha hetan pontuasaun ka score 42, rezultadu mai hosi traballu liu nasaun 100, sira halo servisu no akompañamentu poténsia rísku korrupsaun mundiál ka globál nian.

Rezultadu publikasaun tinan 2022 hatudu progresu positivas iha pozisaun no pontuasaun última tinan haat (4) nian hahú hosi tinan 2019 to’o 2022. 

Iha tinan 2021, Timor-Leste nia Indise Presepsaun Korrupsaun hatuur-an iha  pozisaun 82 no pontuasaun ka score 41.

Iha tinan 2020, Indise Presepsaun Korrupsaun hatuur-an iha pozisaun ualunulu resin neen (86) no pontuasaun ka score haat nulu (40)  no iha Tinan 2019 Timor-Leste korrupsaun iha pozisaun sianulu resin tolu (93) no pontuasaun ka score  tolu nulu resin ualu (38).

Indise Presepsaun Korrupsaun ida-ne’e hatudu mós progressu positivas no signifikativu, iha ne’ebé indika Timor-Leste iha nia medida sira ba prevene no kombate korrupsaun di’ak liu iha país iha Azia no país CPLP.

Pozisaun no pontuasaun iha Associação de Nações do Sudeste Asiático (ASEAN), Timor-Leste okupa Iha pozisaun terseiru (3) mellor hosi países sanulu resin ida (11), no iha países Comunidade dos Países de Língua Portuguesa (CPLP), Timor-Leste okupa iha posisaun quarto melhor (4) husi países sia (9). (Bele konfirma iha 2022 Corruption Perceptions Index: Explore the… – Transparency.org) 

“Biar nune’e, progessu sira ne’ebé sai dadaun ne’e la’ós hatudu ona katak, Timor-Leste nia esforsu luta kontra korrupsaun di’ak ona, maibé presiza hametin koezaun kolektiva iha sosiedade ba luta kontra korupsaun, ezize mudansas kultura, komportamentu sidadaun sira nian iha setór públiku no privadu ka sosiedade ein jerál atu partisipa no komporta ba luta kontra korrupsaun,” Hatutan.com sita publikasaun  ofisiál hosi CAC TL.

Presiza esforsu koletivu no iha vontade di’ak hodi hadi’a no hametin Sistema, nune’e hatuur prestasaun servisu sira mais  efisiente, efikáz no  justu hodi lori moris di’ak, sustentável no prósperu ba Povu no Nasaun Timor-Leste.

Comissão Anti-Corrupção (CAC) hakarak agradese ba entidade hotu-hotu, tantu públiku no privada sira, sosiedade sivíl, akademista, média no sidadaun hotu-hotu ne’ebé durante ne’e hatudu sira nia espíritu aas kontribui ba asaun sira luta kontra korrupsaun iha Timor-Leste.

Jornalista: Rogério Pereira Cárceres