Connect with us
Pakote Ahi

Internasionál

Prezidente Repúblika Apoia JKRAYA OIL ENERGY LDA Investe Iha Área Petróleu-Minerais

Published

on

Hatutan.com, (15 Fevereiru 2023), Díli—Emprezáriu Timoroan Raul Lemos hamutuk ho Emprezáriu internasionál hosi nasaun Korea Súl no Indonézia harii empreza ida ho naran JKRAYA OIL ENERGY LDA ho objetivu halo investimentu iha área petróleu no minerais liuliu iha área refinaria iha Timor-Leste (TL).

Emprezáriu Timoroan Raul Lemos hamutuk ho Emprezáriu internasionál hosi nasaun Korea Súl no Indonézia ne’ebé harii empreza ida ho naran JKRAYA OIL ENERGY LDA atu halo investimentu iha área petróleu no minerais liuliu iha área refinaria iha Timor-Leste (TL), hasoru-malu ho Prezidente Repúblika, José Ramos-Horta iha Palásiu Prezidensiál Nicolau Lobato, Bairru-Pité, Kuarta (15/02/2023).

Emprezáriu hirak ne’e, hasoru-malu ona ho Prezidente Repúblika (PR), José Ramos-Horta hodi hato’o inisiativa atu hahú investimentu ne’e no hetan apoiu másimu hosi Xefe Estadu.

Lee Mós: Forum Emprezariál TL Atrai Emprezáriu 100-resin Hosi Singapura no Europa

“Prezidente Repúblika apoia teb-tebes investór sé de’it hosi nasaun ne’ebé de’it mak mai atu investe iha Timor-Leste, hodi kria kampu traballu bá Timoroan sira no dezenvolve ekonomia TL. Prezidente Repúblika simu ho laran haksolok, fó mós mensajen katak, Timor Leste nakloke bá ema hotu-hotu ne’ebé iha interese atu mai investe iha área importante sira,” Emprezáriu Timoroan, Raul Lemos hateten iha Palásiu Prezidensiál Nicolau Lobato, Bairru-Pité, hafoin ho ekipa audiénsia ho Xefe Estadu, Kuarta (15/02/2023).

Advertisement

Iha sorumutu ne’e ko’alia liu ho Xefe Estadu kona-bá investimentu iha área refinaria, tanba maski iha Timor-Leste seidauk iha, maibé iha poténsia mina iha rai-maran no mós tasi laran no balun agora komesa esplora ona.

Tanba ida-ne’e mak empreza JKRAYA OIL ENERGY LDA hamriik ho hanoin ida atu halo investimentu iha área ne’e, la’ós bo’ot maibé komesa ho refinaria kiik, depois bele haree nia poténsia ba oin.

“Neste momentu Timor-Leste nia crook oil seidauk iha, bainhira ami komesa, entaun ami sei importa hosi nasaun seluk. Ida-ne’e mak intensaun ne’ebé ami hato’o ba Xefe Estadu,” Raul Lemos hateten.

Emprezáriu Timoroan Raul Lemos hamutuk ho Emprezáriu internasionál hosi nasaun Korea Súl no Indonézia ne’ebé harii empreza ida ho naran JKRAYA OIL ENERGY LDA atu halo investimentu iha área petróleu no minerais liuliu iha área refinaria iha Timor-Leste (TL), hasoru-malu ho Prezidente Repúblika, José Ramos-Horta iha Palásiu Prezidensiál Nicolau Lobato, Bairru-Pité, Kuarta (15/02/2023).

Empreza JKRAYA OIL ENERGY LDA ninia intensaun atu investe ba área refinaria komesa hosi 3.000 to’o 4.000 barel kada loron, tanba haree mós ba merkadu lokál ne’ebé sei kiik tebes, nune’e tuir planu hakarak komesa hosi investimentu bá 3.000 to’o 4.000 barel kada loron ho totál investimentu maizumenus millaun $50 to’o millaun $60.

Emprezáriu hirak ne’e mós hasoru-malu ona ho Autoridade Nasionál Petróleu no Minerasi (ANPM) hodi husu informasaun kona-bá regulamentu sira nune’e bele hahú prosesu legál sira.

Alende ne’e, hasoru-malu ho Ministru Petróleu no Minerais hodi haree kona-bá prosedimentu sira no konsege halo ona survei bá rai lubuk ida iha Metinar ho Liquiça no iha rekezitu barak mak tenki prienxe.

Advertisement

Emprezáriu Jang hosi Korea Súl hanesan ema ida ne’ebé iha ona esperiénsia no nia iha refinaria rasik, iha Korea Súl no Vietname, iha mós investidór balun hosi Indonézia hakarak atu hahú investimentu iha Timor-Leste.

Iha tinan lima liu bá, investór sira ne’e tenta ona atu harii investimentu ne’e iha Indonézia, maibé ho kestaun birokrasia nune’e la konsege.

Tanba ne’e, ho oportunidade iha Timor Leste ne’ebé nakloke liuliu bele kria kampu traballu ba Timoroan sira hodi kontribui ba dezenvolvimentu rai ida-ne’e nian.

Emprezáriu hirak-ne’e mós hasoru-malu ona ho parte Timor Gap no ko’alia iha posibilidade atu serbisu hamutuk ho empreza ne’e iha futuru. 

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Governu TL-Nova Zelándia Diskute Dezenvolvimentu Seitór Turizmu ho Kapasitasaun Rekursu Umanu

Published

on

Hatutan.com, (24 Marsu 2024), Díli—Governu Timor-Leste (TL) ho Nova Zelándia hala’o diskusaun kona-bá dezenvolvimentu seitór turizmu Timor-Leste nian no oinsá bele fó kapasitasaun rekursu umanu bá Timoroan sira iha futuru.

(more…)

Kontinua Le'e

Internasionál

Ramos-Horta Partilla ho EUA Kona-bá Konflitu iha Myanmar

Published

on

Hatutan.com, (11 Marsu 2024), DíliPrezidente Repúblika (PR), José Ramos-Horta partilla ho Vise-Sekretária Estadu Adjuntu Assuntu Aziátiku no Pasifiku Leste Departementu Estadus Unidus Amérika (EUA), Melissa Bron, kona-bá assuntu internasionál no rejionál liga bá konflitu iha Myanmar.

(more…)

Kontinua Le'e

Internasionál

Ministériu Negósiu Estranjeiru Ukránia Lansa Sítiu Wartime Diplomacy

Published

on

Hatutan.com, (07 Marsu 2024), Díli- Ministériu Negósiu Estranjeiru Ukránia lansa ona sítiu ka website ida kona-ba “Wartime Diplomacy” nian ne’ebé dokumenta diplomátika ukun-na’in nian durante períodu agresaun ho eskala tomak husi Rúsia.

(more…)

Kontinua Le'e
Advertisement

Trending