Connect with us
Pakote Ahi

Desportu

Assalam FC Rekolla Pontu Tolu Dahuluk Iha Liga Timorense époka 2022-2023

Published

on

Hatutan.com, (21 Fevereiru 2023), DíliKlubu Primeira divizaun Assalam FC, rekolla vitória hodi halibur pontu tolu dahuluk iha liga Timorense époka 2022-2023, hafoin halakon Emanuel FC ho skore mihis 1-0.

Klubu Primeira divizaun Assalam FC, rekolla vitória hodi halibur pontu tolu dahuluk iha liga Timorense époka 2022-2023, hafoin halakon Emanuel FC ho skore mihis 1-0. Foto/LFTL

Assalam FC ho Emanuel FC hahú jogu primeira jornada ba liga Timorense époka 2022-2023 ho minutu ida Silêncio atu fó omenajen ba jogadór Selesaun nasionál Fyfy Sávio, ne’ebé hanesan mós eis avansadu klubu Emanuel FC iha époka tinan kotuk, ne’ebé mate hafoin hetan asidente tráfegu ho motorizada iha tinan kotuk.

Tama ba jogu primeiru ekipa Assalam FC no Emanuel FC hahú jogu ho ritmu normál, hahú ho pasajen badak hosi ain ba ain, no bola la’o hosi liña ba liña tuir kombinasaun estratejia ne’ebé ekipa rua iha.

Ekipa rua hatudu kontra atake ba malu iha minutu sira dahuluk, maibé laiha ida mak Superiór liu hodi marka uluk golu.

Advertisement

Jogadór Emanuel FC Zinedine Lopes (6) hatudu nia kualidade hanesan médiu defensivu ne’ebé sempre hahú halo jogu hosi liña kotuk no halo penetrasaun ba iha iha oin liu hosi crossing sira maibé lina defeza Assalam FC ne’ebé disiplina la fo biban atu avansadu ekipa adversáriu halo jogu hodi hetan oportunidade ba hatama golu.

Assalam FC ne’ebé joga ho Jogadór estranjeiru na’in-haat mak hanesan baliza Nathaniel Agbozo (30), defeza sentral Adikah Godwun (13), avansadu Daniel Appiah (11) no Amira Hamzah (23), ne’e la hatudu ameasa sériu ba iha ekipa Emanuel FC ne’ebé maioria reforsa hosi Jogadór lokal.

Jogadór Assalam FC Daniel Appiah (11) obrigadu tenke simu kartaun kinor iha minutu 24 hafoin halo falta hasoru jogadór adversáriu.

Tama ba minutu 29, ekipa Assalam FC halo subtituisaun dahuluk hodi hasai Jogadór estranjeiru Amira Hamzah (23) ne’ebé joga iha avansadu hodi hatama Jogadór Elias Mesquita.

Ekipa rua nafatin halo jogu no kada ekipa halo esforsu atu hatama uluk golu hodi asegura vitória iha jogu ne’e maibé lakonsege too arbitu Eufrasio da Costa Silva huu apitu sinal primeira parte remata, ekipa rua mantein ho skore 0-0.

Advertisement

Tama ba segunda parte, ekipa rua nafatin halo esforsu no ekipa Emanuel FC hatudu liu nia superioridade hodi domina bola iha ne’ebé ekipa Emanuel FC konsege lansa atake lubuk ida ba ekipa adversáriu, maibé laiha golu ruma akontese tamba ekipa Assalam FC konsege asegura ho diak liliu disiplina ne’ebé defeza sira hatudu hodi asegura baliza hosi bola.

Assalam FC halo kontra atake liu hosi esforsu ne’ebé Jogadór avansadu Bonarudin Amin (17) no Elias Mesquita (10) maibé sempre falla tamba defeza ekipa adversáriu mos antesipa ho di’ak.

Tama ba minutu 59 Emanuel FC halo substituisaun ba Jogadór rua dala ida hodi hasai Jogadór Zinedine Lopes (6) no hatama Nilton de Carvalho (25) hodi joga iha lina médiu, no hasai mos João de Sousa (22) hodi hatama Mario Quintão (11).

Hafoin tama kampu, Jogadór Nilton de Carvalho (25) hetan kedas kartaun kinur hafoin halo falta hasoru jogadór Assalam FC Daniel Appiah (11) iha minutu 60.

Jogadór Assalam FC Husen Costa (27) hetan kartaun kinor iha minutu 66 hafoin halo falta seriu hasoru Jogadór avansadu Emanuel FC Mario Quintão (11).

Advertisement

Ekipa rua hasae intensidade jogu tuir orientasaun hosi kada treinadór maibé laiha ekipa ida mak produz uluk golu.

Tama ba minutu 68 ekipa Assalam FC halo mos subtituisaun ba Jogadór iha lina avansadu hodi hasai Lourenço Freita (19) no hatama Hasan Costa (7).

Ekipa rua kontinua halo kontra atake ba malu, ho ida ne’e ekipa Emanuel FC  kontinua halo substituisaun iha minutu 73 hodi hasai defeza sentral Juvito moniz (3) no hatama Bernadino de Sena (4) no kontinua hasai mos Amancio de Araújo (18) no hatama Zeferino Alves Nheu (12).

Aproveita substituisaun ne’e, ekipa Assalam FC lansa kedas atake ida liu hosi kombinasaun Jogadór sira iha meiu kampu ho avansadu, liu hosi bola Crossing ne’ebé iha Avansadu Assalam FC Hasan Costa (7) marka golu dahuluk ba Assalam FC iha minutu 73.

Ho golu ne’e halo ekipa Assalam FC  lidera no ekipa Emanuel FC kontinua halo esforsu liu hosi kontra atake maibé laiha rezultadu.

Advertisement

Tama ba minutu 74 Assalam FC kontinua halo subtituisaun iha lina avansadu hodi hasai Bonarudin Amin (17) no hatama Martinho Belo (33).

Iha minutu 79 Emanuel FC kontinua halo substituisaun hodi hasai defeza esquerda Afonso de Carvalho (2) hodi hatama mos avansadu Angelito Tilman ho intensaun atu hadia lina oin hodi halo impata ba jogu ne’e no buka posibilidade ba vitória.

Ho substituisaun ne’e hatudu dunik rezultadu diak maibé sei nafatin falla atu produz golu maske Emanuel FC domina bola no lansa atake barak ba ekipa adversáriu.

Hafoin tempu normál termina, arbitu rezerva fo tan sinal atu iha extra time 4 minutus, haree ba tempu ne’ebé iha Emanuel FC kontinua halo esforsu maibé seidauk hatudu rezulta no tama ba minutu 90+3 Jogadór Assalam FC Hasan Costa (7) hetan kartaun kinur no iha minutu 90+4 Assalam FC kontinua halo substituisaun ikus atu bele asegura vitoria hodi hasai kapitaun ekipa Jovanio Braz (8) no hatama tan defeza Emidio Braz (4).

To’o jogu termina ekipa Assalam FC kontinua lidera ho Skore 1-0, ho rezultadu ne’e ekipa Assalam FC konsege rekolla pontu tolu dahuluk no Emanuel FC obrigadu tenke fila ho liman mamuk.

Advertisement

Treinadór Assalam FC, Gaspar Amaral hateten antes jogu hahú fó hanoin ona ba Jogadór sira katak jogu primeiru jogu ida importante no tenke iha disiplina, servisu ekipa atu rekolla pontu tolu.

Nia rekoñese katak iha primeira parte ekipa Assalam FC ladun hatudu jogu maibé Jogadór sira nafatin iha vontade servisu makas iha kampu laran no segunda parte iha rezultadu liu hosi Jogadór suplente ne’ebé foin tama iha segunda parte no halo kedas golu ba ekipa.

“Ha’u rekonese katak ami ohin iha vontade no ânimu atu joga maibé falla iha kreasaun nune’e ami lakon bola no oportunidade iha maibé lakonsege golu no ikus mai ami konsege manan tamba Jogadór Hasan Costa aproveita bola ulun ne’ebé iha hodi hatama golu,” Gaspar Amaral hateten.

Treinadór ne’ebé hateten Vitória ne’e importante no sei treinu no hadia diak liutan iha jogu tuir mai.

Asistente treinadór Emanuel FC, Van Basten hateten Emanue FC iha jogu loraik ne’e hakarak mana, maibé lakonsege tamba dalaruma sorte mak seidauk iha.

Advertisement

Nia afirma maske nia ekipa domina bola maibé falla iha finalizasaun nune’e lakonsege halo impata ba jogu kontra Assalam FC.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Francisco Kalbuadi Lay ho Nilton Gusmão Kompete iha Kongresu Estraordináriu FFTL 2024

Published

on

Hatutan.com, (04 Dezembru 2023), Díli- Sekretáriu Jerál Federasaun Futebol Timor-Leste (FFTL), Gregório Correia, konfirma katak posibilidade boot antigu Prezidente FFTL, Francisco Kalbuadi Lay sei kompete ho nia kompañeiru Nilton Gusmão iha kongresu estraordináriu ne’ebé sei realiza iha fulan-Janeiru 2024.

(more…)

Kontinua Le'e

Desportu

FFTL Hahú Loke Rejistrasaun bá Kandidatu Prezidente Ezekutivu 2022-2026

Published

on

Hatutan.com, (13 Novembru 2023), Díli- Federasaun Futeból Timor-Leste (FFTL), hahú loke rejistrasaun bá kandidatu Prezidente Ezekutivu no Komité Ezekutivu (Exco) bá períodu 2022-2026.

(more…)

Kontinua Le'e

Desportu

Francisco Jerónimo Ofisiálmente Rezigna hosi Prezidente FFTL

Published

on

Hatutan.com, (10 Novembru 2023), Díli- Prezidente Federasaun Futeból Timor-Leste (FFTL), Francisco Martins da Costa Pereira Jerónimo,  ofisiálmente deklara nia rezignasaun iha kongresu Estraordináriu 2023 ho razaun hakarak kontribui bá futeból iha Timor-Leste  la’o bá oin.

(more…)

Kontinua Le'e

Trending