Connect with us

Justisa & Krime

Ministru Justisa, Amândio dé Sa Benevídes Husik-iis ho Idade 60 Tanba Atakasaun Fuan

Published

2 years ago

on

Hatutan.com, (20 Janeiru 2024), Díli— Ministru Justisa (MJ), Amândio dé Sa Benevídes husik-iis (mate) iha Hospitál Nasionál Guido Valadares (HNGV), Bidau, Díli, ho idade 60 hafoin sofre atakasaun fuan iha Sala VIP Aeroportu  Internasionál Prezidente Nicolau Lobato, Sábadu (20/01/2024).

Tuir informasaun ne’ebé Hatutan.com rekolla katak, iha dadeer Ministru bá simu Primeiru-Ministru (PM) Kay Rala Xanana Gusmão iha Aeroportu internasional Nicolao Lobato ne’ebé foin mak fila hosi Suiça, no Ministru hetan kedan atakasaun fuan, ekipa médiku konsege transporta ba HNGV maibé la konsege salva.

Lee Mós: Ministru Amândio Lakohi Promete Maibé Esforsu Lori tán Pasaporte 52.000 Mai TL

Advertisement

Amândio dé Sa Benevídes moris iha loron 16 Jullu 1964, iha Munisipiu Ainaro. Remata nia lisensiatura iha Direitu Konstitusionál iha Universidade Nusa Cendana Kupang, Kupang – Republika Indonezia, iha tinan 1990 fila fali ba Timor-Leste hodi servisu nu’udar advogadu privadu iha Dili, atividade profisionál ida-ne’ebé nia hala’o husi tinan 1991 to’o 1993.

Iha Dili Amandio nu’udar funsionáriu públiku hosi tinan 1993 to’o 1999. Durante períodu ida-ne’e, nia hala’o kursu oin-oin iha área administrasaun no jestaun publika.

Durante Administrasaun Tranzitoriu Nasoins Unidas nian (UNTAET), nia sai hanesan Prokuradór iha Ministeriu Publiku Timor-Leste nian dahuluk ida-ne’ebé iha pozisaun iha Administrador Sérgio Vieira dé Mello nia oin, iha Fevereiru 2000.

Nia hetan nomeasaun nu’udar Advogadu Jeral ba Krime Komún iha loron 16 fulan-outubru tinan 2001, hodi troka Longuinhos Monteiro, ne’ebé asume pozisaun nu’udar Prokurador Jeral.

Maski hetan nomeasaun durante períodu UNTAET, ho aprovasaun ba Dekretu-Lei no. 1/2002, iha rejime transferénsia sistema judisiáriu nian, nia nafatin iha pozisaun to’o 2005.

Advertisement

Iha tinan ne’ebé hanesan, nia remata ona kursu pos-graduasaun iha Estudu Anti-Korrupsaun iha Fatin Universidade iha Hong Kong, Republika Popular Xina. Entre tinan 2004 no 2005 nia kaer pozisaun nu’udar Komisariu Komisaun Nasional Eleisaun (CNE).

Iha loron 01 fulan jullu 2023 hetan konfiansa hosi Primeiru-Ministru Kay Rala Xanana Gusmão hodi asume mos responsabilidade hanesan Ministru Justisa (MJ).

Jornalista: Rogério Pereira Cárceres

Advertisement
Related Topics:
Continue Reading
Advertisement
Click to comment

Leave a Reply

Your email address will not be published. Required fields are marked *

Justisa & Krime

Tribunál Aplika Medida Haat Ba Arguidu Na’in-90 iha Kazu Scam Call Centre Ulmera ho Comoro

Published

16 hours ago

on

16/07/2026

By

Hatutan.com, (16 Jullu 2026), Díli– Tribunál Judisiál Primeira Instánsia Díli (TJPID), aplika medida haat ba arguidu na’in-90 ne’ebé envolve iha atividade ilísitu scam call centre no jogu online iha Kampu Baru, Comoro ho Ulmera, Liquiça.

(more…)

Continue Reading

Justisa & Krime

Ohin, Suspeitu Na’in-90 Kazu Scam Call Centre Ulmera no Comoro Submete Ba Interogasaun Dahuluk iha Tribunál

Published

1 day ago

on

16/07/2026

By

Hatutan.com, (16 Jullu 2026) Díli-Porta-vós Polísia Nasionál Timor-Leste (PNTL) Superintendente-Xefe Polísia, João Belo dos Reis, informa, Kinta ohin, (16/07/2026), sei submete suspeitu na’in-90  ba julgamentu interogasaun dahuluk iha Tribunál Judisiál Primeira Instánsia Díli (TJPID).

(more…)

Continue Reading

Justisa & Krime

Advogadu Kontesta Detensaun “Ilegál” PCIC Hasoru Xinés Na’in-tolu Ne’ebé Hela iha Eis-Minitru Rui Gomes Nia Rezidénsia

Published

2 days ago

on

15/07/2026

By

Hatutan.com, (15 Julu 2026), Díli – Advogadu privadu  José Pedro Camões, submete rekursu Habeas Corpus bá Tribunál Rekursu (TR)  hodi kontesta detensaun  ne’ebé nia parte konsidera “illegal” husi Polísia  Sientífiku Investigasaun Kriminál (PCIC- sigla-portugés) bá Xinés na’in-tolu (3) ne’ebé toba ka hela  iha rejidénsia  privadu eis-Ministru Finansa Rui Gomes nian  iha Fomento II, Díli.

(more…)

Continue Reading

Trending