Hatutan.com, (09 Janeiru 2026), Díli– Komisaun Funsaun Funsaun Públiku (CFP- sigla portugés) rekoñese laiha indikasaun asédiu seksuál ne’ebé deskonfia pratika husi direjénte iha  Institusaun TIC Timor, Institutu Públiku, hasoru nia sub-ordinadu, maibé iha tentative ba pratika asédiu seksuál.

Lee Mós: JU’S Lamenta Desizaun CFP Fó Deit Xamada Atensaun Ba Kazu Asédiu Seksuál iha TIC Timor

Komisáriu Portofóliu Disiplinar Komisaun Funsaun Públiku, Agapito da Conceição. Foto/Marcelino Tomae

Komisáriu Portofóliu  Disiplinar Komisaun Funsaun Públiku, Agapito da  Conceição   bá Hatutan.com  iha nia knaar fatin, Díli, Sesta (09/01/2026), informa katak desizaun CFP  hodi fó xamada atensaun direjénte iha TIC Timor, I.P  tanba la iha indikasuan asédiu seksuál no tanba dirijente ne’ebé deskonfia pratika ne’e la’ós  Funsionariu Públiku alias nomeasaun polítika.

“Tanba  ne’e maka ami apoiu bá Ministériu Transpornte no Komunikasaun atu halo  investigasaun bá ida-ne’e. Ami nia karta bá Ministru Transporte no Komunikasaun, Miguel Marques Gonçalves Manetelu, maka foti desizaun,  ami fó opsaun lubuk ida, bá iha ne’ebá,  Ministériu maka foti desizaun, tanba  direjénte ne’ebé deskonfia pratika asédiu seksuál ne’e la’ós funsionariu públiku, no rezultadu investigasaun husi ekipa konjunta  hatudu laiha indikasaun bá asédiu seksuál,”  Komisáriu Portofóliu Disiplinar CFP Agapito da  Conceição hateten.

Kona-bá  evidénsia sira hanesan, voice ho mensajen WatsApp ne’ebé vitíma aprezenta, CFP ho ekipa konjunta identifika katak laiha kontaktu  fíziku,  tanba bazeia bá investigasaun ne’e la’ós  ekipa husi Komisaun Funsaun Públika maka bá de’it, maibé servisu konjunta ho ekipa husi Ministériu Transporte no Komunikasaun liu-husi ekipa inspensaun nian maka halo investigasaun.

Nia dehan CFP la’ós foti desizaun de’it, maibé iha mós rekomendasaun bá Ministru Transporte no Komunikasaun, Miguel Marques Gonçalves Manetelu,   hodi haree no analizé didi’ak bá kazu ne’e.

Nia afirma sé direjénte TIC Timor I.P ne’e funsionariu públiku, desizaun oin seluk, maibé direjénte ne’e kargu nomeasaun polítiku nian.

“Ami foti desizaun ne’e, ami rekomenda de’it bá Ministru Transporte no Komunikasaun  Miguel Marques Manetelu, tanba dala ida tan ha’u dehan  nia la’ós Funsionariu Públiku,” nia hateten.

Nia afirma, CFP ajuda ekipa konjunta hodi halo investigasaun,  kazu asediu seksuál ne’ebé deskonfia omete husi direjénte TIC Timor. Kazu ne’e laiha indikasaun hodi to’o asédiu seksuál.

“Ema komete ne’e, entre feto ho mane laiha relasaun fíziku,  asédiu seksuál ne’e kaer liman de’it mós konsidera komete asédiu seksuál, maibé ne’e kaman,” Agapito da  Conceição hateten.

Nia haktuir, desizaun ne’e  tuir loloos, Ministériu Transporte no Komunikasaun, maibé  bazeia bá investigasaun  ne’ebé  ekipa konjunta halo ona. Tanba ne’e, CFP konsidera katak, aktu ne’ebé Direjénte TIC Timor I.P komete  laiha indikasaun  bá asédiu seksuál, maibé rekoñese iha tentativa  bá asediu seksuál.

Jornaslita: Marcelino Tomae