Hatutan.com, (05 Juñu 2025), Díli- Prezidénsia Repúblika liu husu Diresaun Servisu Sosiedade Sivíl no Asuntu Sosial hahú halo lansamentu ba konstrusaun uma Ida ba familia Vulneral Ida iha Aldeia Taiubu, Suku Lasaun, Postu-Administrativu Atsabe, Munisípiu Ermera.

Hatuur fatuk-inan ba konstrusuan Uma Dignu ba família vulneravel ida iha Atsabe. Foto/Espesiál

Uma Dignu ne’ebé Prezidente Repúblika José Ramos-Horta liu husi Diresaun Servisu Sosiedade Sivíl no Asuntu Sosial sei halo no oferese ne’e ba vulneravel Paulo Gomes ho nia espoza Aliança Gomes ho Oan na’in-neen (6) tamba família ne’e durante tinan naruk hela deit iha uma ne’ebé ho kondisaun grave no la favorese atu hela ba.

Koordenadora Diresaun Servisu Sosial no Asuntu Sosial, Teresa dos Santos Ximenes hateten, objetivu ba lansamentu uma ne’e tanba iha momentu Balu Liu ba observa direita husi Asesór  SSAS ho ekipa  tun direta hodi survei kondisaun Uma  familia Ida ne’e nian Nune’e xefi suku Lasaun  halo proposta haruka ba Prezidente entaun prosesu hotu la’o to’o ohin loron halo lansamentu.

⁠”Ohin halo de’it lansamentu ba primeiru pedra, akompaña ho Amistadór postu Admistrativu Atsabe no Xefe Suku Lasaun  ho  autoridade lokal, família vulneravel sira nune’e  ita entrega ba Autoridade Postu  no suku Sira atu akompaña prosesu konstrusaun Uma ne’e  to’o durasaun fulan-tolu bele finaliza ona,” Teresa dos Santos Ximenes hatetne iha komunikadu Imprensa ne’ebé Hatutan.com asesu husi Gabinete Média Palásiu Prezidensiál, Kinta (05/06/2025).

Nia hatutan, apoiu hirak ne’e inisiativa Prezidente Repúblika nian atu Fahe Domin ba familia defisiente no Vulneravel Sira ne’ebé mak presiza tulun .

Uma ne’ebé Diresaun Servisu Sosiedade Sivil no Asuntu Sosial, Palásiu Prezidensiál sei konstroi ne’e ho medida 8×7, ne’ebé sei kompleta ho haris fatin, dapur, no tuir estimasaun durasaun ba konstrusaun uma refeseismic la’o durante fulan tolu.

Hafoin lansamentu ba uma ne’e, familia vulneravel Paul Gomes ho nia Espoza Aliança Gomes ho oan sira hato’o obrigadu ba Prezidente Repúblika tamba bele halo ona uma ida ba sira.

“Ha’u agradese ba avó Ramos-Horta fó ona uma mahon Ida ne’e mai ha’u, uluk ha’u hela de’it iha fatuk kuak agora ha’u bele hela iha di’ak ona,” Paul Gomes hateten.

Administradór Postu-Administrativu Atsabe, Manuel Olivera  hato’o agradese ba Presidente Ttnba bele konstrui ona familia Ida Ne’e

“Ita hotu hatene Señór Paulo ho família ida né’e durante ne’e hela duni iha fatuk kuak durante tinan barak nia laran iha udan laran hanesan autoridade postu ha’u agradese ba nai Prezidente,” nia hateten.

Xefe suku Lasaun, Abrão da Conceição hato’o mós nia agradesimentu  ba Prezidente Repúblika ne’ebé ho inisiativa no hodi apoiu ba nia komunidade ne’ebé durante ne’e hela de’it iha fatuk kuak.

Jornalista: Tomé da Silva.