Polítika
KM Aprova Projetu Dekretu-Lei Rejime Jurídiku Estabelesimentu Ensinu Superiór
Hatutan.com (15 Juñu 2022), Díli—Konsellu Ministru (KM) aprova ona projetu Dekretu-Lei ne’ebé aprova rejime jurídiku ba estabelesimentu sira ensinu superiór nian, aprezenta hosi Ministru Ensinu Superiór, Siénsia no Kultura, Longuinhos dos Santos.
Reuniaun Konsellu Ministru (KM), Kuarta (15/06/2022). Foto/Media PM.
Projetu Dekretu-Lei ida-ne’e ninia objetivu mak atu hadi’a aspetu oioin hosi atuál Rejime Jurídiku ba Estabelesimentu Ensinu Superiór (RJEES) nian, ne’ebé estabelese hosi Dekretu-Lei n. 8/2010, loron 19 fulan-maiu.
Lee Mós:Reuniaun KM Delibera no Fó Podér ba Ministru Na’in-Haat Asina Akordu ho Xina
“Entre alterasaun sira ne’ebé introdús, destaka aplikasaun konkreta hosi rejime jurídiku kurríkulu padraun nasionál nian ba ensinu superiór, ne’ebé tama ona iha vigór iha Timor-Leste liuhosi Dekretu-Lei n. 3/2022, loron 12 fulan-dezembru no konsolidasaun konseitu bináriu sistema ensinu superiór nian,” Hatutan.com sita komunikadu.
Aleinde ida-ne’e, introdús ona norma sira kona-bá asosiativismu estudantíl nian, kona-bá antigu estudante sira, kona-bá apoiu ba estudante sira iha ninia insersaun iha vida ativa no kona-bá figura provedór estudante nian.
Nune’e mós introdús regra sira kona-bá fuzaun, fahe ka transferénsia estabelesimentu sira ensinu superiór privadu nian, kona-bá rekoñesimentu interese públiku hosi estabelesimentu sira ensinu superiór no kona-bá fiskalizasaun no inspesaun ba instituisaun sira ensinu superiór nian.
Konsellu Ministru aprova ona projetu Proposta-Lei, ne’ebé aprezenta hosi Primeiru-Ministru, Taur Matan Ruak, halo renovasaun daruak ba medida exesionál no temporária ba vijilánsia sanitária hodi hatán ba pandemia moras COVID-19 nian, ne’ebé prorroga vijénsia hosi artigu da-3 Lei n. 24/2021 nian, loron 19 fulan-novembru. Ho alterasaun ida-ne’e, medida exesionál sira ne’e prorroga ba periodu loron 120.
Ikusliu, Konsellu Ministru apresia ona aprezentasaun ida kona-bá Prosesu no Roteiru ba rekrutamentu profesór sira, ne’ebé aprezenta hosi Ministru Edukasaun, Juventude no Desportu, Armindo Maia.
Aprezentasaun ida-ne’e inklui informasaun ruma kona-bá númeru profesór sira ne’ebé iha no previzaun kona-bá rekrutamentu iha tempu badak.
Jornalista: Rogério Pereira Cárceres
Xanana Hameno bá Rogério Lobato: “Povu Oé-Cuse Haksolok Liu Bainhira Loke Auditoria bá Ró Haksolok”
Governu ho Autoridade RAEOA Agradese Aero Dili Fasilita Povu Atoni
Inaugural Flight Aero Dili bá Oé-Cusse, PM Xanana ho Pasajeiru 162 Tuun ho Susesu iha Aeroportu Internasionál Rota do Sândalo
Restaurasaun Independénsia bá Dala-22, PN Husu Timoroan Tomak Halo Reflesaun
FPCI Apresia Toleránsia Relijiozu iha Timor-Leste Ne’ebé Reflete Fiar no Kultu Moris Povu Nian
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Ekonomia6 days agoPilar Ekonomia Sei Fraku iha Timor-Leste Nia Adezaun bá ASEAN
-
Ekonomia5 days ago18 Maiu 2024, Aero Dili Lansa Vou Dahuluk Díli-Oecusse
-
Nasionál1 week agoSEKOMS Rekoñese Tama Redasaun RTTL,E.P no Dehan Atu Halo Loos Notísia
-
Defeza & Seguransa5 days agoDiretór Nasionál PCIC Vicente e Brito Rekoñese Nia Oan-mane Uza Pistola Treinu Tiru
-
Ekonomia5 days agoENERPROCO Vs Timor Gap, Prontu Ona bá Tribunál Arbitrajen iha Singapura
-
Ekonomia1 week agoBCTL Halo Estudu bá Impaktu Utiliza Moeda Dollar Amérika
-
Polítika6 days agoPrezidente Repúblika Promulga Ona Alterasaun Lei CAC
-
Justisa & Krime4 days agoReforma Estrutura Lei Ne’ebé La Kompativel Bá PCIC no Iha Ona Relatóriu Reforma Justisa