Connect with us
Pakote Ahi

Polítika

PN Kansela Sosa Karreta Anti-bala ba Aniceto Guterres  

Published

on

Hatutan.com, (11 Outubru 2021), Dili—Parlamentu Nasionál (PN), kansela orsamentu atu sosa karreta foun anti-bala, ba Prezidente Parlamentu Nasionál (PPN), Aniceto Guterres Lopes.

PN kansela orsamentu ne’e, liu hosi aprovasaun proposta númeru 8 ne’ebé hato’o hosi deputada proponente hosi Bankada CNRT, Maria Fernanda Lay, durante debate espesialidade orsamentu PN ho votus a favór 29, kontra 26 no abstensaun tolu, hosi Deputadu Prezente na’in 58, Segunda (11/10/21).

Iha planu Orsamentál 2022, PN prevee orsamentu atu sosa karreta hamutuk 12, ne’ebé iha deskrisaun planu ne’e hakarak aloka karreta ida (1) ba Prezidente Parlamentu Nasionál, rua (2) aloka ba iha vise-PPN, neen rezerva ba Deputadu-sira no tolu ba operasionál sekretariadu PN.

Advertisement

Hosi totál karreta ne’ebé iha, sia (9) ho presu rihun $60 kada unidade no tolu ba operasionál Sekretariadu ho presu kada unidade rihun $42.

Durante debate Orsamentu Privativu PN,  Bankada CNRT liu hosi Deputada, Maria Fernanda Lay hanesan proponente ba proposta númeru 8, husu atu halo kanselamentu ba orsamentu sosa karreta foun ba PPN ho razaun karreta iha III lejislatura ne’ebé oras-ne’e PPN uza, iha kondisaun di’ak, no kada tinan Deputtadu-sira hetan subsídiu manutensaun hamutuk $1.500.

“Ami halo proposta ne’e, hanesan Deputadu. Prezidente iha karreta ida no osan ba manutensaun kada tinan mós iha. Tamba ne’e, ami propoin atu kansela tiha sosa karreta foun,” Maria Fernanda Lay hateten iha plenária.

Nune’e mós Deputadu Bankada KHUNTO, António Verdiál, hateten to’o oras-ne’e laiha karreta própriu nu’udár membru Deputadu no uza de’it karreta administrasaun PN hodi hala’o servisu no la ezije maibé husu atu dezisaun hotu-hotu ne’ebé iha, tenke tetu atu dignifika Estadu ida-ne’e.

“Ha’u laiha obsesaun atu sosa karreta foun, maibé ha’u lamenta tanba to’o oras-ne’e uza de’it karreta administrasaun nian. Ha’u la husu atu fó karreta foun mai ha’u, maibé ha’u atu hateten de’it ba kestaun Estadu ita hakruuk no ba Deputadu personál ha’u hanoin presija tetu lai,” António Verdiál, deklara.

Advertisement

Deputadu Arão Noé de Jesus mós hato’o preokupasaun hanesan, relasiona ho polítika sosa karreta foun ba PPN no nia vise, inklui karreta operasionál ba sekretariadu PN, tanba konsidera karreta sira-ne’e iha kondisaun di’ak no estável hela, no durante ne’e hal’ao de’it servisu operasionál iha Dili laran.

Maski nune’e, Sekretáriu Jerál PN justifika katak, kondisaun karreta ba PPN avaria no husu atu PN tau hikas iha orsamentu, hodi sosa karreta ofisiál ba Prezidente PN atuál tanba PN hanesan órgaun soberanu ne’ebé presija hetan tratamentu dignu.

“Karreta anti-bala ne’ebé PPN uza, kleur ona desde II lejislatura no oras-ne’e kondisaun la di’ak, avaria no Prezidente atuál uza karreta III lejislature ne’ebé simu hanesan Deputadu, tanba ne’e ita presija karreta ofisiál ida ba PPN,” Adelino Afonso de Jesus justifika iha ámbitu diskusaun orsamentu PN.

Kona-bá lamentasaun no rejeisaun hosi Bankada opozisaun no bankada Governu, PPN Aniceto Guterres deklara katak, nia parte sei la utiliza osan $125.000 ne’ebé iha hodi sosa karreta ba PPN, maibé nafatin sosa karreta ba Vise Prezidente na’in-rua no karreta rezervatóriu ba Deputadu-sira, inklui karreta operasionál ba sekretariadu.

“Ha’u dehan ona, sei la sosa karreta ba Prezidente PN maski orsamentu ne’e liu iha votasaun,” Aniceto Guterres deklara.

Advertisement

Ante ne’e, Deputadu-sira aprova ona proposta orsamentu privativu PN ba tinan 2022 ho montante $14.727.552, iha jeneralidade ho rezultadu votasaun a favór 41, konta 0 no abstensaun 11.

Alokasaun orsamentu ne’e ba saláriu no vensimentu millaun $5.600, bens no serbisu millaun $6.638, kapitál menór rihun $935, kapitál dezenvolvimentu laiha no transferénsia públika millaun $1.552.(bit)

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Prezidente Repúblika Rona Opiniaun Hosi Luís Sampaio Kona-bá Papél CAC

Published

on

Hatutan.com, (15 Abríl 2024), Díli—Prezidente Repúblika (PR), José Ramos-Horta hala’o enkontru ho eis Adjuntu Komisáriu Comissão Anti Corrupção (CAC), Luís Sampaio hodi rona opiniaun kona-bá servisu no papél sira CAC nian, segunda (15/04/2024).

(more…)

Kontinua Le'e

Polítika

FRETILIN Husu MF Klarifika bá PM Xanana Ne’ebé Sempre Preokupa ho Osan Estadu Lakon

Published

on

Hatutan.com, (15 Abríl 2024), Díli—Deputadu bankada FRETILIN Antoninho Bianco husu Ministériu Finansa (MF) atu halo klarifikasaun bá Primeiru Ministru (PM), Kay Rala Xanana Gusmão ne’ebé sempre deklara iha diskursu sira kona-bá orsamentu Estadu ho montante hosi millaun $30 to’o millaun $40 lakon.

(more…)

Kontinua Le'e

Polítika

CNRT Husu Halo Auditoria bá INSS

Published

on

Hatutan.com, (15 Abril 2024), Díli—Xefe bankada CNRT, deputadu Duarte Nunes husu atu halo auditoria urjente bá Institutu Nasionál Seguransa Sosiál (INSS) ne’ebé durante ne’e laiha relatóriu hodi aprezenta bá Ministériu Finansas (MF).

(more…)

Kontinua Le'e
Advertisement

Trending