Connect with us
Pakote Ahi

Desportu

Emanuel FC Konkista Vitória Kontra Lica-Lica Lemorai FC

Published

on

Hatutan.com (28 Outubru 2021), Díli— Ekipa Emanuel FC konsege manan Adversáriu Lica-Lica Lemorai ho skore 3:1.

Ekipa Emanuel FC konsege manan Adversáriu Lica-Lica Lemorai ho skore 3:1. Foto/LFTL.

Vitória ne’e la lori mudansa signifikativu ba grupu B tanba Emanuel FC okupa nafatin  terseira klasifikasaun no Lica-Lica Lemorai mantein iha kuarta pozisaun.

Notísia iha Relasaun:Zebra FC Rekolla Vitória Dahuluk Hafoin Halakon As Marca FC

Lica-Lica Lemorai konsege lidera uluk iha minutu 19, maibé la fó vitória ba ekipa ne’e, tanba adversáriu halo atake no buka oportunidade hotu ne’ebé iha, hodi prodús golu tolu ne’ebé halo Emanuel FC lori fila pontu tolu.

Advertisement

Maski nune’e, ekipa rua sei nafatin iha oportunidade atu halo mudansa ba tabela klasifikasaun, tanba sei enfrenta tán jogu rua molok segunda divizaun époka ne’e remata.

Emanuel FC fó sasin ba vitória ne’e, liu hosi jogu ne’ebé sira iha, bainhira jogu hahú Emanuel FC domina liu iha jogu, maibé laiha oportunidade atu marka golu tanba jogadór Lica-Lica Lemorai sei bele halo auto defeza ne’ebé di’ak, hodi asegura sira nia ekipa hosi adversáriu.

Tama ba minutu 8, kapitaun ekipa Lica-Lica Lemorai, Neldon dos Santos tenke simu kartaun kinur tanba halo falta hasoru ekipa adversáriu.

Tama ba minutu 10, ekipa Lica-Lica Lemorai halo mudansa ba nia tátika hodi buka atu domina jogu maski Emanuel FC nafatin halo presaun.

Situasaun ne’e halo ekipa rua kuaze iha forsa hanesan hodi halo atake ba malu hodi buka oportunidade atu se mak hatama uluk golu ba loraik kmanek ne’e.

Advertisement

Aproveita baliza sai hosi nia grande área, jogadór Lica-Lica Lemorai Miguel Barreto lansa bola dook ne’ebé rezulta kedan golu ida iha minutu 19.

Golu ne’e halo ekipa Emanuel tenke halo esforsu hodi duni atrazu ne’ebé iha. Nafatin esforsu hodi halo atake ba área ekipa adversáriu ikus-mai Emanuel FC hetan oportunidade ida tanba jogadór Lica-Lica Lemorai halo falta iha liña defeza, aproveita oportunidade ne’e Zinedine Lopes marka kedan golu ida iha minutu 23 hodi muda skore ba 1:1.

Golu ne’e obriga ekipa rua tenke joga ho tensi as hodi rezulta bola falta iha kada liña hosi ekipa rua no jogadór Lica-Lica Lemorai Nilton de Carvalho tenke simu kartaun kinur.

Lica-Lica Lemorai FC halo subtituisaun dahuluk ba jogadór hodi hasai kapitaun ekipa Nelson dos Santos no hatama Joanico Vicente. Ekipa rua mantein impata to’o jogu primeira parte termina.

Tama ba segunda parte, ekipa rua la halo mudansa ba jogadór no mantein ho matéria jogadór ne’ebé iha ba kada liña hodi buka oportunidade.

Advertisement

Tama ba minutu 51, jogadór  Emanuel FC Filomeno Sávio simu asisténsia hosi  Jonatas Pereira, hodi marka segundu golu ba Emanuel FC hodi muda skore ba 2:1.

Liu de’it minutu 3, Filomeno Sávio marka tán golu datoluk hodi haboot skore ba 3:1. Hafoin golu ne’e Emanuel FC halo kedan substituisaun ba nia jogadór hodi hasai Zenidine Lopes no hatama Fretelino dos Santos.

Atu hadi’a liña Lica-Lica Lemorai FC kontinua halo substituisaun ba nia jogadór iha liña avansadu ho hatama Jelito Moises no hasai Juvito do Nasimento.

Emanuel FC nafatin halo substituisaun hodi asegura vitória ne’ebé iha, hodi hasai Alexadre Moreira no hatama Kevin Fernandes.

Ho substituisaun ne’e, halo Emanuel FC domina jogu no halo presaun makás ba iha área Lica-Lica Lemorai FC.

Advertisement

Maski nune’e, Lica-Lica Lemorai FC nafatin halo esforsu hodi halo kontra atake liu hosi avansadu Manuel da Silva.

Iha minutu klaran, Emanuel kontinua ho substituisaun hodi hasai kapitaun ekipa Zeferino Nheu no hatama Carlos Soares.

Parte Lica-Lica Lemorai kontinua hatama avansadu Andre Sarmento no hasai médiu Joanico Vicente ho intensaun atu bele duni atrazu ne’ebé iha.

Ekipa rua nafatin halo jogu no kontinua ho substituisaun, Emanuel FC kontinua hasai Jonatas Perreira no hatama Orlando Belo.

Situasaun hanesan akontese mós ba Lica-Lica Lemorai hodi dada sai Henrique da Costa no hatama Rosário Lopes.

Advertisement

To’o tempu segunda parte remata, laiha tán golu ruma ne’ebé akontese tanba ne’e Emanuel FC konkista vitória ne’e ho skore 3:1.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e
Advertisement

Trending