Connect with us
Pakote Ahi

Justisa & Krime

Padre Hermínio Absolvidu Hosi Krime Violasaun Segredu Justisa

Published

on

Hatutan.com, (04 Marsu 2022), Díli—Tribunál Distritál Díli (TDD), liu arguidu leitura sentensa ne’ebé lee arguidu juiz prezidi Evangelino Belo, deside absolve arguidu Padre Hermínio Fátima Gonçalves no arguidu na’in tolu seluk hanesan José Cardoso Moreira, André Gonçalves no Libánia Martins Amaral sen kustu judisiáriu, relasiona ho publikasaun rezultadu relatóriu peskiza ba kazu Topu Honis.

Razaun TDD absolve arguidu na’in-haat arguidu krime violasaun segredu justisa, tanba Tribunál konsidera faktus la provadu katak arguidu na’in-haat mak publika konteúdu relatóriu Comissão Justiça e Pas (CJP) bazeia ba deklarasaun arguidu no sasin sira katak, maski arguidu mak fó kopia ida ba Arsebispu Arkidioseze Metropolitana Díli, Mgr. Virgílio do Carmo da Silva, SDB , Xanana Gusmão no Padre SVD ida,  maibé ho konfidensialidade no arguidu laiha koñesimentu katak Xanana entrega ba Barbara liu arguidu Joaquim Fonseca.

Notisia iha Relasaun:Relatóriu CJP, MP Alega Pena Suspensaun Ba Padre Hermínio Cs

Tribunál mós konsidera arguidu sira halo peskiza ne’e bazeia ba órden hosi Arsebispu Arkidioseze Metropolitana Díli, Mgr. Virgílio do Carmo da Silva, SDB  iha ámbitu misaun hosi CJP nian bazeia ba preokupasaun vítima labarik na’in-tolu liga ho kazu eis Padre Ricahard Dasbach.

Advertisement

Tribunál la identifika katak, arguidu na’in-haat maka publika relatóriu ne’e inklui labarik nia naran ne’ebé iha ligasaun ho investigasaun MP nian ba kazu Richard Dasbach,  tanba ne’e Tribunál konsidera laiha faktus ne’ebé provadu hodi lori arguidu sira ba prizaun liga ho krime ne’ebé imputa ba arguidu sira.

Maski faktus balun provadu katak arguidu sira mak halo peskiza ba preokupasaun labarik na’in-tolu ho autorizaun hosi Arsebispu Arkidioseze Metropolitana Díli, Mgr. Virgílio do Carmo da Silva, SDB.

Hafoin rona desizaun ne’e, arguidu ho kontenti tanba hetan liberdade hodi kontinua sai Bibi-Atan ne’ebé di’ak.

Relasiona ho dokumentu relatóriu kazu Topu Honis nian ne’e maka, iha lolon 06 fulan-Outburu 2020, Arsebispu Arkidioseze Metropolitana Díli, Mgr. Virgílio do Carmo da Silva, SDB, ezonera ona Padre Hermínio Fátima Gonçalves, hosi arguidu nia kargu nu’udár Diretór CJP Arkidioseze Metropolitana Díli.

Tuir akuzasaun Ministériu Públiku, katak iha loron 19 fulan-Agostu 2020, arguidu simu labarik feto menoridade na’in-tolu ne’ebé arguidu la lembra naran no ema adultu na’in-rua hanesan Liliana Tarung no Rano Karno mak akompaña fundasaun Topu Honis iha Kutete no Mahata, Oé-Cusse.

Advertisement

Ema sira ne’e informa ba arguidu katak, durante sira atravesa problema ne’ebé ligasaun ho labarik na’in-tolu ne’e, maibé Uma-Kreda Arkidioseze Metropolitana Díli la tau matan ba sira.

Tanba ne’e, sira mai husu protesaun ba Amu sira iha Arkidioseze Metropolitana Díli, tanba atividade saserdotál iha Rejiaun Administrativa Espesiál Oé-Cusse Ambeno (RAEOA), sei pertense ba Arkidioseze Metropolitana Díli.

Simu tiha ema sira-ne’e arguidu Padre Hermínio informa kedan ba Mgr. Virgílio do Carmo da Silva, SDB, nune’e ArseBipsu mós fó autorizasaun verbál ba arguidu hamutuk ho arguidu sira seluk dezloka ba Oé-Cusse hodi halo enkontru ho vítima sira hosi prosesu NUC 0022/19.PGGCC ho nia krime abuzu sexuál ba menór.

Enkontru sira ne’ebé arguidu halo ho vítima ho inan-aman sira rezulta arguidu relata ona iha eskrita ne’ebé tau títulu Relatóriu Peskiza ho logotipu CJP Arkedioseze Díli.

Iha relatóriu ne’ebé asina hosi arguidu Padre Hermínio iha loron 07 fulan-Setembru  2020, arguidu revela informasaun ne’ebé ligasaun ho investigasaun, liu-liu iha faze ezame genital ba vítima iha prosesu investigasaun iha faze Polísia nian no iha Ministériu Públiku ka Prokuradoria Distritál  Oé-Cusse, inklui naran hosi vítima ba kazu abuzu sexuál ba menór no pornografia infantíl.

Advertisement

Arguidu Padre Hermínio distribui nia relatóriu ne’e ba Amu ArseBispu, Kay Rala Xanana Gusmão no Amu sira iha kongregasaun SVD nian iha Kuluhun atu halo tradusaun ba lian Inglés no ikus mai relatóriu ne’e sai konsumu públiku no Komisaun Direitu ba Labarik ne’ebé halo knar hodi halo protesaun ba vítima sira hato’o partisipasaun ba Prokuradór Jerál Repúblika (PGR) hodi loke inkéritu kontra arguidu Padre Hermínio ho arguidu seluk hanesan José Cardoso, André Gonçalves no Libánia Martins.

Iha loron 07 fulan-Setembru 2020, prosesu NUC 0022/19.PGGCC ho nia krime abuzu sexuál ba menór no pornografia infantíl ne’ebé ninia vítima maka labarik sira ne’ebé nia naran balun iha lista ne’ebé arguidu publika iha nia relatóriu, sei iha prosesu investigasaun nia laran nune’e faktu sira ba kazu ne’e sei iha vinkulasaun segredu justisa nia laran.

Nune’e, kazu ne’e labele publika sai maibé arguidu Padre Hermínio publika ona hosi peskiza relatóriu ne’ebé nia prodús ho nia konsekuénsia katak, públiku hatene uluk prosesu investigasaun ne’ebé la’o no sem kauza justu fó sai aktu prosesuál ne’ebé tama iha segredu justisa.

Ministériu Públiku akuza arguidu sira ba pratika krime violasaun ba justisa nia segredu ne’ebé previstu iha artigu 291 hosi Kódigu Penal Timor Leste.

Audiénsia julgamentu iha Sesta 04 Marsu ne’e, prezide hosi juiz singulár Evangelino Belo, MP reprezenta hosi Prokuradór Matias Soares no arguidu sira hetan asisténsia legál hosi Advogadu privadu Miguel Faria, Madre Tomazia Maria de Deus.

Advertisement

Jornalista: Carmelita Isaac

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Ministru Sergio Hornai Halo Hela Avaliasaun bá Komportamentu Diretór Nasionál PCIC

Published

on

Hatutan.com, (18 Juñu 2024), Díli-Ministru Justisa (MJ) Sergio Hornai halo hela avaliasaun bá komportamentu  diretór nasionál Policia Ciêntífica e de Investigação Criminal (PCIC), Vicente Fernandes e Brito nian tanba durante ne’e deskonfia halo abuzu podér.

(more…)

Kontinua Le'e

Justisa & Krime

KBRI Minta Timor Leste Selesaikan Kasus Kalumban Mali

Published

on

Hatutan.com, ( 13 Juni 2024) Dili–Pemerintah Republik Indonesia melalui Kedutaan Besar Republik Indonesiaa (KBRI) di Dili meminta Pemerintah Timor Leste menyerahkan Kalumban Mali jika sudah terbukti  bersalah.

(more…)

Kontinua Le'e

Justisa & Krime

TR Aplika Prizaun Domisiliária bá Fujitivu Arnolfo Teves Jr To’o Fináliza Prosesu Legál

Published

on

Hatutan.com, (13 Juñu 2024), Díli-Tribunál Rekursu ka Tribunál Supremu  Justisa liuhusi despaisu ikus, Kuarta (12/06/2024), aplika  medida koasaun Prizaun Domisiliária ka  “Mandado de Condução Á Prisão Domiciliaria” bá fujitivu  Arnolfo Alipit Teves Jr atu bele hela de’it iha nia rezidénsia ka uma to’o finaliza nia prosesu legál sira.

(more…)

Kontinua Le'e
Advertisement

Trending