Connect with us

Baucau

Ramos-Horta Manan iha Suku Bahu-Baucau “Ha-tohik” Baze FRETILIN

Published

on

Hatutan.com, (20 Marsu 2022), Baucau-Iha istória Timor-Leste nia eleisaun prezidensiál no eleisaun parlamentár husi 2002 to’o mai 2017, Kandidatu prezidente ne’ebé nomeia husi partidu FRETILIN sempre manana iha Suku Bahu, Postu Administrativu Baucau Vila, Munisípiu Baucau.

Notísia iha Relasaun: Alkatiri-Lú Olo Konfia Manán Metin iha Eleisaun Prezidensiál

José Manuel Ramos-Horta, manan iha Suku Bahu, Postu Administrativu Baucau Vila, Munisípiu Baucau. Foto/Fornese husi Eujenio Pereira

Suku Bahu, nudár suku ida husi suku sira seluk ne’ebé pertense ba área jurisdisaun Munisípiu Baucau, sai mós hanesan “knuuk” ka baze FRETILIN nian.  Seidauk hakerek iha istória katak Kandidatu Prezidente Partidu FRETILIN nian no Partidu FRETILIN bele lakon iha Suku Bahu ne’ebé sai suku ida ikóniku Sidade Vila Antiga, Baucau nian.  

Istória mós hatudu iha eleisaun prezidensiál 2002, Xanana Gusmão hanesan prezidente da-uluk ne’ebé eleitu direita husi povu liuhusi eleisaun prezidensiál manan iha Suku Bahu tanba avansa ho kandidatu independente laiha kandidatu ida husi partidu FRETILIN nian.

Iha tinan 2007, eleisaun prezidensiál mezmu kandidatu José Manuel Ramos-Horta manan iha segunda ronde iha nasionál, maibé Suku Bahu nia oan sira sai votante metin ba kandidatu husi partidu FRETILIN, Francisco Guterres “Lú Olo” husi kedas eleisaun primeira ronde to’o segunda ronde.

Iha fali eleisaun prezidensiál iha tinan 2012, mezmu kandidatu husi partidu CNRT ho PLP nian  ne’ebé hetan “bensaun” husi Komandante Em-Xefe FALINTIL, Kay Rala Xanana Gusmão, mós la konsege “hadau” votu FRETILIN nian ne’ebé purvolta   7.000 iha Suku Bahu.  Eleisaun prezidensiál tempu ne’ebá mezmu avansa ba segundu ronde mós Bahu oan sira tane metin  kandidatu husi FRETILIN, Francisco Guterres “Lú Olo” ho partidu FRETILIN.

Eleisaun prezidensiál tuir fali mai 2017, kandidatu husi partidu FRETILIN, Francisco Guterres “Lú Olo” manan absolutamente iha Suku Bahu ne’ebé hodi otas ho hori nanis prega ona ho lema “FRETILIN nanis, FRETILIN ohin no FRETILIN ba oin nafatin”.  

Istória eleisaun prezidensiál tinan ne’e nia rezultadu hatudu oin-seluk. Partidu FRETILIN ho nia kandidatu Prezidente Repúblika (PR), Francisco Guterres “Lú Olo” lakon iha Suku Bahu hasoru nia rival polítika José Manuel Ramos-Horta, ne’ebé hetan “bensaun” husi lider karizmátiku Kay Rala Xanana Gusmão ho partidu CNRT.    

Eleisaun prezidensiál ne’ebé hala’o iha territóriu nasionál no diaspora (Austrália, Inglaterra, Portugal, Norte Irlanda ho Korea Súl) iha loron 19 fulan-Marsu 2022, Kandidatu prezidente Repúblika períodu 2022-2027 husi partidu FRETILIN, Francisco Guterres “Lú Olo” hela ho votu 1.502 iha Suku Bahu kompara ho nia rival  José Manuel Ramos-Horta ne’ebé manan ho votu 1.966.

Suku Bahu akumula Sentru Votasaun haat, kompostu husi Sentru Votasaun Ensinu Báziku Filial Katólika (EBFC, sigla portugés) Nobel Bau-oli, Sentru Votasaun Lamegua, Sentru Votasaun EBFC Santu Domingos Savio ho  Sentru Votasaun Eskola Bázika Númeru 01 Bairru Sentrál, Bahu, Baucau Vila.

Rezultadu finál kontajen iha votu ne’ebé termina iha Sentru Votasaun sira ne’ebé pertense ba Suku Bahu, Domingu madrugada (20/03/2022), tuku 03.00 dadeer Otl, hatudu katak, kandidatu Prezidente Repúblika períodu 2022-2027 ne’ebé sai manan na’in ka vendedór mak José Manuel Ramos-Horta ho númeru sorteiu 14 ho votu 1.966, tuir fali iha segundu lugar maka kandidatu PR husi partidu FRETILIN, Francisco Guterres “Lú Olo” ho númeru sorteiu 6 ho votu  1,502 no iha terseiru lugar maka Kandidatu PR independente Tito da Costa Cristóvão alias Lere Anan Timur ho númeru sorteiu 8 ho votu 872.

Kandidatu prezidente independente sira seluk, hanesan Isabel da Costa Ferreira, Hermes da Rosa Correia Barros, Maria Ângela Freitas da Silva, Rogério Tiago Fátima Lobato, Maria Helena Lopes de Jesus Pires, Antero Benedito Silva, Constâncio da Conceção Pinto, Virgílio da Silva Guterres, Felizberto Araújo Duarte, inklui kandidatu prezidente sira husi partidu polítiku, hanesan Anacleto Bento Ferreira (PDRT), Armanda Berta dos Santos (KHUNTO),  Martinho Germano da Silva Gusmão (PUDD), Mariano Assanami Sabino Lopes (PD) mós hetan votu iha Suku Bahu, maibé la hatudu númeru votante ida boot hanesan kandidatu na’in-tolu; Ramos-Horta, Lú Olo, ho Lere Anan Timur.

Rezultadu provizóriu apuramentu nasionál husi CNE ne’ebé publika iha kanál  televizaun RTTL,E.P to’o Domingu (20/03/2022), tuku 09:50 dadeer ne’e, hatudu katak iha Munisípiu Baucau, Kandidatu Prezidente Repúblika husi partidu FRETILIN, Francisco Guterres “Lú Olo” sai vensidór privozoriu ho total votu 4,321, José Manuel Ramos-Horta (2,981), Lere Anan Timur (1,338),  Mariano Assanami Sabino (549), Armanda Berta dos Santos (541), Hermes da Rosa Correia Barros (202), Martinho G. Da Silva Gusmão (165), Maria Helena Lopes de Jesus Pires (129), Isabel da Costa Ferreira (120), Anacleto Bento Ferreira (62), Felisberto Araújo Duarte (48), Antero Benedito da Silva (40), Constâncio da Conceição Pinto (36), Rogério Tiago Lobato (35), Virgílio da Silva Guterres (26) no Maria Angela Freitas da Silva (9).

Jornalista: Francisco Belo Simões

Baucau

Populasaun Suku Soba Halerik ba Estrada ho Bee-moos

Published

on

Hatutan.com, (11 Abríl 2022), Baucau- Populasaun Suku Soba, Postu Administrativu Laga, Munisípiu Baucau, kontinua halerik ba  eletrisidade no kondisaun estrada.

(more…)

Kontinua Le'e

Baucau

Domingu-Ramus, Hanoin Kristu Nia Glória no Paixaun

Published

on

Hatutan.com, (10 Abríl 2022), Baucau-Uma-kreda Katóliku iha mundu no iha Timor-Leste, Domingu (10/04/2022), selebra misa Jesus Nia glória liuhusi tradisaun Domingu-ramus.

(more…)

Kontinua Le'e

Baucau

Ramos-Horta Promete iha Gariuai, Servisu ho Governu Tau Subsídiu ba Agrikultór sira

Published

on

Hatutan.com, (09 Abril 2022), Baucau-Kandidatu Prezidente Repúblika (PR), José Ramos Horta, liu husi kampaña ho tipu door to door iha suku Gariuai, Postu Administrativu Baucau Vila, Munisípiu Baucau,  promete uainhira eleitu ba PR sei servisu maka’as ho órgaun ezekutivu atu tau subsídiu iha setór agrikultura hodi hasae produsaun iha rai laran.

(more…)

Kontinua Le'e

Trending