Connect with us
Pakote Ahi

Polítika

Apuramentu Nasionál, Horta Votu Barak liu no Ángela Freitas Oitoan liu

Published

on

Hatutan.com, (25 Marsu 2022), Díli—Comissăo Nacional de Eleições (CNE), konklui ona apuramentu nasionál ba votu nulu no reklamadu sira, ne’ebé rejista hosi sentru votasaun hotu iha territóriu nasionál, ba eleisaun Prezidensiál tinan 2022 ne’ebé realiza ona iha 19 Marsu.

Abitante ida husi Aileu hatudu nia liman-fuan ne’ebé vota tiha ona iha eleisaun Prezidensiál, 19 Marsu 2022. Foto/Hatutan.com

CNE konklui apuramentu nasionál ne’e iha Sesta 25 Marsu, tuku 14:00 oras Timor-Leste ne’ebé rezultadu ikus kandidatu José Ramos Horta mak hetan votus barak liu no kandidata Ángela Freitas hetan votus oitoan liu.

Notisia iha Relasaun:CNE Presiza Oras 72 Atu Elabora Akta Apuramentu Nasionál

Rezultadu apuramentu ne’e Hatutan.com deskreve tuir versaun órgaun eleitorál rua mak hanesan Sekretariadu Tékniku Administrasaun Eleitorál (STAE) ho Comissăo Nacional de Eleições (CNE), hahú hosi kandidatu ne’ebé hetan votus barak liu to’o ida ne’ebé hetan votus oitoan liu.

Advertisement
  1. Okupa hosi Kandidatu José Ramos Horta ho númeru sorteiu 14, iha apuramentu STAE nia hetan votus 301.481 ho nia persentajen 46,58%. Apuramentu CNE nia hetan votus 302.710 ho persentajen 46,51%, diferensa iha votus 1.229 no sei hetan osan $1.210.840.
  2. Okupa hosi Kandidatu Francisco Guterres Lú Olo ho númeru sorteiru 6, iha apuramentu STAE nian hetan votus 143.408 ho persentajen 22,16%. Hosi parte CNE nian hetan votus 144.129 ho presentajen 22,14%, diferensa votus 721 ho osan ne’ebé sei hetan ba subsídiu hamutuk $576.516.
  3. Okupa hosi kandidata Armanda Berta dos Santos ho númeru sorteiu 9, iha apuramentu STAE nia hetan votus 56.289 ho persentajen 8,70%. Apuramentu CNE nian iha votus 56.568 ho persentajen 8,69% ho diferensa votus 279. Osan ba subsídiu sei hetan $226.227.
  4. Lere Anan Timur ho númeru sorteiu 8, iha apuramentu STAE nia hetan votus 48.959 ho persentajen 7,57% no apuramentu CNE nian iha votsu 49.304 ho persentajen 7,57% iha diferensa votus 345. Osan ne’ebé sei hetan $197.216.
  5. Kandidatu Mariano Assanami Sabino ho númeru sorteiu 4 iha apuramentu STAE nian heten votus 47.008 ho persentajen 7,26%. Apuramentu CNE nian hetan votus 47.303 ho persentajen 7,27%. Diferensa votus 295 no osan subsídiu ne’ebé sei hetan $189.212.
  6. Ancleto Ferreira Bento ho númeru sorteiu 5 iha apuramentu STAE nian hetan 13.059 ho persentajen 2,02%. Apuramentu Hosi CNE nian hetan votus 13.344 ho pursentu 2,05% ho diferensa votus 285. Osan ne’ebé sei hetan $53.376.
  7. Kandidatu Martinho Gusmão ho númeru sorteiu 13 iha apuramentu STAE nian hetan votus 8.485 ho pursentu 1,31% no apuramentu hosi CNE nian hetan votus 8.596 ho pursentu 1,32%. Diferensa 111 no osan ne’ebé sei hetan $34.384.
  8. Hermes da Rosa Coreia Barros ho númeru sorteiu 2 iha apuramentu STAE nia hetan votus 7.958 ho pursetu 1,23%. Apuramentu CNE nian hetan votus 8042 ho pursentu 1,24%. Diferensa 84 votus no osan ne’ebé sei hetan $32.168.
  9. Kandidata Milena Pires ho númeru sorteiu 7 iha apuramentu STAE nian hetan votus 5.335 ho pursentu 0,82%, apuramentu CNE nian hetan votus 5443 ho 0,84%. Diferensa 108 votus no osan ne’ebé sei hetan $21.772.
  10. Isabel Ferreira ho númeru sorteiu 1 iha apuramentu STAE nian iha votus 4.165 ho 0,64%. Apuramentu CNE nian iha votus 4.203 ho 0,65%. Diferensa 38 votus. Osan ne’ebé sei hetan $16.812.
  11. Felizberto Araújo Duarte ho númeru sorteiu 15 iha apuramentu STAE nian hetan votus 2.615 ho persentajen 0,40%. Apuramentu CNE nian iha 2.708 votus ho persentajen 0,42%. Diferensa 93 votus no san ne’ebé sei hetan $10.832.
  12. Kandidatu Constâncio Pinto ho númeru sorteiu 11 iha apuramentu STAE nian hetan votus 2.474 ho persentajen 0,38%. Apuramentu CNE nian iha votus 2.513 ho persentajen 0,39%. Diferensa 39 votus no ssan ne’ebé sei hetan $10.052.
  13. Kandidatu Rogerio Lobato ho númeru sorteiu 4 iha apuramentu STAE nian hetan votus 2.028 persentajen 0,31%. Apuramentu CNE nian iha votus 2.060 ho persentajen 0,32%. Diferensa 32 votus no osan ne’ebé sei hetan $8.240.
  14. Kandidatu Virgílio Guterres apuramentu ho númeru sorteiu 12 iha apuramentu STAE nian hetan votus 1.685 persentajen 0,26%. Apuramentu CNE nian iha votus 1.713 persentajen 0,26%. Diferensa 28 votus ho osan ne’ebé sei hetan $6.852.
  15. Kandidatu Antero Bendito da Silva ho númeru sorteiu 10 iha apuramentu STAE nian hetan votus 1.531 ho persentajen 0,24%. Apuramentu CNE nian iha votus 1.563 ho persentajen 0,24%. Diferensa 32 votus no osan ne’ebé sei hetan $6.252.
  16. Kandidata Ángela Freitas ho númeru sorteiu 3 iha apuramentu STAE nian hetan votus 692 ho persentajen 0,11%. Apuramentu CNE nian iha votus 711 ho persentajen 0,11%. Diferensa 19 votus no osan ne’ebé sei hetan $2.844.

Hosi apuramentu STAE nian totál votantes iha eleisaun Prezidensiál 2022 hamutuk 647.172, votu nulu, branku, rezeitadu no abandonadu hamutuk 16.934.

Hosi apuramentu CNE nian totál votantes iha eleisaun Prezidensiál 2022 hamutuk 650.910 no iha votu nulu, branku, rejeitadu, ho abandonadu hamutuk 13.196.

Prezidente CNE, José C. Belo Perreira. Foto/Hatutan.com.

Totál diferensa ne’e iha 3.738 no  totál osan ne’ebé Governu sei aloka ba kandidatu na’in 16 ne’e hodi selu totál votu ho kada votante $4, hamutuk $2.603.640.

Rezultadu Apuramentu Nasionál ne’e, inklui de’it sentru votasaun sira iha territóriu nasionál ho Austrália. Kona-bá Portugál, Korea, Inglaterra ho Irlándia seidauk halo apuramentu tanba tempu legál ne’e ultrapasa tiha ona.

“Sasán sira ne’e, seidauk mai to’o iha Timor, ne’ebé tempu legál liu ona, ami halo to’o de’it iha ne’e. Ne’ebé, karik rezultadu sira ne’e fó mai, rezultadu ne’ebé sei sai, ami apura de’it rezultadu sentru votasaun no akta orijinál sira ne’ebé lori mai, ida ne’e mak sei halo, ne’e para públiku bele komprende no hatene ida ne’e no prosesu sira tuir mai,” Prezidente CNE, José Agostinho da Costa Belo hateten ba jornalista sira iha Sala Konferénsia Imprénsa CNE, Caicoli, Dili, Sesta (25/03/2022).

Númeru ne’e CNE labele fó sai lai tanba sei elabora akta ho durasaun tempu oras 72 tán. Hafoin termina, CNE sei halo konferénsia imprénsa ikus liu, hosi rezultadu ne’ebé kompletu.

CNE mós sei hala’o plenária, entre komisáriu sira hodi aprova kona-bá rezultadu Apuramentu Nasionál ne’ebé sira halo.

Advertisement

Depois plenária ne’e sei fó sai totál votu nulu no reklmadu hira mak sai fali votu álidu, hodi atribui ka aumenta tán ba kada kandidatu.

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Prezidente Repúblika Simu Karta Kredensiál Hosi Embaixadór Extraordináriu-Plenipotensiáriu Repúblika Ángola

Published

on

Hatutan.com, (23 Maiu 2024), Díli—Prezidente Repúblika (PR), José Ramos-Horta, Kinta (23/05/2024) ne’e simu karta kredensiál husi Embaixadór foun Extraordinário no Plenipotensiáriu Repúblika Angola José Andrade de Lemos, iha Palásiu Prezidensiál.

(more…)

Kontinua Le'e

Polítika

Públiku Seidauk iha Koñesimentu bá Dekretu-Lei Kona-bá Asesu Dokumentu Ofisiál sira

Published

on

Hatutan.com, (23  Maiu 2024), Díli–Parlamentu Nasionál (PN) liuhosi membru Bankada FRETILIN, Joaquin dos Santos, rekoñese  públiku seidauk iha koñesimentu kona-bá Dekretu-Lei nú.43/2016, 16 fulan-Outubru,  regra sira kona-bá asesu dokumentu ofisiál sira tanba laiha sosializasaun.

(more…)

Kontinua Le'e

Polítika

Ramós-Horta Fó Posse bá Embaixadór Dezignadu TL bá Vietnam ho Malázia

Published

on

Hatutan.com, (22 Maiu 2024), DíliPrezidente Repúblika (PR), José Ramós-Horta fó posse bá Embaixadór dezignadu Timor-Leste (TL) nian bá Repúblika Sosialísta Vietnam, João Pereira no Lizualdo Gaspar nu’udár Embaixadór foun bá Malázia.

(more…)

Kontinua Le'e
Advertisement

Trending