Hatutan.com, (21 Abríl 2022), Díli-Polísia Nasionál Timor Leste (PNTL) liuhusi operasaun Kuarta-kalan (21/04/2022), iha Kapitál Díli, halo apreensaun ba motór 14 no karreta tolu tanba viola lei kódigu estrada.

Lee Mós: Operasaun Kalan, PNTL Prende Motór 45 iha Díli

Komandante PNTL Munisípiu Díli, Superintendente Xefe Polísia Henrique da Costa. Foto/Hatutan.com

Komandante PNTL Munisípiu Díli, Superintendente Xefe Henrique da Costa, Kinta (21/04/2022), informa katak operasaun ne’e nia alvu atu haree liubá sasán kro’at sira  tanba iha informasaun ne’ebé  empalla katak, deskonfia ema ka grupu balu mak utiliza sasán kro’at hodi halo movimentu ba mai iha kapitál nasaun.

“Liga ba informasaun katak ema sei lori sasán kro’at, halo ida ne’e, halo ida ne’ebá, entaun ita halo hela operasaun ne’e. inklui haree mós dokumentu ba transporte sira,” Henrique da Costa informa.

Nia  husu ba komunidade sira ne’ebé karik hetan ka koñese ema ruma ne’ebé lansa informasaun oioin iha média sosiál sira, ho liafuan kro’at, bele informa direta ba parte PNTL hodi foti medida sira tuir lei haruka.

Jornalista: Rogério Pereira Cárceres