Connect with us
Pakote Ahi

Figura

Xefe Estadu Kondekora Embaixadór Andrew Jacobs ho Grau Colar Ordem de Timor-Leste

Published

on

Hatutan.com, (07 Jullu 2022), Díli- Prezidente Repúblika (PR), José Ramos-Horta, kondekora Embaixadór Uniaun Europeia (UE), Andrew Jacobs ho grau Colar da Ordem Timor-Leste bá dedikasaun no servisu tomak ne’ebé embaixadór ne’e halo durante mandatu iha Timor-Leste.

Prezidente Repúblika (PR), José Ramos-Horta, kondekora Embaixadór Uniaun Europeia (UE), Andrew Jacobs ho grau Colar da Ordem Timor-Leste. Foto/Media GPR

Prezidente Repúblika, José Ramos-Horta iha diskursu despedida ho Embaixadór UE, iha Palásiu Prezidensiál Kinta (07/07/2022), hateten Timor-Leste kontinua iha esperansa katak UE sei nafatin sai amigu verdadeiru no solidáriu nu’udár pais terseiru mundu no UE la’ós bloku militár maibé bloku ekonomiku, kultural no identitáriu ne’ebé halo kulturalmente kontinente Europeia tomak riku ho kultura solidariedade.

Nia afirma UE  sai nu’udár país amigu ida solidáriu no ativu tebes apoiu Estadu Timor-Leste iha área dezenvolvimentu Estadu nian iha sistema demokrasia no ajuda mós sosiedade sivíl iha programa sira bá apoiu ambientál ba reflorestasaun  iha váriu rejiaun sira Timor-Leste nian hanesan Baguia, Suai, Venilale, Ossu no fatin seluk tan konforme programa sira UE kobre bá.

“Ha’u nia agradesimentu bá embaixadór nia servisu no ha’u hato’o mós agradesimentu bá ita-nia espoza no bá pesoál hotu delegasaun UE nian iha Díli. Ha’u deseju susesu no fila ho viajen di’ak too iha fatin,” José Ramos-Horta  hateten.

Advertisement

Iha parte seluk, embaixadór UE, Andrew Jacobs, triste tebes husik hela Timor-Leste liu tiha tinan tolu nia misaun iha ne’e, nia hadomi tebes nasaun furak ida-ne’e no sei la haluha timoroan sira.

Nia afirma durante hela iha Timor-Leste, haksolok tamba Timor-Leste no UE sai ona parseiru ne’ebé besik no metin liu no fahe valór xave sira hanesan demokrasia, direitu umanu no  multilaturizmu.

“Timor-Leste hanesan parseiru ida importante tebes bá UE iha Sudeste Aziátiku tamba ita servisu atu aumenta ita-nia influensia iha rejiaun ida-ne’e,” Andrew Jacobs hateten.

Durante tempu iha Timor Leste, UE mós hametin ona nia kooperasaun dezenvolvimentu ho Timor-Leste hodi kontinua fornese apoiu bá Timor-Leste liu husi orsamentu direitu no servisu besik liu ho Governu no sosiedade sivíl iha área nutrisaun, agroflorestal, mudansa klimátika, jestaun finanseiru no desentralizasaun.

Oras ne’e UE halo hela servisu iha programa foun ida ne’ebé haree liubá diversifikasaun ekonómika, dezenvolvimentu setór privadu no formasaun profisionál.

Advertisement

UE mós apoiu preparasaun Timor-Leste nia adezaun bá ASEAN nu’udár previlejiu ida atu haree prosesu demokratiku ne’ebé funsiona ho di’ak iha Timor-Leste durante eleisaun prezidensiál sira no haksolok tebes bele hola parte iha misaun observasaun Eleitorál UE nian no sai sasin ba demokrasia iha nasaun Timor-Leste.

“Aproveita oportunidade ida ne’e hodi agradese bá Xefe Estadu, Governu no povu doben Timor-Leste bá exelente kooperasaun durante tempu naruk iha tinan-tolu nia laran, pasajen sira interesante no gratifikante iha ha’u nia karreira. Timor-Leste sei hela nafatin iha ha’u nia fuan no ha’u nia hanoin,” Andrew Jacobs hateten.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Figura

Prezidente Repúblika Konkorda Rui Pereira bá Lidera CAC

Published

on

Hatutan.com, (18 Juñu 2024), Díli- Prezidente Repúblika (PR), José Ramos-Horta konkorda ho desizaun Governu liuhosi Konsellu Ministru nian hodi propoin bá Rui Pereira dos Santos atu lidera Comissão Anti Corrupção (CAC) bá mandatu tinan haat.

(more…)

Kontinua Le'e

Figura

Prezidente Repúblika Kondekora Suzy Wilson ho Medalla Orden Timor-Leste

Published

on

Hatutan.com, (10 Juñu 2024), Díli- Prezidente Repúblika (PR), José Ramos-Horta kondekora Deputy Head of Mission Embassy Austrália Suzy Wilson ho grau medalla Orden Timor-Leste nu’udár rekoñesimentu ida ba Suzy Wilson nia kontribuisaun ba Austrália no Timor-Leste nia parseria.

(more…)

Kontinua Le'e

Figura

Horta La Preokupa ho Bankada FRETILIN Nia Kritika kona-bá Diskursu iha 20 Maiu

Published

on

Hatutan.com, (22 Maiu 2024), Díli- Prezidente Repúblika (PR), José Ramos-Horta la preokupa ho kritika husi Bankada Parlamentár FRETILIN nian ne’ebé kestiona nia  diskursu iha serimónia restaurasaun independénsia bá dala-XXII (20 Maiu 2002-20 Maiu 2024) ne’ebé Bankada FRETILIN konsidera la reflete ho povu nia moris.

(more…)

Kontinua Le'e

Trending