Connect with us
Pakote Ahi

Nasionál

Xanana ho Kardeál Dom Virgílio Hahú Ko’alia Papa Nia Vizita Mai TL

Published

on

Hatutan.com, (29 Agostu 2022), Díli-Enviadu Espesiál Estraordináriu Prezidente Repúblika nian, Kay Rala Xanana Gusmão ho Sua Eminénsia Kardeál Dom Virgílio do Carmo da Silva, SDB, hahú ko’alia ona planu vizita Papa Francisco nian atu mai Timor-Leste iha tinan oin.

Lee Mós : Kardeál Foun Sai Roman bá Sarani Tomak Maromak Nian

Enviadu Espesiál Estraordináriu Prezidente Repúblika nian, Kay Rala Xanana Gusmão ho Sua Eminénsia Kardeál Dom Virgílio do Carmo da Silva,SDB, hasoru malu informal iha estada área Rezidénsia Paulo VI, Bazílika Santu Pedro, Roma, Domingu (28/08/2022). Foto/Media PR

Liuhosi hasoru malu informal iha estada área Rezidénsia Paulo VI, Bazílika Santu Pedro, Roma, Domingu (28/08/2022), Xanana ho Dom Virgílio, ko’alia mós vizita Vise Primeiru-Ministru Vatikanu nian atu vizita Timor Leste loron 19 fulan-Setembru 2022 hodi inaugura edifísiu permanente Nunsiatura Apostólika Santa Sé iha Motael, Dili.

Xanana ho Dom Virgílio hasoru malu ho espontánea no sertamente sira na’in-rua  kaer-liman no hakuak malu ho espresaun kontente. Sira na’in-rua la espera atu hala’o viajen bá Bazílika Santu Pedro no hasoru malu hodi hasai telefone halo selfie.

Advertisement
Monta Publisidade

Komunikadu imprensa ne’ebé Hatutan.com asesu hosi ofisial media Palásiu Prezidensiál nian, Segunda (29/08/2022), haktuir katak lider Istóriku Xanana no Kardeál Dom Virgilio ho asesór Polítiku Prezidente Repúblika, Tomas do Rosário Cabral, no eis Embaixadór Timor-Leste ba Singapura, Roberto Soares, kontinua kedas konversa hodi introdús vizita hasoru Papa Francisco hodi informa pozisaun Timor-Leste husu Papa Francisco ninia disponibilidade vizita Timor-Leste.

Kardeál Dom Virgílio mós espresa nia kontente durante serimónia simu konsistóriu ordináriu públiku hosi Papa Francisco iha Igreja Bazílika Santu Pedro laran, nia hatene haree  hetan, Xanana Gusmão tuur kedas liña kadeira VIP besik kedas Papa nia sorin ho delegasaun Timor-Leste nian.

Lee Mós : Papa Francisco Kontente ho Esforsu TL bá Hametin Dame no Promove Toleránsia

“Ha’u kontente tebes iha serimónia ne’e, ha’u hateke bá kadeira oin, ha’u haree maun Xanana fuuk mutin tuur kedas iha oin, ha’u kontente tebes bele mai partisipa iha ne’e,” Kardeál Dom Virgílio hateten ba Xanana ho kontente.

Xanana ho Kardeál Dom Virgílio hasoru malu ho sarani sira balun iha estada área Rezidénsia Paulo VI, Bazílika Santu Pedro, Roma, Domingu (28/08/2022). Foto/Media PR

Dom Virgílio hatutan, hafoin nia simu tiha konsistóriu ordináriu públiku, Papa Francisco konvida sira kardeál hotu hodi husu atu kardeál hotu kontinua tau matan bá sarani hodi hametin sira-nia fé no moris iha toleránsia iha  sosiedade  ida dame no unidade.

“Papa dehan, favór imi tau matan didi’ak bá imi nia povu,” Kardeál haktuir Papa nia lia menon.

Advertisement
Monta Publisidade

Xanana mós esplika bá kardeál katak, antes serimónia hahú Papa Francisco konvida sira hotu ba kumprimenta Papa, no baihira hasoru malu Papa Francisco konsidera Xanana lider úniku no kómiku sempre hamutuk ho nia povu iha kualkér situasaun no kualkér fatin.

“Antes serimónia Papa konvida ami hotu ba kumprimenta papa, papa dehan ba ha’u. “Voce é homen muito amor”. Nune’e ami hamnasa, no ha’u dehan ba, “Sua-Santidade, sem graca, sem amor, no ita nia moris ne’e la felís,” Xanana haktuir. 

Lee Mós : Sé Mak Kardeál?

Asuntu seluk ne’ebé Xanana no Kardeál ko’alia maka hato’o agradese bá Estadu Timor-Leste ho Igreja organiza hela sarani sira nia preparasaun atu realiza misa agradesimentu simu Kardeál foun bainhira fila bá Dili.

Hafoin hasoru malu, Xanana ho delegasaun kontinua kedas vizita bá fatin turizmu relijiozu sira iha Bazílika Santu Pedro, Piazza Del Popolo Roma no fatin istóriku seluk tan.

Advertisement
Monta Publisidade

Iha loron 31 fulan-Agostu, Enviadu Espesiál Presidente Repúblika Xanana Gusmão sei hasoru malu ho timoroan sira hodi hala’o enkontru no serimónia agradesimentu hamutuk ho Kardeál no Embaixada Timor-Leste iha Vatikanu.

Jornalista : Vito Salvador 

 

 

 

Advertisement
Monta Publisidade

 

Nasionál

Governu La Prevee Osan iha OJE 2023 bá Validasaun Dadus Veteranu 2009

Published

on

Hatutan.com, (28 Marsu 2023), Díli- VIII Governu Konstitusionál ne’ebé lidera hosi Primeiru-Ministru (PM), Tau Matan Ruak, komprometidu antes ona atu halo validasaun bá dadus veteranu sira ne’ebé rejistu iha tinan 2019 iha fulan-Fevereiru 2023. Maibé, derrepente de’it Governu liuhosi Ministériu Asuntu Kombatente no Libertasaun Nasionál (MACLN, sigla portugés) deside seidauk bele publika validasaun naran veteranu sira ne’e tanba razaun evita atu ema politiza tanba Timor-Leste tama daudaun tinan polítika bá eleisaun jerál 2023.

(more…)

Kontinua Le'e

Nasionál

CNE Sei Organiza Semináriu Nasionál Fasilita ParPol Hato’o Vizaun Polítika ho Programa

Published

on

Hatutan.com, (27 Marsu 2023), Díli- Comissão Nasionál das Eleições (CNE) sei organiza semináriu nasionál hodi fasilita partidu polítiku (ParPol) bele hato’o sira -ia vizaun polítika no programa iha kampaña eleisaun parlamentár (Elpar) 2023.

(more…)

Kontinua Le'e

Nasionál

Portadór Defisiénsia 150 Iha Bobonaro Hetan Apoiu Hosi Prezidénsia Repúblika

Published

on

Hatutan.com, (24 Marsu 2023), DíliPrezidénsia Repúblika liu hosi Diresaun Inkluzaun Sosiál oferese nesesidade bázika hanesan pakote alimentasaun bá ema ho defisiénsia na’in 150 iha Postu Administrativu Atabae, Maliana, Bobonaro, Lolotoe, Balibo no Cailaco, Munisípiu Bobonaro.

(more…)

Kontinua Le'e
Advertisement Monta Publisidade

Trending