Justisa & Krime
Komisáriu Adjuntu CAC Husu Prezidente Repúblika Veta Alterasaun Dekretu Lei Subsídiu $200
Hatutan.com, (02 Outubru 2022), Díli—Adjuntu Komisáriu Comissão Anti Corrupção (CAC), Luís Oliveira Sampaio husu Prezidente Repúblika, José Ramos-Horta atu Veta Proposta Altersaun Dekretu Lei nú. 37/2022 loron 25 fulan-maiu kona-bá subsídiu fim do ano ba uma-ka’in sira.
Adjuntu Komisáriu Comissão Anti Corrupção (CAC), Luís Oliveira Sampaio.
“Husu Prezidente Repúblika Veta Proposta Altersaun Dekretu Lei nu. 37/2022. Ita nia dignidade, ita-nia morál polítiku Estadu no sensibildade umana nian tau iha ne’ebé?. Ita nia dignidade nu’udár Prezidente Repúblika, Prezidente PN, PM, Vise PM, Prezidente Konsellu Ministru, Ministru, Vise Ministru, Komisáriu, Komisáriu-Adjuntu, kargu diresaun no xefia sira ne’ebé ita asume ho prestíjiu boot no oioin afinál nia folin $200,” Hatutan.com sita deklarasaun aberta Luís Oliveira Sampaio iha ninia konta privada facebook.
Lee Mós:Subsídiu “Fim do Ano” Atribui Bá Ema ho Rendimentu Ki’ik no Vulneravel La’ós Universál
Bainhira Hatutan.com komunika formalmente ho Adjuntu Komisáriu Luís Oliveira Sampaio via WhatsApp atu publika deklarasaun ne’e, nia parte autoriza tanba konsidera asuntu ne’e importante no subsídiu ne’e merese de’it ba ema vulnerável sira.
“Ne’e forma ida hosi ‘korrupsaun polítika’ tanba utiliza ita-nia podér hodi halo desizaun polítika ilejítimu ba interese partikulár,” nia deklara.
Adjuntu Komisáriu CAC ne’e konsidera katak, alterasaun ba dekretu lei ne’e hatudu polítiku sira ba hadau-malu fali ho povu kbit-laek sira nia direitu no polítika ne’e hatudu hela katak, la’ós povu kbiit-laek sira mak vulverálvel maibé polítiku no governante sira mak psikolojikamente “vulnerável” liu.
“Polítika públiku ne’ebé la promove boa-governasaun tanba ne’e Prezidente nesesariamente presiza veta Dekretu-Lei versaun alteradu no orienta atu atribui ba duni povu kbiit laek sira liuliu inan feto sira ne’ebé servisu kalan loron iha dalan ninin, mota Comoro no sira seluk tán,” subliña.
Iha artigu 1 (2) hosi Dekretu-Lei nú.37/2022 versaun orijinál defini klaru ona katak, subsídiu ne’e ba família ne’ebé ekonómikamente vulnerálvel.
Maibé tanbasá tenke halo fali proposta alterasaun ba Dekretu Lei ne’ebé seidauk implementa, hosi perspetiva no pontu-de-vista prevensaun polítika ne’e introdús nakonu ho konflitu interese ne’e nu’udár forma ida hosi korrupsaun.
Luís Oliveira Sampaio fó-hanoin katak, Prezidente Repúblika deklara ona sei la simu, deputadu no deputada sira iha PN deklara ona atu la simu, maibé deklarasaun ne’e tenke konkretiza liu hosi mekanizmu própriu. Bainhira deklarasaun mamuk de’it sei la iha sentidu.
Antes ne’e, Konsellu Ministru (KM) aprova projetu Dekretu-Lei, ne’ebé aprezenta hosi Vise-Primeira-Ministra no Ministra Solidariedade Sosiál no Inkluzaun, Armanda Berta dos Santos, ba alterasaun dahuluk ba Dekretu-Lei nú. 37/2022, loron 25 fulan-maiu, kona-bá subsídiu fim do ano ba uma-ka’in sira.
Ho intervensaun lejizlativa ida-ne’e hala’o ajustamentu ba testu redasaun Dekretu-Lei ne’e, hodi evita dúvida ruma kona-bá se mak benefisiáriu sira hosi apoiu sosiál ne’e, nune’e reafirma fila-fali desizaun hodi atribui subsídiu ba uma-ka’in sira hotu, ne’ebé halo ona rejistu to’o loron 28 fulan-fevereiru tinan 2022, independentemente hosi sira iha situasaun vulnerável ka la’e ka independentemente hosi sira iha membru balun ne’ebé fó atividade profisionál iha ámbitu administrasaun públika nian ka la’e.
Lee Mós: Subsídiu “Fim do Ano” $200 ho Forma Universál Hanesan Korrupsaun no Fó Todan bá Despeza Estadu
Prezidente Repúblika Sei La Simu Subsídiu “Fim do Ano” no Husu Governu Atribui Bá Povu Vulnerável
Subsídiu Universal $200 bá Uma-Kain iha Poténsia Governu Viola Rasik Nia Dekretu-Lei
Aplikasaun Universal Subsídiu “Fim do Ano” $200,00 Kada Uma-Kain Kria Injustisa Sosiál
Jornalista: Rogério Pereira Cárceres
Justisa & Krime
Tribunál Aplika Prizaun Preventiva Bá Sidadaun Indonézia Ne’ebé Atu Vota Iha Darulete
Justisa & Krime
Julgamentu Bá Sidadaun Indonézia Ne’ebé Atu Vota Iha Darulete, Defeza Husu Aprezentasaun Periódika
ABC Austrália Apoia Rihun $53 bá Dezenvolvimentu Mídia Timor-Leste
PPN Aseita Posse Bá Membru Lejislativa Foun Iha Juñu
Daftar Negara dengan Perokok Laki-Laki Terbanyak di Dunia, Timor Leste Peringkat Ketiga
Bele Ka La’e, Jornalista Involve Iha Atividade Partidu Polítiku?
Servisu Sekreta Detein Sidadaun Na’in-tolu Hatama “Surya 12” Ilegál
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Polítika2 days agoLere Deklara Nia Mak Fó Informasaun bá Somotxo Kona-bá Planu Demisaun
-
Justisa & Krime6 days agoTribunál Absolve José Reis, Bartolomeu ho João Baptista hosi Kríme Fraúde Fiskál
-
Defeza & Seguransa7 days agoKomisaun B PN Kestiona Prosesu Reforma Membru PNTL Na’in-158
-
Nasionál1 day agoDeskonfia, Jornalista Ajénsia Notisioza Tatoli,I.P Sai Mídia Ekipa Susesu Kampaña CNRT
-
Polítika3 days agoDeskobre Estratéjia sira Kontribui bá Vitória CNRT iha Eleisaun 2022-2023
-
Polítika1 week agoPD Atu Hola Parte Iha Formasaun Governu Da-sia Depende Bá CNRT
-
Nasionál4 days agoProjetu Timor Dijitál 2032, Bá Programa Edificador Úniku TIC Timor Sei Gasta Millaun $13,8
-
Ekonomia1 week agoWaskita Garap Proyek Bandara Udara Timor Leste Senilai 72 Juta Dolar AS