Connect with us
Pakote Ahi

Baucau

Padre Locatelli Agradese Apoiu Prezidente Repúblika Bá Komunidade Suku Lima

Published

on

Hatutan.com, (05 Novembru 2022), Baucau- Padre Elígio Locatelli, SDB, hamutuk ho komunidade suku lima agradese Prezidente Repúblika (PR), José Ramos-Horta, bá apoiu osan ho montante $50,000 hodi fasilita komunidade normaliza irrigasaun tradisionál sira.

Padre Elígio Locatelli, SDB. Foto/Vito Salvadór

Komunidade benefisiáriu hosi apoiu Prezidente Repúblika nian ne’e, kompostu hosi Suku  Samalari, Uma-Ana-Ulo, Loilubu (Watulari), Gariuai ho Berecoli.

Apoiu ne’e bele halo kmaan netik komunidade agrikultór sira-nia halerik, liuliu kona-bá kondisaun irrigasaun hodi bele fasilita sira halai natar no halo to’os.

Padre Elígio Locatelli Sesta (04/11/2022) iha Fatumaca,  Baucau, hateten tinan-tolu ona, sira preokupa kona-bá fila rai no preparasaun irrigasaun tradisionál ba iha natar sira ne’ebé kada tinan sempre hetan estragu.

Advertisement

“Prezidente Repúblika rasik mak telefone há’u hateten katak ami husi Prezidénsia bá programa fila rai nian ami bele ajuda osan $50,000 tanba ne’e ha’u agradese bele tulun komunidade sira halo toos no natar,” Padre Elígio Locatelli hateten.

Apoiu ne’ebé mai hosi gabinete Prezidénsia  Repúblika sei utiliza hodi tulun komunidade sira, liuliu halo intensivu bá tratór sira ne’ebé fila rai tanba tratór sira ne’ebé avaria obriga komunidade sira tenke halo esforsu atu bele rekompensa tempu sira ne’ebé liu daudaun.

“Há’u kontaktu tiha ona Acelda Unipesoal.Lda no nia prontu apoiu tratór haat no ha’u hateten empreza ne’e katak komunidade sira selu direitamente $5,00 no $ 10,00 ami seluk hodi osan ne’ebé prezidente repúblika apoiu no nia aseita, no ami konsege fila rai barak no duni tempu ne’ebé liu tiha ona,” Nia hateten.

Saserdote ne’e hatutan kona-bá atu halo natar nian Prezidente Repúblika apoiu mós orsamentu kuaze $30,000 no gazóleu hamutuk litru 5000, no husi apoiu sira ne’ebé iha bele tulun hakmaan ona komunidade sira bá prepara no hadi’a irrigasaun sira ne’ebé iha ba natar sira.

“Há’u hare udan mai sedu loos maibé ho apoiu ne’ebé iha há’u hanoin iha fulan-Novembru nia laran ne’e, ami bele prepara para natar sira mós bele halo,” Padre Locatelli hateten.

Advertisement

Bua ne’ebé Padre Locatelli husu bá Prezidente Repúblika tamba reflete ho situasaun no realidade ne’ebé povu sira preokupa liga ho sira-nia servisu no moris loroloron nian.

Apoiu ne’ebé mai husi prezidente repúblika la’ós de’it esperansa mamuk maibé realidade ne’ebé lori ksolok bá povu sira ne’ebé sai hanesan benefisiáriu direita husi apoiu ne’ebé iha.

Iha fatin hanesan Xefe Suku Uma-Ana-Ulo, Vicente de Sousa Boavida, hateten hanesan Xefe Suku hodi komunidade tomak nia naran agradese tebetebes bá apoiu ne’ebé Prezidente Repúblika fó bá sira liuhosi esforsu komunikasaun Padre Locatelli.

Nia afirma, komunidade sira ne’ebé hela besik área Fatumaca desde uluk kedas moris ho padre Locatelli, desde tempu funu too ohin loron komunidade sira nia dependénsia makas bá tulun husi Padre Locatelli ninian tamba ne’e kada tinan padre sempre halo esforsu atu oinsá komunidade sira bele kontinua halo sira nia toos no natar.

Daudaun ne’e komunidade sira hahú kuda ona batar no iha fulan-Novembru ne’e sira mós sei kuda hare bá natar sira lubun ne’ebé pertense bá suku lima nu’udár benefisiáriu bá apoiu hosi Prezidente Repúblika.

Advertisement

Xefe suku Samalari, Rui Seltoriu M. Sequeira hateten, desde tempu okupasaun Indonézia  too ohin loron, komunidade sira ne’ebé hela hale’u koléjiu Dom Bosco Fatumaca moris hamutuk ho padre Locatelli no kada tinan uainhira halo toos no natar sempre tau laran metin bá tulun sira ne’ebé padre Locatelli oferese.

Iha Suku Samalari iha natar kuaze ektare 1000-resin nune’e uainhira komunidade sira halai natar hotu kada tinan nia produsaun bele garante bá postu Baucau Villa tomak atu konsumu no bele reduz dependénsia komunidade sira nian bá foos importasaun.

“Ami agradese bá apoiu ne’ebé Prezidente Repúblika fó bá ami liuhosi Amu Locatelli no koléjiu Fatumaca,” Rui Seltoriu M. Sequeira hateten.

Diretór Jerál Prezidénsia Repúblika, Domingos Amaral hateten apoiu ne’ebé Prezidente Repúblika fó uitoan ka barak ne’e hanesan atu intensiva komunidade sira hodi bele halo to’os no natar, tamba ida ne’e Governu nia knaar.

“Prezidente Repúblika fó ajuda atu komunidade sira bele hahú daudauk atividade balun hodi hein Governu nia tulun. Tamba ne’e ami fiar katak Padre Locatelli ema ida ne’ebé servisu bá komunidade no jestaun iha amu nia liman, husu de’it mak autoridade lokál sira servisu hamutuk ho amu hodi lori moris di’ak ba povu,” Domingos Amaral hateten

Advertisement

Asesór Prinsipál Prezidente Repúblika, Tomas do Rosário Cabral hateten, Prezidente Repúblika fó ajuda tuir kbiit no kapasidade Prezidénsia Repúblika nian.

Apoiu ne’ebé Prezidente Repúblika fó iha faze rua;  ida bá halo manutensaun ba ekipamentu pezadu ne’ebé durante ne’e padre Locatelli utiliza hodi apoiu komunidade sira no ida seluk mak apoiu intensivu atu komunidade sira bele halo to’os no natar inklui bele normaliza irrigasaun tradisionál sira ne’ebé iha bá natar komunidade nian.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Baucau

Komunidade Uma-Kain 60 iha Uma-Ana-Iku Triste ho Atitude Autoridade BTL,E.P Baucau Tesi-Kotu Kanu Distribuisaun Bee-Moos bá Sira

Published

on

Hatutan.com, (23 Janeiru 2024), Baucau-Komunidade uma-kain 60 ne’ebé horik iha área Uma-Ana-Iku, Suku Bahu, Postu Administrativu Baucau Vila, Munisípiu Baucau, lamenta no triste ho atitude Diretora Bee Timor-Leste, Empreza Publika (BTL,E.P) Munisípiu Baucau, ne’ebé ho ‘arrogánsia’ tesi-kotu kanu distribuisaun bee-moos bá sira-nia horik fatin, Segunda (22/01/2024).

(more…)

Kontinua Le'e

Baucau

MS Kontinua Implementa Servisu Integradu Saúde Iha Baucau

Published

on

Hatutan.com (24 Novembru 2023), Baucau—Ministeriu Saúde (MS) liu hosi programa servisu integradu saúde kontinua koordena ho liña sektorais iha sentru saúde sia (9)  iha munisipu Baucau.

(more…)

Kontinua Le'e

Baucau

Sentru Saúde Quelicai Enfrenta Problema Barak-liu

Published

on

Hatutan.com (24 Novembru 2023), Baucau— Sentru Saúde iha Postu Admistrativu Quelicai, munisípiu Baucau enfrenta problema barak liu.

(more…)

Kontinua Le'e
Advertisement

Trending