Connect with us
Pakote Ahi

Saúde

Ministériu Saúde Halo Diseminasaun Rejime Espesiál bá Profisionál Saúde

Published

on

Hatutan.com, (01 Marsu 2023), Díli – Ministériu  Saúde (MS), Kuarta (01/03/2023), halibur profisionál na’in-600-liu iha Salaun Delta Nova, Díli, hodi halo diseminasaun Lei no  Dekretu-Lei rejime espesiál ba profisionál saúde.

Lee Mós : Edifísiu Sentru Saúde Atsabe Ameasadu Hosi Rai-Halai

Iha alterasaun primeiru bá Dekretu-Lei nú.13/2012 kona-bá asuntu balu ne’ebé maka hamosu dezigualdade iha ninia remunerasaun no tratamentu sira.

Advertisement

Diretór Jerál Kooperativu Ministériu Saúde, Marcelo Amaral. Foto/Lazaro Pereira Quefi

“Presiza  halo alterasaun  no Dekretu-Lei nú.86 Dezembru 2022, atu nune’e, bele asegura didi’ak tratamentu ne’ebé iguál bá direitu profisionál  saúde sira hotu iha territóriu nasionál,”  diretór jerál kooperativu MS, Marcelo Amaral esplika.

Momentu oportunu ne’e Ministériu Saúde konvida reprezentante profisionál saúde husi sentru saúde hotu-hotu,  ospitál sira hotu, instituisaun públiku sira tutela bá Ministériu Saúde no mós servisu sentrál  atu diskute kona-bá Dekretu-Lei ne’e liu-liu relasiona ho regulamentasaun ninia implementasaun bá iha dekretu lei ne’ebé agora daudauk  altera ona.

Dekretu-Lei ne’ebé la fó dalan ba klínika privadu sira maibé komesa 2012 sa’e mai Dekretu-Lei ne’e bandu mas agora la’o nafatin tanba ne’e maka presiza tenke regula tanba dalaruma prodús tiha lejizlasaun sira mas la ezekuta ho didi’ak.

Iha fatin hanesan Prezidente Komisaun Funsaun Publika (CFP, sigla portugés),  Faustino Cardoso hateten eventu ne’e lidera husi Ministériu Saúde liu husi diresaun jerál servisu kooperativu hamutuk ho diresaun nasionál jestaun rekursus umanu nian lori profisionál saúde sira tantu médiku, enfermeiru, parteira no tékniku aliadu sira ne’ebé partisipa iha ne’e atu partilla bá malu ka esklarese ba malu  konteúdu Dekretu-Lei ne’ebé hetan alterasaun kona-bá rejime profisionál saúde sira nian atu tama iha faze implementasaun ne’e la’o ho di’ak ho efisiénsia no efikásia.

Prezidente CFP,  Faustino Cardoso. Foto/Lazaro Pereira Quefi

“Ita  iha esperiénsia Dekretu-Lei sira uluk ne’e promulga  tiha la liu husi prosesu esklaresimentu ka diseminasaun hodi nune’e ema profisionál saúde sira bele esklaresidu no hatene, nune’e bá jestór sira mós komprende hodi bele implementa tuir saida maka Dekretu-Lei ne’e husu,” Faustino Cardoso tenik.

Situasaun ida ne’ebé maka sai kestaun atu destaka ne’e maka oinsá médiku sira bainhira asume kargu diresaun xefia iha administrasaun iha jestaun karik oinsá indikasaun bá sira-nia estatutu nu’udar profisionál saúde tuir rejime ida-idak nian, Dekretu-Lei foun nú.86/2022 ne’e buka atu esklarese no hatudu dalan kona-bá ida-ne’e.

Faustino Cardoso hateten, sira lubun ida mak tama ba kategoria idade mais  60 anus, agora situasaun kona-bá sira oinsá ne’e tenke haree ho polítika reforma, hahú hosi autorizasaun  lejizlativa ne’ebé parlamentu aprova tiha ona.

Advertisement

Jornalista Estajiáriu : Lazaro Pereira Quefi/Dirce Sandra da Costa Gomes

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Saúde

Sali-Magu Hatama Soru-Been Kontentór Haat no Ai-moruk ho Reajente Item 34 Sai Ona hosi Portu Tibar Mai INFPM

Published

on

Hatutan.com, (24 Maiu 2024), Díli—Empreza nasionál Sali-Magu,  Kinta loraik (23/05/2024), hatama soru-been iha kontentór haat  (4) bá Institutu Nasionál Farmasia no Produtu Medikamentu ( INFPM) iha Kampu Alor, Díli.

(more…)

Kontinua Le'e

Saúde

Estoke Out Ai-Moruk 31%, Governu Aloka Tan Millaun $8 bá INFPM Sosa Ai-moruk

Published

on

Hatutan.com, (22 Maiu 2024), DíliDaudaun ne’e  estoke out ai-moruk iha Institutu Nasionál Farmasía no Produtu Medikámentu ( INFPM) 31% bá iha vitál, esensiál no nesesáriu. Ho nune’e, estoke on hand ka iha ona INFPM nia liman 67%.

(more…)

Kontinua Le'e

Saúde

71% Ai-moruk iha Ona INFPM no Stock Out 29%

Published

on

Hatutan.com, ( 07 Maiu 2024), Díli—Daudaun ne’e ai-moruk esensiál, vitál no nesesáriu iha ona (stock on hand) Institutu Nasionál Farmásia no Produtu Médiku (INFPM) 71% no ai-moruk hamutuk 29% mak stock out.

(more…)

Kontinua Le'e
Advertisement

Trending