Hatutan.com, (28 Outubru 2023), Covalima- Komunidade ka eleitór  iha aldeia tolu kompostu husi Aldeia Fatuk-Metan, Nikir no Wala,  Suku Beiseuk, Postu Administrativu Tilomar, Munisípiu Covalima, ho entuziazmu ezerse sira nia direitu ba votu eleisaun órgaun suku 2023.

Lee Mós: Abitante Suku Lakumesak Preokupa Bulletin Votu Kandidatu Xefe Aldeia Hakerek ho Liman no La Tau Foto

Eleisaun Órgaun Suku iha Suku Beiseuk, Postu Administrativu Tilomar, Munisípiu Covalima, 28 fulan-Novembru 2023. Foto/Gloria Maia

Tuir observasaun Hatutan.com, iha tuku 8:00 dadeer, komunidade ka eleitór sira hahú forma hodi rona informasaun ka esplikasaun husi brigada  Sekretaria Téknika Administrasaun Eleitorál (STAE)  u iha sentru votasaun Eskola Báziku Filiál Fatuk-Metan.

Esplikasaun ne’ebé relata hosi brigada STAE  kona-bá oinsá eleitór  sira, atu hili ka tuu tuir númeru kandidatu sira ne’ebá maka taka ona iha parede hodi eleitór sira hatene, kandidatu se-se maka sira atu hili.

Total kandidatu xefe suku iha Suku Beiseuk hamutuk, na’in-neen (6) kompostu husi feto ida no mane na’in-lima, no xefe Aldeia husi aldeia tolu nee hamutuk na’in-ualu (8), iha Aldeia Fatuk-Metan na’in-tolu, iha Aldeia Waka na’in-tolu, no Aldeia Nikir na’in-rua.

Hosi total kandidatu nee feto ida no mane hitu, no mos kandidatu delegadu no delegada hamutuk 11, husi aldeia Fatuk-Metan hamutuk na’in lima, kompostu husi feto rua, mane tolu, aldeia Wala na’in-haat; feto tolu, Mane Ida, no Aldeia Nikir hamutuk na’in-rua; feto ida, mane ida.

Jornalista: Gloria Maia