Justisa & Krime
PGR Kontinua “Taka-Ibun” bá Kazu Set-top Box RTTL, E.P
Hatutan.com, (28 Novembru 2023), Díli— Ministériu Públiku (MP) liu hosi Procurador Geral Republika (PGR) Alfonso Lopez, kontinua lakohi fó komentariu kona-bá prossesu investigasaun bá kazu projetu instalasaun Set-top Box RTTL,E.P.
Set-top Box/dexodificador RTTL,E.P ne’ebé komunidade fó fila hodi rai deit iha Sede Suku Fatuhada, Dili. Foto/Hatutan.com
Tuir informasaun hosi Komisaun Anti Korupsaun (KAK), averriguasaun bá kazu ne’e konklui ona, nune’e enkamiña ona bá Ministériu Públiku (MP), maibé to’o ohin loron seidauk iha rezultadu.
Lee Mós: Deskonfia, PGR Alfonso Lopez “Budu” Kazu Set-top Box RTTL,E.P
Bainhira Jornalista Hatutan.com tenta entrevista PGR, Alfonso Lopez hodi husu kona-bá progressu investigasaun bá kazu ne’e, maibé nia parte lakohi fó komentáriu tanba atu foku de’it bá serimónia Proklamasaun Independénsia bá dala-48.
“Ita mai foku de’it bá atividade serimónia ne’e. Tanba ne’e, ita haree de’it bá ajenda serimónia ne’e,” Alfonso Lopez hateten ba Jornalista Hatutan.com iha Palásiu Prezidensiál Bairru-Pité, Tersa (28/11/2023).
Iha loron 24 fulan-Juñu 2022, Komisaun Anti Korrupsaun (KAK) submete ona relatóriu investigasaun finál bá Ministériu Públiku (MP) kona-bá kazu projetu instalasaun Set-top Box/dexodificador Rádiu Televizaun Timor Leste, Empreza Públiku (RTTL,E.P) ne’ebé KAK mós deskobre katak iha indísiu fó prejuizu bá Estadu.
Konteúdu hosi relatóriu ne’e, KAK konsege identifika arguidu sira, inklui prejuízu indireta no direta bá Estadu ho valor liu $60,000.00.
Tinan ida liu ona (fulan-Juñu 2022-2023) kazu ne’e pendente hela iha Ministériu Públiku tanba ne’e deskonfia Prokuradór Jerál Repúblika (PGR), Alfonso Lopez “budu” prosesu kazu ne’e to’o agora la iha informasaun no laiha transparente bá públiku kona-bá kazu ne’ebé envolve arguido eis-Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo.
Bazeia bá rezultadu provas dokumental no sasin hamutuk na’in-17, KAK konsege identifika arguidu na’in-haat (4) ne’ebé involve iha krime abuzu bá podér, partisipasaun ekonomia iha negósiu, konflitu interese no burla agravada relasiona ho projetu instalasaun Set-top Box/dexodificador Rádiu Televizaun Timor Leste, Empreza Públiku (RTTL,E.P).
Lee Mós: Deskonfia, MAPKOMS Nu’udar Prezidente FFTL Fó Projetu iha RTTL,E.P Ba Sekretaria FFTL
Jornalista: Gloria Maia
Justisa & Krime
MI Hatun Ona Despaixu Ba Komandu Jerál PNTL Halo Investigasaun Ba Superintendente Asistente Polísia AQ
OJE 2026 Aloka Bá MCAE ho Montante Millaun $8 Resin Aprovadu
Dirijente Sira Husi Diresaun Inspesaun Auditoria Kontrolu Kualidade UNTL Halo Keixa ba Polísia Hasoru Reitór João Soares Martins
Orsamentu Prezidente Repúblika US$12.175.212 Aprova iha Espesialidade
PNTL Baucau Detein Suspeitu Na’in-lima Tenta Lori Mina Tonelada 13 Hatama Ilegál Ba Indonézia
UNDP ho Governu Timor-Leste Sei Lansa Fali Konstrusaun Edifísiu Sentrál RTTL,E.P
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Liquiça6 days agoDirijente SNI Na’in-rua ho Karreta Estadu Transporta Sasán Kontra Bandu
-
Saúde1 week agoGovernu Simu Dokumentu Falsu Barak Liga ho Dívida Husi Ospitál Estranjeiru
-
Defeza & Seguransa1 week agoGovernu Autóriza F-FDTL Fó Apoia Umantária Bá Vitíma Dezastre Naturál iha Filipina
-
Dili5 days agoRSF: Nomeasaun Afiliadu Governu Nian Ba Pozisaun Diresaun Superiór iha RTTL.E.P ho Tatoli,I.P Bele Estraga Independénsia Editoriál
-
Dili1 week agoEUTL husu Tribunál Rekursu Deklara Lalais Konstitusionalidade Ba Halakon Lei Pensaun Mensál Vitalisia
-
Edukasaun1 day agoDirijente Sira Husi Diresaun Inspesaun Auditoria Kontrolu Kualidade UNTL Halo Keixa ba Polísia Hasoru Reitór João Soares Martins
-
Justisa & Krime2 days agoMI Hatun Ona Despaixu Ba Komandu Jerál PNTL Halo Investigasaun Ba Superintendente Asistente Polísia AQ
-
Defeza & Seguransa4 days agoXanana Harohan Ba Maromak ho Rai-Lulik Akompaña Forsa Tarefa Kontijente TL Apoiu Umanitária iha Filipina