Hatutan.com, (19 Fevereiru 2024), Díli- Governu liuhosi Sekretária Estadu Toponímia no Organizasaun Urbana (SEATOU) hamutuk ho ekipa konjuntu Ministériu Obras Públikas (MOP), Sekretáriu Estadu Protesaun Sivíl (SEPS), Sekretáriu Estadu Teras (SET), Autoridade Munisípiu Dili, no Polísia Nasionál Timor-Leste (PNTL) sei sobu obrigatóriu loja sira ne’ebé taka valeta no konstrusaun seluk ne’ebé okupa espasu públiku iha Dili.

Lee Mós: Inundasaun Díli, SEPS Evakua Família Uma-Kain 22

Foto/Repro

Deklarasaun ne’e Hatutan.com asesu liu husi avizu públiku ne’ebé fó sai husi Sekretáriu Estadu Toponímia no Organizasaun Urbana (SEATOU) iha Segunda (19/02/2024).

“Atu hamenus risku inundasaun iha tempu udan, hahú husi loron19 fulan-Fevereiru  2024 bá oin SEATOU hamutuk ho ekipa konjuntu Ministériu Obras Públikas (MOP), Sekretáriu Estadu Protesaun Sivíl (Bomberu), Sekretáriu Estadu Terras, Munisipiu Dili (SEMASA no jestaun Merkadu), PNTL sei sobu loja sira ne’ebé taka valeta no konstrusaun sira seluk ne’ebé okupa espasu públiku iha Munisípiu Díli no territóriu Timor laran tomak,” Hatutan.com sita avizu públiku ne’ebé anunsia no asina  hosi SEATOU.

Iha avizu ne’e mós SEATOU husu atu hotu-hotu koopera no labele impede servisu tékniku sira iha terrenu.

Jornalista: Vito Salvadór