Connect with us
Pakote Ahi

Defeza & Seguransa

Kronolojia Versaun Polísia Kona-bá Kazu Tiru iha Likintae

Published

on

Hatutan.com, (19 Fevereiru 2024), Díli-Komante Jerál Polísia Nasionál Timor-Leste (PNTL), Komisáriu Hendrique da Costa ho  Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul “Falur Rate Laek, Segunda (19/02/2024), konfirma katak, kazu membru PNTL ho inisiál AM ne’ebé tiru membru  F-FDTL Komponente Naval la’ós intensionál maibé deskuida.

Lee Mós: PN Preokupa ho Oknum Seguransa Uza Arma Estadu Tiru Arbiru

Vitíma ne’ebé halo tratamentu iha HNGV no embolku kartus hosi membru PNTL ho inisiál AM iha kazu tiru iha Likintae, Taibesi, Díli, Domingu (18/02/2024). Foto/Foti hosi Facebook

Komandante Jerál PNTL, Komisáriu  Hendrique da Costa haktuir iha Domingu madrugada (18/02/2024), bainhira suspeitu ho inisiál AM nu’udár membru Unidade Espesiál Polísia (UEP) ne’ebá mak kolokadu iha Servisu Informasaun Polísia (SIP) fila hosi serbisu fatin bá uma. Bainhira to’o iha área Likintae, Taibessi, mosu insidente ida iha área refere, iha ne’ebé maka mosu uluk ema nia provokasaun hosi kedas merkadu Taibesse nian.

Ema sira ne’ebé halo provokasaun, utiliza sira-nia transporte motór ida, ne’ebé trasporta ka tula mós ema ida iha kotuk, katak, ema na’in-rua ho motór ida de’it, viájen liuhosi área merkadu Taibessi nian, maibé, sira kontra regra tránzitu nia.

Advertisement

Haree bá violasaun kódigu estrada ne’e,  suspeitu  AM  nu’udár membru PNTL tenta atu fó hanoin, maibé iha tempu ne’ebá la konsege, no nia mós kontínua halo viájen bá to’o iha Likintae nian, mosu sidadaun joven na’in-rua ne’ebé motór foin liu ne’e halo fila-fali provokasaun hasoru nia iha dalan.

“Iha situasaun ne’ebé maka ita-nia membru PNTL ne’e tenta atu aviza bá iha joven na’in-rua ne’e, no nia hasai pistola hodi tiru adverténsia ka fó atensaun, katak nia autoridade seguransa ida, depois nia tiru bá iha alkatraun maka kartuz (bala-musan) haksoit sa’e bá kona ita-nia joven na’in-rua n’’e ida,” Komisáriu jerál Polisia Henrique da Costa, informa liuhosi iha konferénsia imprénsa iha Kuartél Jerál PNTL, Caicoli, Díli.

Hafoin akontesimentu tiru ne’e, ikus família sira ne’ebé hela besik, kontakta kedas bá ambulánsia, hodi lori bá Ospitál Nasionál Guido Valadáres (HNGV) maka identifika katak  joven na’in-rua ne’ebé utiliza motór ne’e (ida tuur kotuk) membru FALINTIL-Forsa Defeza Timor-Leste hosi Komponente Navál.

Mezmu nune’e parte komandu jerál PNTL  orienta kedas ekipa sira iha Departamentu Investigasaun Kriminal Nasionál (DIKN) hodi buka tuir autór. Nune’e, iha Domingu ne’e kedas, purvolta tuku 10:00 dadeersan, suspeitu  AM entrega aan rasik iha Komandu Jeral, no parte investigasaun, kontinua kedas ho ninia prosesu.

Tempu ne’ebá DIKN komunika kedas ho Prokuradór atu hetan orientasaun hodi halo prosesa kazu ne’e no prosesu ne’e rasik DIKN rejsta ho Númeru Úniku Kriminál (NUK) 040/2024.

Advertisement

“Ita hein orientasaun hosi Ministeriu Publiku bainhira maka ita bele aprezenta bá iha MP, atu nunee, prosesa tuir lei,”Komisáriu Polísia Henrique da Costa  hateten.

Oknum PNTL ho inisial AM ne’ebé deskonfia hanesan autór hosi kazu insidente ne’e, dadaun ne’e detein ona iha sela detensaun komandu Munisípiu Díli hodi submete bá prosesu legál sira ne’ebé vigora.

Komandu Jerál PNTL mós orienta ona investigasaun konjunta ne’ebé maka envolve diresaun nasional dixiplina justisa PNTL ho mós parte dixiplina Forsa Defeza nian hodi halo inkéritu konjunta.

Komadante Jerál PNTL mós komunika kedas ho Xefe Estadu Maior Jenerál F-FDTL, Tenente Jenerál Domingos Raúl “Falur Rate Laek”  ne’ebé orienta ona bá superior sira iha baze, atu nune’e, nafatin kontrola no akalma membru sira, tanba ninia prosesu ne’e la’o hela.

“Ita sei la defende ka ita sei lakohi para atu nune’e fo komentáriu ruma, sein desizaun ka rezultadu ne’ebé maka hosi parte judisial sira nian kompeténsia. Purtantu, ita sei la defende buat ida, maibé, ita hakarak atu hatuur katak, ema buat hothotu la’o tuir nia prosesu, kriminal la’o tuir prosesu kriminál, depois dixiplinar mós la’o tuir prosesu dixiplinár nian,” Komandante Jerál PNTL, Komisáriu Heneique da Costa, hateten.

Advertisement

Iha sorin seluk, Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek”, dehan, kazu insidente ne’e, la’ós membru PNTL bá ho planeadu ka intensaun, maibé nia konsidera ne’e hanesan deskuidu.

Falur  Rate Laek haktuir, bainhira nia simu informasaun kona-bá kazu ne’e, nia rasik tun direta bá iha Kuartel Jerál PNTL hodi hakalma situasaun, no halo konfirmasaun katak, loos duni, vítima ne’ebé kanek hanesan soldadu F-FDTL durante ne’e servisu iha Komponente  Navál.

“Domingu horiseik (18/02/2024), ha’u tun bá Kuartel Jerál PNTL, ha’u haree ona,no ha’u akalma situasaun. Ha’u kontaktu Komisariu Jerál PNTL, diretor PCIC no Ministru Defeza, hodi halo intervensaun, tanba ha’u konfirma katak tiru ne’e hanesan deskuidu ida, la’ós ho intensaun atu tiru. Informasaun ne’ebé ha’u simu, hatudu  katak bala la’ós bá direta nia, maibe tiru bá rai mak kartus sai bá kona iha nia,” Falur konfirma ida ne’e iha Sentru Instrusaun Komandante Nicolau Lobato, Metinaro.

Tenente Jenerál Falur Rate Laek afirma tan, “kazu ne’e deskuidu la’ós ho intensaun atu tiru membru F-FDTL ne’e tanba nia intensaun la’ós atu tiru nia, maibe tiru rai mak kona nia maluk ne’e. Tanba ne’e, ha’u husu instituisaun rua; F-FDTL no PNTL atu fó treinu didi’ak bá nia membru sira para atu labele falla tán.”

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Forsa Konjunta Preende Tabaku Pohon Sagu Kaixa 320 iha Tasi-Tolu

Published

on

Hatutan.com, (19 Abríl 2024), Díli—Forsa konjunta kompostu hosi Polisia Nasionál Timor-Leste (PNTL) liuhosi Departamentu Investigasaun Kriminál (DIK), Servisu Informasaun Polisia (SIP), FALINTIL Forsa Defeza Timor-Leste (F-FDTL) liuhosi Unidade FALINTIL (UF) no Servisu Nasionál Intelijénsia (SNI), halo apreensaun bá evidénsia tabaku ho marka Pohon Sagu hamutuk kaixa 320 iha área Tasi-tolu, Díli.

(more…)

Kontinua Le'e

Defeza & Seguransa

Komandu PNTL Distribui Karreta 47 bá Munisípiu no Unidade Sira

Published

on

Hatutan.com, (18 Abríl 2024), Díli—Komandu Polísia Nasionál Timor-Leste (PNTL) iha Kinta 18 Abríl distribui tán karreta unidade hamutuk 47 bá komandu munisípiu 12, Rejiaun Administrativa Espesiál Oecusse Ambeno (RAEOA), Unidade Espesiál Polísia (UEP), Unidade Polísia Marítima (UPM) ho Unidade Patrullamentu Fronteira (UPF).

(more…)

Kontinua Le'e

Defeza & Seguransa

Vizita Papa Francisco, Seguransa Preparadu no Garantidu

Published

on

Hatutan.com, (16 Abríl 2024), DíliIX Governu Konstitusionál garante sei fó seguransa másimu durante loron tolu vizita Papa Francisco iha Timor-Leste (TL).

(more…)

Kontinua Le'e
Advertisement

Trending