Hatutan.com, (16 Dezembru 2024), Díli-Iha semana ida nia laran, hahú hosi loron 09 to’o loron 16 fulan-Dezembru 2024, Cetro Nasional Opresaun Protesaun Civil – Autoridade Protesaun Civil (CNOPC – APC) rejista dezastre naturál tipu oin tolu mak akontese iha territóriu nasionál.

Lee Mós: Janeiru-Outubru, Família 3.213 Afeitadu bá Dezastre Naturál

Dezastre naturál tipu oin tolu ne’e mak hanesan inundasaun akontese bee-sa’e ne’ebé rezulta uma-kain tolu hetan estragu, anin-boot sobu uma lima (5) no mós ahi-han uma tolu (3).

Uma ida (1) hetan estragu kauza hosi udan ho anin-boot iha Aldeia Horba, Suku Lepo, Postu Administrativu Zumalai, Munisípiu Covalima, 10 Dezembru 2024. Foto/APC Covalima

Liuhosi konferénsia imprensa, Segunda (16/12/2024), CNOPC-APC relata katak dezastre anin sobu uma ida (1) iha  Aldeia Aimerahun, Suku Acumau,   Postu Administrativu Remexiu  Munisípiu Aileu, iha loron 10 fulan-Dezembru 2024.

Iha loron 09 fulan-Dezembru, akontese anin-sobu komunidade nia uma ida (1) iha Aldeia Matua, Suku Vila-Verde, Postu Administrativu Vera Krús, Munisípiu Díli

Inan boot rezulta komunidade nia uma ida (1) hetan estragu iha Aldeia Kakeu Laran, Suku Becora, Postu Administrativu Kristu Rei, Munisípi Díli iha loron 11 fulan-Dezembru 2024.

Iha loron 11 fulan-Dezembru udan ho intensidade forte hodi rezulta bee-sa’e abitante nia uma rua (2) iha Aldeia 20 Setembru, Suku Bebonuk, Postu Administrativu Dom Aleixo, Munisípiu Díli.

Iha Munisípiu Lautem, Postu Administrativu Iuro, Suku Lore 1, Aldeia Tchai, iha loron 05 Dezembru 2024, akontese ahi han Komunidade nia uma tolu (3).  

Iha Postu Administrativu Lautem, Suku Mania 2, Aldeia Queduluro, iha loron 07 fulan-Dezembru 2024 akontese anin sobu komunidade nia uma ida (1).

Iha Munisípiu Liquiça, Postu Administrativu Liquiça, Suku Acumanu, Aldeia Caicasaiko, iha loron 15 fulan-Dezembru 2024 skontese ahi han Komunidade nia uma rua (2).

Munisípiu Manufahi, Postu Administrativu Same, Suku Tutuluro, Aldeia Bubolau , iha loron 30 fulan-Novembru 2024 akontese anin sobu komunidade nia uma ida (1).

Iha Suku Rotutu, Aldeia Sabou, iha loron 5 fulan-Dezembru 2024 akontese anin sobu komunidade nia uma ida (1).

Iha Munisípiu Viqueque, Postu Administrativu Viqueque Villa, Suku Carau – Balo, Aldeia Manehat, iha loron 12 fulan-dezembru 2024 akontese ahi hankKomunidade nia uma tolu (3).

Hosi dezastre sira ne’e  APC Munisípiu ho parseiru  sira fornese ona asisténsia emerjénsia ba família afetadu  sira mak hanesan ai-han no la’ós ai-han (food item & Non-food Item).

“APC apelu ba sidadaun hotu-hotu iha Timor-Leste atu kuidadu an didi’ak maske dezastre ita la espera maibé idak-idak presiza tau atensaun ba ninian an rasik,” Porta Voz Xefi Seksaun Relasaun Externa, Nelson Nunes de Orleans hateten iha edifísiu APC iha  Caicoli, Díli.

Cetro Nasional Opersaun Protesaun Civil (CNOPC) APC bazeia ba informasaun previzaun Tempu husi Diresaun Nacional Meteorolojia no Geofisika (DNMG) -MTC iha semana kotuk hosi loron 09-16 Dezembru 2024.

Kondisaun Tempu

Atmosfera instavel ka kalohan taka iha Territóriu Nasionál kauza udan Natoon-Forte iha munisipiu Ainaro, Baucau, Manatuto, Manufahi, Vikeke no Lautem. Ba municipiu sira seluk kuaze kalohan taka kauza udan Fraku-Naton.

Temperatura

Temperatura maxima iha territóriu nasionál varia husi 27-31’C no minima 19-26 ‘C.

Kondisaun Anin

Anin huu ho Velosidade Normal-Natoon iha rejiaun sentrál no anin huu ho velocidade Naton iha rejiaun kosteiras liu liu municipiu Baucau, Lautem, Liguica Vikeke Manatuto no Rejiaun Atauro.

Kondisaun Laloran

Laloran tasi iha kosta Norte varia husi 0.2 – 1.0 metru (Kategoria Normal)

Laloran tasi iha kosta Sul varia husi 0.7 – 1.0 metru (KategoriaNormal)

Rai Nakdoko

Iha loron 10-12-2024, Akontese rai Nakdoko ho nia Magnitude 3.6, iha oras 06:17:55, ho nia Profunidade 9, 10 LS, 125 70 BT Il ho 11 Km, akontese iha Suku Daisua, Munisípiu Manufahi.

Jornalista Estajiáriu : Lazaro Pereira Quefi