Hatutan.com, (15 Setembru 2022), Díli—Ministru Justisa (MJ), Tiago Amaral Sarmento hala’o reuniaun ho Ensul Meci ka 𝑫𝒊𝒍𝒊 𝑭𝒊𝒏𝒂𝒏𝒄𝒊𝒂𝒍 𝑩𝒖𝒔𝒊𝒏𝒆𝒔𝒔 𝑪𝒆𝒏𝒕𝒆𝒓 (DFBC) ho ninia advogadu Timor oan, Pedro Aparicio, hodi husu ba Ministru Justisa atu bele emite Guia de Pagamentu nune’e sira bele hahú selu dívidas ne’ebé iha, no sira sei selu kontratu arrendamnetu bazeia ba kontratu investementu ne’ebé asina ona ho Governu Timor-Leste.

Ministru Justisa (MJ), Tiago Amaral Sarmento hala’o reuniaun ho Ensul Meci ka 𝑫𝒊𝒍𝒊 𝑭𝒊𝒏𝒂𝒏𝒄𝒊𝒂𝒍 𝑩𝒖𝒔𝒊𝒏𝒆𝒔𝒔 𝑪𝒆𝒏𝒕𝒆𝒓 (DFBC) ho ninia advogadu Timor oan, Pedro Aparicio, iha edifísiu MJ Kaikoli, Díli, Kinta (15/09/2022). Foto/MJ.

Bazeia ba klauzula Vigésima kuatru (24), Nu. 1. kontratu investementu ne’ebé iha ona entre Ensul Meci ka DFBC ho Governu, parte 𝐄nsul 𝐌𝐞𝐜𝐢, tenke selu arrendamentu ho montante $𝟲.𝟳𝟵𝟬 𝗸𝗮𝗱𝗮 𝗳𝘂𝗹𝗮𝗻 ba governu Timor-Leste, hahú iha fulan Abríl 2020, maske nune’e to’o agora 𝐄nsul 𝐌𝐞𝐜𝐢 seidauk kumpri sira ninia dever hodi selu.

Lee Mós: TR Deside Rai Ne’ebé ENSUL MECI Arrenda Husi Governu Pertense Rai Privadu

Investór internasionál 𝐄nsul 𝐌𝐞𝐜𝐢 ho Governu Timor-Leste asina kontratu investementu espesiál iha tinan 16 Abril 2010 no iha Abril 2020, loloos sira selu ona kontratu arrendamnetu bazeia ba klauzula iha leten.

Maske nune’e, Ministru Justisa insiste katak bazeia ba lei tenke halo kontratu arrendamnetu ho Diresaun Jerál Terras e Propriedades tanba Kontratu investementu refere buat ketak ida, maibe kontratu arrendamnetu ne’e buat ketak.

“Nune’e, Tiago Amaral Sarmento sei prosesa kontratu ba arrendamentu propriedades no terrenu refere bazeia ba levantamentus kadastrus ne’ebé halo ona husi tekniku sira hosi Diresaun Jerál Terras e Propriedades Ministériu Justisa iha fulan Abril liuba bainhira Ministru Justisa foin simu posse semana ida,” Hatutan.com sita komunikadu, Kinta (15/09/2022).

Bazeia ba klauzula balun iha kontrtau investimentu ne’e sita katak 𝐄nsul 𝐌𝐞𝐜𝐢 labele halo sub arrendamentu ba propriedades no terrenu sira iha eis SAPT laran sem autorizasaun hosi Governu Timor-Leste, ne’ebé reprezenta hosi Ministériu Justisa.

Maske nune’e, Ensul Meci kontinua halo sub-arrenda ba propriedades ne’ebé iha ba sub-arrendatáriu sira hodi hetan lukru liu $60.000 kada fulan, maske to’o agora 𝐄nsul 𝐌𝐞𝐜𝐢 rasik seidauk kumpri ninia dever hodi selu arrendamentu ba Estadu Timor-Leste.

Tiago Amaral Sarmento mós informa ba parte 𝐄nsul 𝐌𝐞𝐜𝐢 katak agora daudaun hein hela pareser hosi Ministériu Públiku, nune’e Ministru Justisa bele avansa ho kontratu arrendamnetu ne’ebé prepara ona hosi Ministériu Justisa.

Jornalista: Elio dos Santos da Costa