Connect with us
Pakote Ahi

Nasionál

Kuarezma, Tempu bá Sarani Sira Halo Orasaun, Karidade no Jejúm

Published

on

Hatutan.com, (22 Fevereiru 2023), Díli- Iha loron kuarezma ka loron hadera-an nian, Santa Kreda konvida sarani sira atu iha fiar ida de’it la’o hamutuk iha orasaun, karidade no jejúm hodi kontempla Maromak Nia hakarak iha moris loro-loron nian.

Lee Mós : Hadera-an ho Karidade, Orasaun no Jejún

Arsebispu Arkidioseze Metropolitana Díli, Dom Virgílio Cardeal do Carmo da Silva, SDB tau sinál krúz Sinzas nian bá sarani sira iha Katedrál Díli, Kuarta Feira Sinzas (02/03/2022). Foto/dok.Hatutan.com.

Kuarezma hanesan momentu importante iha moris fiar sarani Katólika nian,  tanba iha tempu kuarezma mak sarani ida-idak hahú hanoin ho nia frajilidade tomak atu fila bá Maromak.

Kuarezma mós bolu atensaun bá ema ida-idak atu haree ba nia moris, haree besik liu tan buat esensial no importante sira bá moris.

Advertisement

Iha kuarezma mak ema sarani hili dalan atu fila bá Maromak liuhosi dalan konversaun, tamba ne’e  tempu kuarezma ema ida-idak sei loke nia fuan no tilun atu iha pasiénsia hodi rona Maromak Nia konvite bá dalan loos, dalan salvasaun nian.

Arsebispu Arkidioseze Metropolitana Díli,  Dom. Virgílio Cardeal do Carmo da Silva, SDB, iha nia omilia bá sarani sira iha selebrasaun kuarta feira sinzas, iha Igreja Katedral Díli, Kuarta (22/02/2023), afirma karta pastoral santu padre Papa Francisco nian dehan, katak kuarezma hanesan retiru ida bá sarani tomak, iha momentu hadera-an ne’e uma kreda konvida sarani tomak atu la’o hamutuk.

Ohin sarani tomak mai hamutuk loke kuarsamu ho sinzas ne’ebé simu daudaun, atu hatudu katak iha loron 40 nia laran hanesan sarani hotu-hotu la’o hamutuk.

Iha tempu kuarezma sarani ida-idak mós simu konvite atu sa’e bá Maromak nia foho hodi husik buat mundu nian atu bele kontempla Maromak nia hakarak.

Iha kuarezma iha dalan oin-oin, maske iha dalan oin-oin buat importante iha moris ne’e maka tenke halo ema sarani ida bele la’o bá too iha Maromak. Liuhosi Ahu-kudesan ne’ebé ema simu, sinál katak ema hetan fali dalan bá moris loos, no sinál ahu-kudesan ne’ebé tau iha ema nia rentós atu hatudu katak ema hetan fali verdade sira kona-bá moris.

Advertisement

“Iha dalan tolu ne’ebé esensial atu iha kuarezma ne’e ita ida-idak buka atu kumpre ho neon no laran mak Ezmola ka Karidade, Orasaun no Jejúm,” Dom. Virgílio Cardeal do Carmo da Silva hateten.

Arsebispu Arkidioseze Metropolitana Díli ne’e hatutan, orasaun, ezmola no jejúm lori ema atu hatene lolos realidade moris nian. Iha orasaun lori ema fila bá Maromak katak fila bá ema nia hun.

Ezmola ka karidade lori ema atu hatene katak ema moris hamutuk ho ema seluk iha sosiedade ida, no jejúm lori ema bá hatene liután kona-bá nia an.

Iha mensajen Papa Francisco nian mós hateten katak iha kuarezma la’ós atu sura ema ida-idak nia susesu, maibé la’o hamutuk nu’udar komunidade, nu’udar sarani. Moris hamutuk influénsia malu, la’o hamutuk atu enkoraja malu, no motiva malu nu’udar Sarani, atu hetan forsa la’o hamutuk tamba hotu-hotu la’o hamutuk ba finalidade ida.

“Iha la’o hamutuk ne’e mak bele tulun ema atu persevera katak fiel halo didi’ak ita nia orasaun, karidade no jejúm hira ne’e, atu ita halo nu’udar família, grupu no instituisaun, la’ós atu hafuhu malu, la’ós mos atu haree malu se mak di’ak no se mak ladi’ak maibé atu hola konsiénsia katak ita hotu ema sala na’in,” Arsebispu subliña.

Advertisement

Kada tinan ema sarani fiar na’in hotu selebra kuarezma, hotu-hotu hatene oráriu sira kona-bá kuarezma nian, maibé tuir Dom Virgilio katak, la’ós fasil atu ema ida-idak moris tuir ho lolos tan ne’e bá tinan ida-ne’e santa kreda konvida atu hotu-hotu la’o hamutuk, enkoraja malu atu moris tuir santa kreda nia ukun fuan.

Ema hotu ne’ebé hanaran an sarani fiar na’in, aproveita tempu forte ida ne’e ba ida-idak nia konvensaun, hodi hatene hateke ba leten as bá, ho orasaun atu liberta husi hanoin sira ne’ebé haree de’it bá rai hodi la fó tempu bá Maromak.

Sentidu Sinzas  

Selebrasaun Kuarta-Feira Sinzas mak kose ahu-kudesan ho sinál krús iha sarani sira nia rentós.  Ahu-kudesan sinál rai-rahun ne’ebé tuir ema katóliku sira-nia fiar katak Maromak halo ema hosi rai no sei fila fali bá rai.   

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Estátua ho Marmóre Tenke Sosa iha Portugál, Prejudika Konstrusaun Monumentu Memoriál Masakre Santa Krús

Published

on

Hatutan.com, (13 Abríl 2024), Aileu- Kompañia kontratór Bobolait, L.da, seidauk finaliza projetu konstrusaun memoriál  Masakre Santa Krús, 12 Novembru 1991 tanba estátua no marmóre sira tenke sosa iha Portugál.

(more…)

Kontinua Le'e

Nasionál

09-11 Setembru, Papa Francisco Vizita Timor-Leste

Published

on

Hatutan.com, (12 Abríl 2024), Díli- Konferénsia Episkopál Timorense (CET,  sigla portugés), anúnsiu ofisiálmente bá públiku kona-bá vizita Papa Francisco nian mai Timor-Leste iha loron 09 too  loron 11 fulan-Setembru, tinan ne’e.

(more…)

Kontinua Le'e

Nasionál

La Prevee iha OJE 2024, Governu Seidauk Anúnsia Lista Veteranu Rejistu 2009

Published

on

Hatutan.com, (12 Abríl 2024), Aileu-Dadus veteranu sira nian ne’ebé rejistadu iha 2009 seidauk bele anúnsiu to’o ohin loron tanba Governu liuhosi Ministériu bá Asuntu Kombatente  no Libetasaun Nasionál (MAKLN) la konsege prevee nia orsamentu iha Orsamentu Jerál Estadu (OJE) 2024.

(more…)

Kontinua Le'e
Advertisement

Trending