Hatutan.com, (04 Maiu 2023), Díli– Estadu Timor-Leste liuhosi Prezidente Repúblika (PR), José Ramos-Horta, Kinta (4/5/2023), atribui  Medalla méritu ordem de Timor-Leste bá médiku Kubanu na’in-rua (2) no atribui mós Diploma Rekoñesimentu bá na’in-69.

Lee Mós : Prezidente Repúblika Kondekora Embaixadór Korea Súl ho Medalla Méritu

Médiku Kubanu na’in-71 durante ne’e hala’o misaun umanidade iha Timor-Leste hodi tulun Timoroan sira iha área saúde.

Prezidente Repúblika (PR), José Ramos-Horta, atribui Medalla méritu ordem de Timor-Leste bá médiku Kubanu na’in-rua (2) no atribui mós Diploma Rekoñesimentu bá na’in-69, Kinta (4/5/2023). Foto/GPR

Medalla Méritu Ordem Timor-Leste ne’e Xefe Estadu atribui  bá  Juan Calos Chavez ho Rosa Delia Duconger Castellanos. Sira-na’in-71 ne’e termina ona sira-nia misaun iha Timor-Leste. Nune’e,  hanesan Xefe Estadu halo dezisaun para rekoñese sira-nia servisu no dedikasaun.

Xefe Estadu José Ramos-Horta, hateten kuandu Governu Kuba haruka sira-nia Médiku mai, momentu ne’ebá Timor-Leste nia médiku uitoan loos. Total Médiku iha indenpensia 2002 hamtuk 20 de’it, atu fó resposta bá dezafiu iha setór saúde iha momentu ne’ebá, difisil tebe-tebes, setór saúde ne’e la’ós fasil, tanba ne’e maka Kuba oferese médiku sira mai hamutuk 100-resin.

“Hahú iha 2002, tinan lima liu tiha, Governu haruka joven 700 bá Kuba, joven sira ne’e 100% ho bolsa  estudu Kuba nian, Timor la selu buat ida, buat hotu-hotu Kuba mak responsavel. Ohin, ita iha médiku rihun ida resin, maibé falta espesialista, dentista, ostamologu, Carbiologia no pediatrat, ne’e dunik presija nafatin apoiu hosi Kuba nian,” Prezidente Repúblika José Ramos-Horta haktuir.

Xefe Estadu hatutan Sira fila ba sira nia rai, ha’u hanoin mínimu, Prezidensia bele halo, Governu bele halo, rekoñese sira atraven de Diploma ida, hanesan lembransa ba sira”.

Iha Roadmap  Timor-Leste atu tama ASEAN, kondisaun ida maka harii ospitál modernu, alidende sira seluk hanesan sentru konvensaun, otél, aeroportu. Governa tenke mós harii ospitál ida modernu rejionál.  

Jornalista: Vito Salvadór